Kəmwetə 7:1 - The New Testament in the Babanki language

¹ Kənyʉ̀ kə tsen a mà ə̀ mbè yen ə̀ ndìʼ ntsɨ̀ŋsə ngə̀ŋ Nyìngòŋ sə̀ kàʼ sə ti a təshyə tə mbi tèn tə kàʼ. Vəwenə nti a lì ghaʼa fwof fa təshyə tèn tə kàʼ ndi kə ghə̀ à chò fa nse, ko fa mù, ko ə nə̀ʼ fəkòʼ.

Kəmwetə 7:1 ပူးပေါင်းရင်းမြစ်များ

Matìyò 24:31

Və lu toŋə soŋ no nəmwèʼè-mwèʼè, ghə̀ mu tɨmə ntsɨŋsə wen a təshə tə mbi ghèn tə kàʼ, vəwenə pfʉtə viʼi vi a Nyìngòŋ tsuʼ li ə bwòŋsə̀ no vətsèm.

Ŋwàʼlə̀ Mak 13:27

Ghə̀ lu tɨm ntsɨ̀ŋsə ngə̀ŋ Nyìngòŋ a təshyə tə kàŋ nə̀ təshyə tə mbi tèn no tətsèm la sə jèʼè tsèntə̀ viʼi vi a Nyìngòŋ tsuʼ li əbwòŋsə̀.”

Kəmwetə 20:8

ghə̀ fʉ ə̀ vì ə̀ dyʉ̀ ə lobtə təloʼ tə təshyə tə mbi tèn təkàʼ andiʼ Gog wenə̀ Magog la vəwenə tsentə a kəshi kə mùʼ ə̀ soyn. Viʼi təloʼ avenə lu ghoʼo to nə̀ kəsese kə̀ a mu mə nghoʼomə̀.

Kəmwetə 6:6

Mà zhʉ gɨ̀, ghə̀ gàʼa to nə̀ gɨ̀ wìʼ fa ntìntìn ə̀fo vi ə̀ kàʼ la, “Əko shyèʼ ə kətsi kə mpfen ne kwʉ̀ʼ əzen tò kilò to kəbayn a və bvu fa wit muʼ ko əzen vəkilò və kəbayn a və bvu fa balley vətaʼ, alì kə a kùm məzhiʼ nə̀ məlyʉ̀ʼ.”

Kəmwetə 7:3

Gàʼà la “Kə ghə̀ŋ à byɨ̀sə nse, ko mu, ko ə̀ nkòʼ, ə zaʼa fa zhʉ a yès a ku ə chwitə a təchʉ̀, ə viʼi shyèʼ ə̀ Nyìngòŋ vəghəŋ ə myetə.”

Kəmwetə 8:7

Ntsɨ̀ŋ ngə̀ŋ ə̀ Nyìngòŋ ə̀ mbì toŋ ə̀soŋ ə wen, awoŋ nə̀ əzhiʼ zìtə̀ ə shiʼi a nse mu və fɨ̀ŋ li nə̀ mənlyuŋə. Ə̀fo a vyi shiʼi a lì ə̀ nyùʼ əshyə nse kə mùʼ fa tì ə̀ bàs ə taʼ, ə̀ bè nè tò ndə̀ŋndəŋ nə̀ nkòʼ bè nyùʼ agəŋ ə zhʉghə no a tsèm.

Kəmwetə 9:14

Gɨ̀ ayì ə̀ ngàʼà à ntsɨ̀ŋ ngə̀ŋ ə̀ Nyìngòŋ ayì la, “zàtə̀ ntsɨ̀ŋsə ngə̀ŋ ə̀ Nyìngòŋ shì səkàʼ a və̀ nkwiʼì a mù mə ghoʼomə̀ a və ndzàŋə̀ nə̀ Yuphlates lì.”

Kəmwetə 9:4

ə̀ gàʼ à səwensə la, kə sə à kùm ə̀ byɨ̀fsə agəŋ ə nse, ko tè kəfo fəzhʉfə, ko tè fəkòʼ. Və bòŋsə̀ gàʼ à səwensə la sə chələ viʼi vyi a və ko kiʼ əchwitə Nyìngòŋ à vəwenə təchʉ̀ təkə̀ʼ.