Kəmwetə 6:1 - The New Testament in the Babanki language

¹ A ə̀ ndìʼ tò a zhʉ aghèn, mà yen ando wàyn bi ənjɨ̀ ə bɨtə̀ mbì mɨ̀ŋ fa tì vəmɨ̀ŋ vi sòmbo. Mà zhʉ ando kəfo kə zhwisəkə kətsenkə fa tì ə̀fo zhwisəvə vi ə̀ kàʼ ə bwankə̀ to nə̀ ghʉ ə̀ gàʼ la, “fʉ̀ ə̀ vì!”

Kəmwetə 6:1 ပူးပေါင်းရင်းမြစ်များ

Joyn 1:29

Ətʉ̀ʼ ə nlayn li, Joyn yen Yesò ando ghə̀ ə vi, ghə̀ diʼi wen a viʼi ə gàʼ la, “Ghèn diʼ wàyn BYI Njɨ̀ Nyìngòŋ yi a ghə̀ ne shi mbyɨsə viʼi mbyi!

Shwèʼ 4:20

Yès zì ko yès lu faŋ ke gàʼ tò kənyʉ̀ kì a yès ə nyenə be zhʉ.”

Kəmwetə 11:19

Fa bàm ənyʉ̀ venə, əchʉ ngə̀ŋ ə̀ ghoʼo ə̀ Nyìngòŋ fa kàŋ ə bòʼmə̀, mà yen əkum ə məkàyn ə̀ Nyìngòŋ à wen ə ngə̀ŋ ə ghoʼo. Əghʉ sə̀ mwàntə̀ bwankə̀, fa kəshi ayì, gɨsə fʉ̀ fa tsu, nse nə̀ʼə̀, awoŋ bè shiʼi no à ghoʼo.

Kəmwetə 13:8

No viʼi vətsèm vi a və̀ntsi a nse ə̀ ndiʼi nghoʼsə̀ wen, andiʼ viʼi vyi a və nko ə̀ nyòʼ təzhiʼ tə vəwenə mibu mbi sə zìtə̀, a ŋwàʼlə̀ ə̀bwòŋ ə̀ wàyn bi ənjɨ̀ yì a və̀ nshyə lì.

Kəmwetə 14:2

Mà zhʉ gɨ̀ ghə̀ kù fʉ vì fa kàŋ tò sə à kù ə̀fəŋ ə ghoʼoghə, bwankə̀ to nə̀ əghʉ. Gɨ̀ ayì ə̀ nkù to nə̀ təlyuŋ a viʼi vi ə bʉʼʉ.

Kəmwetə 19:6

Mà bè zhʉ ando kəfo kə kù tò sə à kù ə gɨsə nòyn ə viʼi, kù to nə̀ təfwan tə a mù, ko to sə à bwankə̀ əghʉ ghoʼghə gàʼà la, “Vəghəŋ ghoʼsə Nyìngòŋ vəghəŋ! Ghə̀ dìʼ Bobo Nyìngòŋ a ghə̀ ə kìʼ àdyoʼ ətsèm soʼo vəghəŋ.

Kəmwetə 4:8

Əfo avenə no tsèm ə̀ nkìʼ təvò ə̀ ntʉ̀fəntʉ̀fə, kiʼ ashɨ tò ə̀wen ə̀ tsèm nə̀ à vəwenə tì wèn. Vəwenə nzhɨmə ndzàŋsə tò məzhʉ̀ ntsèm, zhɨmə nəntʉʼʉ nə̀ nə̀nchwì la, “Wu ŋwoʼə, wu ŋwoʼə, wu ŋwoʼə dìʼ tìʼ àdyoʼ ə̀ tsèm, Ghə̀ ə̀ ndìʼ, diʼ luwèn be diʼ ə lu vì!”

Kəmwetə 5:1

Mà bè yèn əbʉʼ ŋwàʼlə̀ a və lèmə̀ a kəvu kə kwoŋ ə toghə wìʼ yì a ghə̀ ə̀ ŋwʉʼ a kəfwon lì mu və nyòʼò li tsu no məshyə̀ ə̀ ntsèm. Əbʉʼ ŋwàʼlə̀ ayi ə̀ ndìʼ mu və shwinə̀ li nə̀ mɨ̀ŋ ə̀ shi sòmbo fà yi təchʉ̀.

Kəmwetə 5:12

Vəwenə nzhɨmə ndzàŋ no a gɨ to la, “Wàyn bi ənjɨ̀ a və̀ nzhwi ə kwʉʼ li ə̀ me əkiʼi kədyòʼ nə̀ əghoʼ, nə̀ ətof, nə̀ gumlə, nə̀ əghoʼsə bènə̀ ə mbwaʼmə̀.”

Kəmwetə 5:8

A ə̀ ndìʼ ando ghə̀ ə̀ nshi əbʉʼ ə ŋwàʼlə̀ ayi, ə̀fo zhwisəvə vi ə̀ kàʼ nə̀ vəchəʼ vi njʉ̀sə̀ kàʼ a məwum ə̀ mbò fəŋkə à wen ə shɨ. No ndò ə̀ nkìʼ əlyuŋ nə̀ kəkaŋ kə a və shɨtə̀ nə̀ gul mu kələŋ kə lwin li tsu à diʼ təjɨ̀m tə viʼi və byɨməvə.

Kəmwetə 6:3

Wàyn bi ənjɨ̀ yì bè bə̀ytə̀ mɨ̀ŋ ə tsen no ə zhʉ kò mà bè zhʉ ando kənkùmtə̀ kəfo zhwisəvə vi ə gaʼà la, “fʉ ə̀ vì!”

Kəmwetə 6:5

A ə̀ ndìʼ ando ghə̀ bè ə̀ mbə̀ytə̀ mɨ̀ŋ tsen ə və ndiʼ vətaʼ, mà bè zhʉ ando kəfo kə zhwisəkə kətsenkə gaʼà la, “fʉ̀ ə̀ vì!” Mà sə ki ə̀ yèn əlyəŋ ə fenəghə mu wìʼ a ghə̀ ə̀ nyɨŋə à yi kətʉ ghaʼ li vəkilò və bò à wen ə kəvu.

Kəmwetə 6:7

Wàyn bi ənjɨ̀ yì bè bə̀ytə̀ mɨ̀ŋ ə tsen ə və ndiʼ vəkàʼ. Mà zhʉ kəmwètə̀ kə kəfo kə zhwisəkə kə gàʼ la, “Fʉ̀ ə̀ vì!”

Kəmwetə 8:1

Andìʼ ando wàyn bi njɨ̀ yì ə̀ bə̀ys mɨ̀ŋ ə tsen ə və ndiʼ sòmbo, əshi chiʼ a kàŋ la kùʼ ə zaʼa kəbyeʼ kə zhʉ.