Kəmwetə 6:16 - The New Testament in the Babanki language

¹⁶ ə̀ sə zɨmə̀ dzàŋə̀ pfensə nə̀ təghu gàʼà la, “Ghə̀ŋ fəŋkə à yès ə kətʉ ə̀ lyòmtə̀ yès fà wìʼ ghèn a ghə̀ ŋwʉʼ a kəfwon lə̀ bènə̀ fa ngəʼ a wàyn bi ənjɨ̀ diʼ ə ku à yès byìʼ tin ə fwi ə wen.

Kəmwetə 6:16 ပူးပေါင်းရင်းမြစ်များ

Matìyò 26:64

Yesò gàʼ la, “Kə diʼ ando wu gaʼà. Alì mà gàʼà à ghə̀ŋ vətsèm la əlù fa luwèn ghə̀ŋ a yen Wàyn Wìʼ ghə̀ ŋwʉʼ a kwoŋ toghə Nyìngòŋ a ghə̀ kiʼi adyòʼ à tsèm be shiʼì vì a tì mbòʼsə a kàŋ.”

Ŋwàʼlə̀ Mak 3:5

Yesò ki kaʼsə nə̀ vəwenə alə̀ mu tin wen fwi li alì be kusə̀ nshinsə byìʼì chiʼi kətʉ vəwenə. Ghə̀ mù gàʼ à wìʼ ayì la, “Nàʼsə kwoŋ wu.” Ghə̀ nàʼsə̀ no a zhʉ kò kwoŋ ayì to.

Ŋwàʼlə̀ Luk 23:30

A zhʉ ayì vəwenə ne ngàʼà pfèn sə la ‘Biymə a yes a kətʉ, bè gaʼà bàmsə la Chiʼ yes.’

Kəmwetə 10:6

ə̀ kàyn a əzhiʼ ə̀ Nyìngòŋ yì a ghə̀ diʼì no məzhʉ ntsèm, à diʼ wen a ghə̀ ə̀ nshɨ̀tə̀ kaŋ, nə̀ nse bènə̀ ə̀mu mə nghoʼomə̀ bè shɨ̀tə̀ no ə̀fo ətsèm a və diʼì a shi avenə la kə və be à zhwi əzhʉ,

Kəmwetə 19:15

Ə nyì ngwələŋ tsen fʉ̀ fa wen əchʉ̀, lyɨmə no nànto, ghə̀ diʼ ə soyn ə zhɨ təloʼ tətsèm nə̀ wen. Ghə̀ ne ə̀ nsoʼo vəwenə kədyoʼkə, ghə̀ ne jèʼ ə tùʼlə vəwenə dìʼ tin ə fwi ə̀ Nyìngòŋ ə Tìʼ àdyoʼ ətsèm.

Kəmwetə 20:11

Luwen ma mu yen Nyìngòŋ ghə̀ ŋwʉʼ a kəfwoyn kəfəfəkə. Ando ghə̀ fʉ a dayn, əkaŋ wenə nsə ə nsoməli dyʉ̀ to ghayn əmuʼ.

Kəmwetə 4:2

Tò a zhʉ ayì, kəzhwì kə ŋwoʼəkə vì à mò Joyn, mà yen kəfwoyn a kàŋ wìʼ ŋwʉʼ tsu,

Kəmwetə 4:5

Əghʉ mwàntə̀, bwankə̀, gɨsə be fʉ vì fa kəfwoyn kə ghoʼokə kì. Ə̀ nkàʼtə̀ ə̀ mbaynə fa mbì kəfwon ayì sòmbo, andiʼ əzhwi ə Nyìngòŋ ə̀ sòmbo.

Kəmwetə 4:9

Ə̀fo zhwisəvə avenə nzhɨmə ndzàŋsə ku əghoʼsə, nə̀ gumlə bènə̀ kəzòŋ à wìʼ yì a ghə̀ ŋwʉʼ a kəfwoyn yì, ə̀wen yì a ghə̀ diʼì no məzhʉ ə̀ ntsèm.

Kəmwetə 5:1

Mà bè yèn əbʉʼ ŋwàʼlə̀ a və lèmə̀ a kəvu kə kwoŋ ə toghə wìʼ yì a ghə̀ ə̀ ŋwʉʼ a kəfwon lì mu və nyòʼò li tsu no məshyə̀ ə̀ ntsèm. Əbʉʼ ŋwàʼlə̀ ayi ə̀ ndìʼ mu və shwinə̀ li nə̀ mɨ̀ŋ ə̀ shi sòmbo fà yi təchʉ̀.

Kəmwetə 6:10

Əzhwi a vyi zɨmə̀ gàʼà no a gɨ to la, “Bobo a ghə̀ kiʼi àdyoʼ ə̀ tsèm, ŋwòʼə̀ be diʼ nəmwèʼè, kə a lyɨ̀ ə zhʉ ale ə wù soʼ viʼi venə a nse ə ku ngəʼ à vəwenə ando vəwenə tə zhwì yes a?”

Kəmwetə 9:6

A lu ə ndiʼ a mətsi ayì, viʼi ə nkəŋə pfʉ kò və nyenə. Vəwenə a nkòŋə̀ ə pfʉkə alì əpfʉ ə tyenə lyɨ̀ vəwenə.