Kəmwetə 6:10 - The New Testament in the Babanki language

¹⁰ Əzhwi a vyi zɨmə̀ gàʼà no a gɨ to la, “Bobo a ghə̀ kiʼi àdyoʼ ə̀ tsèm, ŋwòʼə̀ be diʼ nəmwèʼè, kə a lyɨ̀ ə zhʉ ale ə wù soʼ viʼi venə a nse ə ku ngəʼ à vəwenə ando vəwenə tə zhwì yes a?”

Kəmwetə 6:10 ပူးပေါင်းရင်းမြစ်များ

Ŋwàʼlə̀ Luk 2:29

“Nèli luwèn a Bobo, wu shyèʼè wu pfwomə tò nə̀ mbwaʼmə ando wù ghʉ li gàʼà wu,

Ŋwàʼlə̀ Luk 21:22

A lè mù diʼ mətsi mù a Nyìngòŋ a ku ngəʼ a viʼi venə ndi nè la nyʉ̀ tsèm a və nyòʼò a ŋwàʼlə̀ Nyìngòŋ və kwʉʼ.

Lumans 12:19

Kə ghə̀ŋ be lù mbwensə mbyɨ a doŋ shomsə. Ghə̀ŋ boŋsə əwʉ̀sə a Nyìngòŋ, ghə̀ diʼ tin nə̀ fwi ə wen to ndə̀ŋndəŋ ando və nyoʼo li la Bobo ə gàʼ la, “A diʼ kəshi ə komkə ə shisə nyʉ̀ vyi a viʼi ə nè. Mà lu bwènsə̀ loʼ nyʉ̀ ə byɨvə ə viʼi.”

Hibùlù 12:24

Ghə̀ŋ vi li a Yesò. A diʼi wen a ghə̀ lyɨ̀ vi nə̀ viʼi a Nyìngòŋ, ə bàyntə məkàyn mə mfimə̀ wenə vəwenə. Ghə̀ŋ kwen li a mənlyuŋ ə̀ Yesò yi a ghə̀ mesə laynsə ghə̀ŋ tsu. Mənlyuŋ na mèyn ndiʼi kənyʉ̀, kə kuʼmə chò ki a mənlyuŋ mə Abèl diʼ.

2 Bità 2:1

Ndìʼsə̀sə ə dzɨŋsə na fʉ̀ kuʼ a ghə̀ŋ a ntìntìn to ndə̀ŋndəŋ ando a ndiʼ a tʉʼ ə mughə, nshə̀ʼtə̀sə dzɨŋsə fʉ̀ kuʼ a viʼi ntìntìn. Sə na fʉ̀ kuʼ, ə nyoʼtə ziʼi əziʼi ə dzɨŋ, ghə̀ ne la viʼi fəŋkə. Sə na fʉ̀ ə ntensə no Bobo yi a ghə̀ ə zen kətʉ kə ə vəwenə byìʼì Wokèn, Nyìngòŋ ə na bvɨtə byɨbsə vəwenə.

Kəmwetə 11:18

Tinsə viʼi vyi a və ko kɨ̀ wù tə mfwi, alì əzhʉ kwʉʼ li ə wù diʼ ətoŋ fwi ghə̀ wù, əzhʉ mbè nkwʉʼ ə soʼ viʼi vəpfʉkəvə. Zhʉ be nkwʉʼ ə wù taʼ viʼi shyèʼ ə̀ wù, andiʼ nshə̀ʼtə̀sə sə̀ ghoʼokəsə wù, nə̀ viʼi vyə no vətsèm a və ghoʼsə̀ əzhiʼ ə̀ wu, vətovə nə̀ vəbwaʼvə tò ndə̀ŋndəŋ. Əzhʉ̀ be kwʉ̀ʼ ə wù byɨsə viʼi vyi a və byɨsə viʼi ə nse.”

Kəmwetə 18:20

“Ghə̀ŋ vi a ghə̀ŋ ə tsi a kàŋ, ghə̀ŋ ə nsaŋlə̀. Ghə̀ŋ ə nsaŋlə̀ a viʼi Nyìngòŋ nə̀ viʼi ə ntɨm nə̀ nshə̀ʼtə̀sə sə̀ ghoʼkəsə byìʼàndo Nyìngòŋ ə sisə li kənyʉ̀ a ghə̀ ə̀ ne à ghə̀ŋ.”

Kəmwetə 18:24

“Mənlyuŋ mə nshə̀ʼtə̀sə sə̀ ghoʼkəsə nə̀ mə viʼi Nyìngòŋ nə̀ mə viʼi vyi a və̀ nzhwilə̀ byìʼì əbyɨmə vəwenə tsèntə̀ dìʼ tò à wù kəvu.”

Kəmwetə 19:2

Ghə̀ soʼo tò nəmwèʼè be soʼo tò a ji ə tɨmə. Nyìngòŋ ə soʼo li ə̀ njèʼtə̀sə a ghə̀ ə̀ lobtə viʼi nse və tsi nə̀ wen lì. Ghə̀ bwensə̀ li ə̀ nloʼ wen ando ghə̀ tə̀ nzhwilə̀ viʼi shwèʼ ə wen.”

Kəmwetə 3:10

Mà ne bwòŋsə ghə̀ŋ fa zhʉ ə ngəʼ yì a ghə̀ vì à mbi ə̀ tsèm ə mwòmsə viʼi vyi a və tsi a kwi nse byìʼàndo ghə̀ŋ ə zhʉ li kənyʉ̀ kì a mà ə gàʼà la, ghə̀ŋ ə wensə.

Kəmwetə 3:7

“Nyòʼo à ntsɨ̀ŋ ə̀ ngə̀ŋ Nyìngòŋ yì a ghə̀ diʼì a Fìlàdefìyà la: ənyʉ̀ venə gàʼ wìʼ yì a ghə̀ ŋwòʼə̀, diʼ nəmwèʼè be kiʼ kənzàs kə ngə̀ŋ fòyn Devìt a ghə̀ sətsen ə bòʼò kò ndiʼ la wìʼ zi ghə̀ shwìnə̀, be shwìnə̀ ko ndiʼ la zi ghə̀ bòʼò.