Kəmwetə 6:2 - The New Testament in the Babanki language

² Mà sə ki ə̀ yèn əlyəŋ ə fəfəghə tsenghə, wìʼ diʼ à yi kətʉ kiʼ fənchyə. Və ku ə̀sòʼ ə təfòyn à wen, ghə̀ nyɨŋ ə̀ fʉ̀ to nə̀ wìʼ a ghə̀ lu ə ntemə ghoŋ zhɨ tò zhɨ be diʼ ə tem ə zhɨ.

Kəmwetə 6:2 ပူးပေါင်းရင်းမြစ်များ

Matìyò 28:18

Yesò vìtə̀ boʼsə vəwenə mù gàʼ la “Nyìngòŋ ku li adyòʼ à mò no tsèm a kàŋ bènə̀ a nse la mà nsoʼo viʼi.

1 Kolìntyàns 15:25

Kə diʼ alə̀ byìʼì ando Yesò zizi ko ghə̀ lu faŋ ke nsoʼo to soʼo ə zaʼa ando ghə̀ a mòʼ viʼi kəbayn wen no vətsèm a nse, ə tomtə aghʉ a vəwenə a kətʉ.

Kəmwetə 11:15

Ntsɨ̀ŋ ngə̀ŋ ə̀ Nyìngòŋ tsen bè tòŋ ə̀soŋ ə wen à ə̀ ndiʼ ntsɨ̀ŋsə sòmbo a sə toŋ li. Mà zhʉ gɨsə sə̀ tosə fa kàŋ sə gàʼà la, “Bobo vəghəŋ wenə̀ Klistò kìʼ kədyòʼ ə nsoʼo mbi luwèn, be diʼ ne ə nsoʼo tò soʼo no mətsi ntsèm.”

Kəmwetə 11:18

Tinsə viʼi vyi a və ko kɨ̀ wù tə mfwi, alì əzhʉ kwʉʼ li ə wù diʼ ətoŋ fwi ghə̀ wù, əzhʉ mbè nkwʉʼ ə soʼ viʼi vəpfʉkəvə. Zhʉ be nkwʉʼ ə wù taʼ viʼi shyèʼ ə̀ wù, andiʼ nshə̀ʼtə̀sə sə̀ ghoʼokəsə wù, nə̀ viʼi vyə no vətsèm a və ghoʼsə̀ əzhiʼ ə̀ wu, vətovə nə̀ vəbwaʼvə tò ndə̀ŋndəŋ. Əzhʉ̀ be kwʉ̀ʼ ə wù byɨsə viʼi vyi a və byɨsə viʼi ə nse.”

Kəmwetə 14:14

Mà sə ki ə̀ kɨ̀blə̀ yèn mbòʼ ə fəfə, wìʼ ŋwʉʼ a kwi mbòʼ, ayì diʼ to nə̀ Wàyn ə̀ Wìʼ. A ndiʼ wìʼ yi a və ntsuʼli ghʉ, mu ghə̀ chiʼ ə̀sòʼ ə təfòyn à wen kətʉ mu və shɨ̀tə̀ nə̀ gul. Ghə̀ ə nkiʼ fənyì fə sɨm fə lyɨməfə à wen kəvu.

Kəmwetə 15:2

Mà mbe ə̀ nyèn kəfo kə kə̀ʼə̀ to nə̀ ə̀mu mə ghoʼomə̀, baynə lyəŋsə̀ to nə̀ kənki kə ashɨ a və fə̀ŋə̀ nə̀ əzhiʼ. Mà mbe yèn viʼi a və soyn ə̀ nzhɨ nyàm ətoʼ yì a ghə̀ fʉ̀ ə̀ kuʼ ə̀ vì fa ə̀mu lì wenə̀ kənshyə̀ʼsə̀ kə wen əboʼsə nə̀ ətaŋ ə zhiʼ wen, və ti a mbyɨ̀ ə̀mu mə ghoʼomə̀ mì kiʼ təlyuŋ tə Nyìngòŋ à vəwenə avu.

Kəmwetə 17:14

Vəwenə ne tsèntə̀ ə sə̀ʼ əsoyn a əwen wàyn bi ənjɨ̀ yì alì wàyn bi ənjɨ̀ soyn ə̀ zhɨ̀ vəwenə byìʼàndo ghə̀ dìʼ Bobo ə̀ vəbobo, be diʼ fòyn ə̀ təfòyn tətsèm, kiʼ viʼi wen a ghə̀ ə̀ ndzàŋə̀ li ə̀ bè tsuʼ vəwenə la və nzhʉmə̀ wen.”

Kəmwetə 19:14

Vəsugyèʼ və kàŋ ə mòʼ ndisə sə̀ fəfə be ŋwòʼə̀, ə̀ kùʼ a kwi təlyəŋ tə fəfətə sə̀ dzɨ̀mtə̀ dyʉ̀ nə̀ wen.

Kəmwetə 3:21

No ndò a ghə̀ nè soyn ə̀ zhɨ mbyɨ, ma nè ghə̀ ŋwʉʼʉ ə̀ boʼsə kəfwoyn ə komkə ando nkàyntə̀ mò sə̀ diʼ mu mà ə nsoyn li ə̀ zhɨ mù sə̀ ŋwʉʼ boʼsə kəfwoyn kə Tìʼ ə ghom.

Kəmwetə 9:7

Ngùməsə ashìsə ndìʼ to nə̀ təlyəŋ a tə bvʉ̀tə̀ ə dyʉ̀ a ghòŋ sə nkìʼ ə̀fo à vəwenə a tʉ və diʼ a nə̀ təsòʼ tə təfòyn a və shɨtə̀ nə̀ gul