Kəmwetə 7:14 - The New Testament in the Babanki language

¹⁴ Mà bwènsə̀ à wen la, “Ba, à kɨ̀ tò wù.” Ghə̀ mù gàʼ à mò la, “Venə diʼ viʼi a və cho li fa tì ngəʼsə sə̀ fàynsə sə̀. Vəwenə nshʉ li vədàlə və vəwenə ne mənlyuŋ mə wàyn bi ənjɨ̀ və sə fəfə fəfə.

Kəmwetə 7:14 ပူးပေါင်းရင်းမြစ်များ

Matìyò 24:21

byìʼàndo tʉʼ ayi lu vì ngəʼ yi mfàynsə̀ chò ngəʼsə no sətsèm; kèn la wìʼ ntəmə yen fa tʉʼ a mbi nzìtə əzaʼa fa tʉʼ a ghə̀ lu mè.

Ŋwàʼlə̀ Mak 13:19

byìʼàndo à lu ndiʼ a mətsì ayì, viʼi yen ngəʼ a wìʼ nko təmə̀ yen fa tʉʼ a Nyìngòŋ nshɨtə mbi ghèn əzaʼa fa luwèn, ko ndiʼ la wìʼ be lu yen kənyʉ̀ a nə̀ nakì.

Joyn 16:33

Mà shə̀ʼtə nyʉ̀ a venə a ghə̀ŋ alə̀ ndi ghə̀ŋ faŋ to mò, ə kiʼi mbwaʼmə. Ghə̀ŋ na kiʼi ngəʼ a mbyi ashə. Alì kə wìʼ na bwaʼ! Ma to li chò mbyi.”

Shwèʼ 14:22

ə tomsə viʼi vəbyɨməvə la vəwenə nghaʼa tyɨmə a vəwenə a byɨmə. Vəwenə bè gàʼ la, “Vəghəŋ diʼi chò fa tì ngəʼsə no sə ghoʼo mibu kwen a kəshi kə fòyn Nyìngòŋ.”

Lumans 5:3

Vəghəŋ ə nsaŋlə̀ to saŋlə a ntìntìn ngəʼ yi a vəghəŋ ə yenə byìʼì ando vəghəŋ ə kɨ la ngəʼ ə vi nə̀ ghaʼa tyɨmə.

1 Kolìntyàns 6:11

Viʼi vətsenvə fa ghə̀ŋ a ntìntìn ndiʼ to lə, ali luwen sə diʼ mù və shʉ li mbyɨ shəŋsə ə ne ghə̀ŋ sə laynə, ə be nè ghə̀ŋ sə diʼ viʼi kənyʉ̀ kətɨməkə a shɨ ə Nyìngòŋ. Ənyʉ̀ a venə ə̀ diʼ mu və fʉ̀ byìʼì kədyòʼ kə Bobo Yesò Klistò mu à nè Kəzhwì kə Nyìngòŋ a vəghəŋ.

2 Tèsàlonyà 1:4

A le kənyʉ̀ ki a yès ə zhʉsə ngaʼa a nòynə viʼi və byɨməvə vətsenvə, yès sə naynə kumə ghə̀ŋ. Yès nə̀ nè alə̀ byìʼì ando ghə̀ŋ timə li to a ghə̀ŋ a byɨmə no tèbe ando viʼi ə tsuʼ kəghʉ ə kəŋkə̀, ghə̀ŋ be yenə ngəʼ sə tsensə ali wensə to wensə.

Hibùlù 13:12

Kə le diʼ to ndə̀ŋndəŋ ando və nlyɨ̀ ə fʉ̀ nə̀ wen fa ntə̀ʼ, ghə̀ yenə ngəʼ ə pfʉ ə shʉ̀ mbyɨsə viʼi nə̀ mənlyuŋ mə wen.

Hibùlù 9:14

Mənlyuŋ mə nyàm ə sətsen ndiʼ nè la wìʼ ndiʼ nə̀ laynə to ando kə ndiʼ, mənlyuŋ mə Yesò ne mɨŋsə kiʼi kədyòʼ ə ne ə wìʼ ndiʼ nə̀ laynə ale? Ghə̀ ə nkuli wenə wen a Nyìngòŋ a kəku, ko ghə̀ kiʼ əmbyɨ, mu gyàmtə̀ Kəzhwì ki a kə diʼ to məzhʉ̀ ə tsèm. Ghə̀ nè alə ə shʉ̀ ə laynsə tətyɨm tə vəghəŋ fa nyʉ̀ yì a və vi nə̀ pfʉ ndi vəghəŋ ə̀ kuʼsə Nyìngòŋ yi a ghə̀ tsi.

1 Bità 1:19

Ghə̀ ə nzen ghə̀ŋ to no ə mənlyuŋ mə Yesò, a diʼ mənlyuŋ kiʼi kədyòʼ. Yesò ə ndiʼ to nə̀ wàyn Njɨ̀, ghə̀ nko kiʼi kəluʼ no fa mphen.

1 Joyn 1:7

Vəghəŋ sətsèn ə njèʼè a tyì əbayn ndə̀ŋndəŋ ando Nyìngòŋ dìʼ a tyì əbayn mu vəghəŋ tsèntə̀ dìʼ a kənyʉ̀ kə mùʼ, mənlyuŋ mə̀ wàyn wen ə Yesò Klistò be shʉ̀ vəghəŋ fa vəghəŋ a mbyɨsə no sətsèm.

Kəmwetə 1:5

Boŋə tyɨm bènə̀ mbwaʼmə̀ be diʼ à ghə̀ŋ fà Yesò Klistò ə wu yenə nəmwèʼè, à dìʼ mbì wìʼ a və nlùsə wen fa əpfʉ, à be soʼo wen soʼo təfòn tə mbi tèntə. Ghə̀ kòŋə̀ vəghəŋ. Ghə̀ shisə̀ li vəghəŋ fà vəghəŋ ə mbyɨsə chò fa wen ə mənlyuŋ a ghə̀ mpfʉ a kəntò ə̀ shʉ̀ʼ.

Kəmwetə 12:11

Vəlèmə̀ avenə soyn li ə̀ nzhɨ wen byìʼ mənlyuŋ mə wàyn bi njɨ̀ nəmwèʼè yì a vəwenə tə̀ nshə̀ʼtə̀ bè kòŋə̀ əku təwen tə vəwenə pfʉ byìʼ wen.

Kəmwetə 15:2

Mà mbe ə̀ nyèn kəfo kə kə̀ʼə̀ to nə̀ ə̀mu mə ghoʼomə̀, baynə lyəŋsə̀ to nə̀ kənki kə ashɨ a və fə̀ŋə̀ nə̀ əzhiʼ. Mà mbe yèn viʼi a və soyn ə̀ nzhɨ nyàm ətoʼ yì a ghə̀ fʉ̀ ə̀ kuʼ ə̀ vì fa ə̀mu lì wenə̀ kənshyə̀ʼsə̀ kə wen əboʼsə nə̀ ətaŋ ə zhiʼ wen, və ti a mbyɨ̀ ə̀mu mə ghoʼomə̀ mì kiʼ təlyuŋ tə Nyìngòŋ à vəwenə avu.

Kəmwetə 17:6

Mà yen mu wùwì ayì ə nyʉ li mənlyuŋ mə viʼi ə Nyìngòŋ nə̀ mənlyuŋ mə̀ viʼi a və̀ nzhwilə̀ byìʼàndo vəwenə ntɨmə viʼi vəyenəvə a ənyʉ̀ ə Yesò. Mà ə̀ nyenə wen ə̀ sə̀ diʼ nə̀ kanə ghoʼoghə,

Kəmwetə 2:9

Mà kɨ ngəʼsə shìsə a ghə̀ŋ ə yenə. Mà kɨ la ghə̀ŋ ə femə alì diʼ viʼi vəghoʼ kəvə a kəzhwì. Mà kɨ ənyʉ̀ byɨvə a viʼi a və lyɨ̀ la vəwenə diʼ vəjew alì kèn la vəwenə ghʉ tə ziʼi tə viʼi Jus ə gàʼà byìʼì ghə̀ŋ. Vəwenə diʼ viʼi ə nòyn ə̀ Satan.

Kəmwetə 22:14

Njùŋ ne diʼ a viʼi vyi a və shʉ̀ ndisə vəwenə, sə laynə, vəwenə ə sə kiʼ kədyòʼ ə phiʼ ashɨ a fəkoʼ yi a ghə̀ kù bwoŋ, be kiʼ kədyòʼ ə chò fa chʉ̀ mbàyn ə kwen a ntə̀ʼ.

Kəmwetə 5:9

Vəwenə sə̀ zhɨmə ndzàŋ ə fi la, “Wàyn njɨ̀, wù ə kwʉʼ li ə̀ me əshi əbʉʼ ə ŋwàʼlə̀ ghenə ə bə̀ytə mɨ̀ŋ yi ə bòʼ byìʼe və nzhwi li wù, wù pfʉ ə̀ zèn kətʉ kə viʼi ə ngwàʼsə̀ tsèm nə̀ viʼi təgàʼ tə tsèm bènə̀ viʼi təloʼ tə tsèm a mbi. Wù ə̀ nzèn kətʉ kə vəwenə ne mənlyuŋ ə̀ bwènsə̀ ku à Nyìngòŋ.

Kəmwetə 7:9

Fà yì a bàm, mà kɨ̀blə̀ ə̀ yen ənòyn ə viʼi və tsenə və taŋə lè mu vəwenə mòʼ vədàlə və fəfəvə nə̀ əzaŋ à vəwenə avu və ti a shɨ ə̀ kəfwoyn kì bènə̀ wàyn bi njɨ̀ yì. Viʼi a vyi ə̀ ndìʼ tənkì tə viʼi no tətsèm, mu və fʉ̀ fa təshyə tə loʼ tətsèm, be gàʼà tò təgàʼ tətsèm.