Kəmwetə 6:12 - The New Testament in the Babanki language

¹² A ə̀ ndìʼ ando ghə̀ ə̀ mbə̀ytə̀ mɨ̀ŋ ə tsen ə və ndiʼ ə̀ ntʉfə, mà sə ki ə̀ yèn ando pfèn ə fànsə shenə ə̀ bè yèn ando chʉzhʉ ə kaʼkə̀ sə fenə to nə̀ fənchì fə di əpfʉ, sàŋ bè kaʼkə sə bàŋə̀ to nə̀ mənlyuŋ,

Kəmwetə 6:12 ပူးပေါင်းရင်းမြစ်များ

Matìyò 11:21

“Ngəʼ ghoʼo lu ndiʼ à ghə̀ŋ, viʼi Kòlazìn bènə̀ ghə̀ŋ viʼi Bèsaydà! A tu ndiʼ la nyʉ̀ kaynəvə a və nè a ghə̀ŋ lə̀ la və nè a viʼi Tayle nə̀ viʼi Sidòn, mu tʉʼʉ bwen a vəwenə pfʉʼʉ̀ kəbʉ kəchɨ à vəwenə təwen ə̀ mòʼ fənchì ə̀ kaʼsə tətyɨm tə vəwenə fa vəwenə a mbyɨsə.

Matìyò 24:29

Ngəʼ mətsi ayì lu sə ə mè dyʉ̀, chʉzhʉ lu fen vì kènla sàŋ be a mbanə, mədzɨ̀ŋ mfəŋkə fa kàŋ. No fo tsèm a kàŋ nə̀ʼkə̀.

Matìyò 24:7

Təloʼ tə lu nsoynə tətsentə, təfòyn tə soynə tətsen tə, nse lu nə̀ʼə̀ ə jɨŋ be ku tò shì tsèm.

Matìyò 27:45

A sə ndiʼ a ntìntìn nə̀nchwì shi bwènsə̀ fèn no tsèm əzaʼa fa bwaʼa kəbə̀ŋ.

Matìyò 27:54

Kətʉ kə vəsugyèʼ kì a kə ntsɨ̀ŋə̀ Yesò lì wenə̀ vəsugyèʼ və tsenəvə nè yèn ando shi ntsɨ̀ŋtə̀ bènə̀ nyʉ̀ kanəvə tsenəvə vi a və mfʉ̀ faynə ə ghaʼ vəwenə, vəwenə mù gàʼ la, “Nəmwèʼè wìʼ ghèn tə ndiʼ wàyn Nyìngòŋ.”

Matìyò 28:2

A sə tsèn ntsɨ̀ŋ Bobo shiʼi vì fa kàŋ shi nə̀ʼ no ŋàŋ. Ghə̀ dyʉ̀ a chʉ sè Yesò bùŋsə ngùʼ yì fa tsu lyisə kuʼ ŋwʉʼʉ à yi kətʉ.

Ŋwàʼlə̀ Mak 15:33

A nè sə ndiʼ a ntìntìn nə̀nchwì, shi bvʉ̀tə̀ fen no tsèm, nè bwènsə̀ bayn tò a kəlyɨŋ kə mbwaʼà kəbə̀ŋ.

Kəmwetə 11:13

Nse shen no mwèʼè mwèʼè, tò a zhʉ ayì ə̀ bə̀ytə̀ əshyə ntə̀ʼ muʼ fa tì təshyə wum ə̀ zhwilə viʼi nkamsə sòmbo. Əfàyn ə vì a tətyɨm ə̀ viʼi vyi a və mfaŋə̀ tsu lì no nànto vəwenə mù sə ku əghoʼsə à Nyìngòŋ yì a ghə̀ diʼì a kàŋ.

Kəmwetə 16:18

Əghʉ sə mwàntə̀ be bwankə̀ fa kəshi ayì, gɨsə be fʉ̀ vì fa tsu. Nse bè nə̀ʼ ə̀ bə̀ykə̀ a ji tsen a ghə̀ nko təmə̀ nə̀ʼ fa ətʉʼ a Nyìngòŋ ə̀ nshɨ̀tə wìʼ. Mənə̀ʼ nse ayì ə̀ mfànsə̀.

Kəmwetə 16:8

Fà yi bàm, mà yen ntsɨ̀ŋ ngə̀ŋ ə̀ Nyìngòŋ sə ndiʼ səkàʼ shʉ̀ʼ ə̀ shìʼsə nə̀ kəkaŋ kə wen a kətʉ əchʉzhʉ, ghə̀ kiʼi kədyòʼ ənyùʼ viʼi to nə̀ əzhiʼ.

Kəmwetə 8:12

Ntsɨ̀ŋ ngə̀ŋ ə̀ Nyìngòŋ tsen toŋ ə̀soŋ ə wen à ndiʼ vəkàʼ, kəfo kə pfèn ə̀ byɨsə shyə mùʼ fa təshyə tətaʼ ə̀ chwìchwì nə̀ əsàŋ bènə̀ mədzɨ̀ŋ nè chwìchwì ko bè bayn a kətemə kə zhʉ kə mùʼ fa tì ntemə taʼ ə̀ nə̀nchwì ə̀ bè nè kèn la sàŋ wenə mədzɨ̀ŋ ə bayn li a kətemə kə zhʉ kə mùʼ fa tì ntemə taʼ ə̀ nəntʉʼʉ.

Kəmwetə 8:5

Ntsɨ̀ŋ ngə̀ŋ ə̀ Nyìngòŋ ayì mù lyɨ̀ kəkaŋ kə kələŋ kì ə̀ tsə̀f ə zhiʼ fa kəchiʼ kə kəku ə̀ lwinsə tsu ə̀ mòʼ shìʼsə a nse no a zhʉ̀ kò əghʉ sə̀ mwàntə̀, bwankə̀, gɨsə gàʼà, ə̀ nse be tsɨŋtə̀ bə̀ykə̀.