Kəmwetə 7:15 - The New Testament in the Babanki language

¹⁵ A lə̀ kənyʉ̀ a vəwenə ti a shɨ kəfwoyn kə Nyìngòŋ, shyèʼè à wen nə̀nchwì bènə̀ nəntʉʼʉ à wen ə tì ngə̀ŋ. Wìʼ yì a ghə̀ ŋwʉʼ a kəfwoyn ne ndiʼ wenə̀ vəwenə, kɨ̀ŋtə̀ vəwenə.

Kəmwetə 7:15 ပူးပေါင်းရင်းမြစ်များ

Joyn 1:14

Ntɨm Nyìngòŋ na ghèn ə kaʼkə li sə diʼ wìʼ, ə vi tsitə a vəghəŋ a ntìntìn. Yès ə yen li kədyòʼ kə kaynəkə ə wen, kədyòʼ a ghə̀ kiʼi to nə̀ wàyn Nyìngòŋ a ghə̀ diʼ to əmùʼ li. Ghə̀ nlù fa ben ə Bobo ə vi kiʼi kusə nshinsə no mwènmwèn nə̀ no tèbe a ghò yi a ghə̀ diʼ nəmwèʼè kumə Nyìngòŋ.

1 Kolìntyàns 3:16

A ghə̀ŋ kɨli la ghə̀ŋ diʼ ngə̀ŋ Nyìngòŋ, kəzhwì kə Nyìngòŋ kə tsi a ghə̀ŋ a ntìntìn?

2 Kolìntyàns 6:16

Ngə̀ŋ Nyìngòŋ ə ko kiʼi kənyʉ̀ ə nè wenə nshəʼsə. Ghə̀ŋ kɨli la vəghəŋ diʼ tò nə̀ ngə̀ŋ Nyìngòŋ yi a ghə̀ tsi, to ndə̀ŋndəŋ ando ghə̀ ngàʼa li la: “Mà ne ntsi a vəwenə a ntìntìn, diʼ yo vəwenə; Mà na diʼ Nyìngòŋ ə vəwenə, vəwenə diʼ viʼi vwomə.”

Hibùlù 12:2

Vəghəŋ tom a shɨ ə vəghəŋ to wen Yesò. A diʼi wen a ghə̀ bʉ̀ʼ ji əbyɨmə ə vəghəŋ, a be diʼ to wen a ghə̀ tisə əbyɨmə na yi dyʉ̀ zàʼa a kəmwètə. Ghə̀ mbyɨmə li ə pfʉ a kəntò kò kətʉ kə wen ndiʼi byìʼì nki pfʉ na ghèn byìʼì ando ghə̀ nkɨ li la à na diʼ fa yi bàm, a ghə̀ nsaŋlə̀. Ghə̀ diʼ luwen, nyʉ̀ʼ a kwoŋ ə toghə a benə kəkɨ kə təfòyn yi a Nyìngòŋ ə nyʉ̀ʼ tsu.

Hibùlù 8:1

Kənyʉ̀ ki a yès ə lu tə sù gàʼa ə diʼ la vəghəŋ ə kiʼi pfèm ə ngə̀ŋ Nyìngòŋ ə ŋaŋtə, ghə̀ nyʉ̀ʼ a shə kwoŋ toghə Nyìngòŋ akàŋ, a ghə̀ soʼo no əfo ə tsèm.

Kəmwetə 11:19

Fa bàm ənyʉ̀ venə, əchʉ ngə̀ŋ ə̀ ghoʼo ə̀ Nyìngòŋ fa kàŋ ə bòʼmə̀, mà yen əkum ə məkàyn ə̀ Nyìngòŋ à wen ə ngə̀ŋ ə ghoʼo. Əghʉ sə̀ mwàntə̀ bwankə̀, fa kəshi ayì, gɨsə fʉ̀ fa tsu, nse nə̀ʼə̀, awoŋ bè shiʼi no à ghoʼo.

Kəmwetə 13:6

Ghə̀ zìtə̀ sə̀ telə̀ Nyìngòŋ, telə̀ əzhiʼ ə wen be telə̀ viʼi a və̀ntsi a kàŋ.

Kəmwetə 20:10

Luwen və mu maʼ Deblə̀ yi a ghə̀ lobtə vəwenə ati mo əzhiʼ be nə̀ məkàyn. Kəshi a kenkə ndiʼ kəshi a və be moʼ shiʼ sə nə̀ nyam ə toʼ yi wenə nshə̀ʼtə̀sə kənlobtə shisə. Və lu nku ngəʼ a vəwenə nə̀nchwì nə̀ nəchʉʼ zaʼa no fa ze.

Kəmwetə 21:22

Ma ko yen ngə̀ŋ Nyìngòŋ a ntə̀ʼ na yi byìʼì ando ngə̀ŋ Nyìngòŋ tsu ndiʼ to no Bobo Nyìngòŋ, ə Tiʼi ədyoʼ ə tsèm no nə̀ ngə̀ŋ wen wenə We Njɨ̀.

Kəmwetə 22:3

Nò tèbe gho yi a Nyìngòŋ ə sə diʼ mù ghə̀ telə li ko lu ndiʼ tebè a ntə̀ʼ na yi. Kətsi kə fòyn Nyìngòŋ ə nə̀ ə ndiʼ a ntə̀ʼ na ghèn, We njɨ̀ ə boŋ diʼ. Viʼi və shyèʼ və Nyìngòŋ ə lu nə̀ gumlə Nyìngòŋ a ntə̀ʼ na ghèn.

Kəmwetə 22:5

Əchʉʼ ə jɨghə ko bè lu diʼ. Vəwenə ko bè lu kəŋ tebè vəlamə kò chwìchwì byìʼì ando Bo Nyìngòŋ lu ndiʼ əbayn a vəwenə, a wenə vəwenə nə̀ soʼo əfòyn to məzhʉ̀ ə tsèm.

Kəmwetə 4:4

Əfwoyn ə tsenəvə ndìʼ njʉ̀sə̀ kàʼ a məwum ə̀ mbò mu və nyɨŋ li ə̀ nkaʼ kəfwon kì, vəchəʼ njʉ̀sə̀ kàʼ a məwum ə̀ mbò ŋwʉʼ tsu mu vəwenə mòʼ vədàlə və fəfəvə nchiʼ təsòʼ mu və shɨ̀tə̀ nə̀ gul à vəwenə tʉ.

Kəmwetə 4:8

Əfo avenə no tsèm ə̀ nkìʼ təvò ə̀ ntʉ̀fəntʉ̀fə, kiʼ ashɨ tò ə̀wen ə̀ tsèm nə̀ à vəwenə tì wèn. Vəwenə nzhɨmə ndzàŋsə tò məzhʉ̀ ntsèm, zhɨmə nəntʉʼʉ nə̀ nə̀nchwì la, “Wu ŋwoʼə, wu ŋwoʼə, wu ŋwoʼə dìʼ tìʼ àdyoʼ ə̀ tsèm, Ghə̀ ə̀ ndìʼ, diʼ luwèn be diʼ ə lu vì!”

Kəmwetə 4:9

Ə̀fo zhwisəvə avenə nzhɨmə ndzàŋsə ku əghoʼsə, nə̀ gumlə bènə̀ kəzòŋ à wìʼ yì a ghə̀ ŋwʉʼ a kəfwoyn yì, ə̀wen yì a ghə̀ diʼì no məzhʉ ə̀ ntsèm.

Kəmwetə 7:9

Fà yì a bàm, mà kɨ̀blə̀ ə̀ yen ənòyn ə viʼi və tsenə və taŋə lè mu vəwenə mòʼ vədàlə və fəfəvə nə̀ əzaŋ à vəwenə avu və ti a shɨ ə̀ kəfwoyn kì bènə̀ wàyn bi njɨ̀ yì. Viʼi a vyi ə̀ ndìʼ tənkì tə viʼi no tətsèm, mu və fʉ̀ fa təshyə tə loʼ tətsèm, be gàʼà tò təgàʼ tətsèm.