Kəmwetə 6:8 - The New Testament in the Babanki language

⁸ Mà sə ki ə̀ yèn əlyəŋ tsenghə ghə̀ lyìʼlə̀ kə̀ʼə̀, əzhiʼ wìʼ a ghə̀ ə̀ ndìʼ à yi kətʉ ə̀ ndìʼ Əpfʉ. A ə̀ ndìʼ a lì, əloʼ vəmpfʉvə nse dzɨ̀mtə̀ vì fa bàm. Və ku kədyòʼ la ə̀fo avenə gətə nse məshyə̀ ə̀ nkàʼ, ə̀ lyɨ̀ əshyə̀ mùʼ zhwilə viʼi vyi a və diʼ tsu nə̀ nyì ngwələŋ, nə̀ jɨ̀ŋ ə byɨ, nə̀ təkwaʼa tə fansətə. Nyamsə tətoʼ be zhwilə̀ vətsenvə.

Kəmwetə 6:8 ပူးပေါင်းရင်းမြစ်များ

Matìyò 11:23

A ghə̀ŋ viʼi Kabanùm, ghə̀ŋ ə kwòʼtə̀ la Nyìngòŋ lu kuʼsə ghə̀ŋ, ə ghə̀ŋ kuʼ zaʼa a kàŋ mu? Kə ko diʼ a lì. Ghə̀ lu mòʼ ghə̀ŋ a sem zhìʼ byɨghə. A tu ndiʼ la nyʉ̀ kaynə venə a mà nè à ghə̀ŋ lə, la mà ə nè à viʼi ntə̀ʼ Sodòm, mu vəwenə bù dìʼ əzaʼa fa layn.

Matìyò 24:7

Təloʼ tə lu nsoynə tətsentə, təfòyn tə soynə tətsen tə, nse lu nə̀ʼə̀ ə jɨŋ be ku tò shì tsèm.

1 Kolìntyàns 15:55

“Əpfʉ kədyòʼ ə kyəkə kì ye? Ə ncho ə wù ə ye?”

Kəmwetə 1:18

be diʼ ə̀ wen yì a ghə̀ diʼi to (tsi). Mà ə mpfʉ li ə̀ bè lù fa pfʉ sə diʼ to ə zaʼa no fa ze. Mà kiʼi àdyoʼ a kətʉ ə pfʉ be a aloʼ viʼi və pfʉkəvə.

Kəmwetə 12:4

Əkwen ə wen ə zhès əshyə mədzɨ̀ŋ ə̀ mùʼ fa tì təshyə tə taʼ ə̀ mòʼ shìsə a nse. Nyàm ə fànsə ayì tɨmə a shɨ ə̀ wùwì yì a ghə̀ sə̀ diʼ a məbwi lì sə̀ bvʉ̀tə̀ ə pfiʼ wàyn ayì a ghə̀ a bwi lì.

Kəmwetə 9:15

Və mù zàtə̀ ntsɨ̀ŋsə ngə̀ŋ Nyìngòŋ ashì səkàʼ byìʼàndo əzhʉ ə nkwʉʼ li, kətsi kə kwʉ̀ʼ, sàŋ nə̀ ngwʉ̀ʼ bè kwʉ̀ʼ ə və zhwi wìʼ muʼ ə̀ mùʼ fa tì viʼi vətaʼ.

Kəmwetə 9:18

Ngəʼsə fànsəsə asènsə sə̀ taʼ a ndìʼ əzhiʼ, nə̀ fələʼ nə̀ məkàyn a sə mfʉ̀ fa təchʉ̀ ə̀ təlyəŋ atì, ə zhwi wìʼ muʼ mùʼ fa tì viʼi və taʼ.