Kəmwetə 5:9 - The New Testament in the Babanki language

⁹ Vəwenə sə̀ zhɨmə ndzàŋ ə fi la, “Wàyn njɨ̀, wù ə kwʉʼ li ə̀ me əshi əbʉʼ ə ŋwàʼlə̀ ghenə ə bə̀ytə mɨ̀ŋ yi ə bòʼ byìʼe və nzhwi li wù, wù pfʉ ə̀ zèn kətʉ kə viʼi ə ngwàʼsə̀ tsèm nə̀ viʼi təgàʼ tə tsèm bènə̀ viʼi təloʼ tə tsèm a mbi. Wù ə̀ nzèn kətʉ kə vəwenə ne mənlyuŋ ə̀ bwènsə̀ ku à Nyìngòŋ.

Kəmwetə 5:9 ပူးပေါင်းရင်းမြစ်များ

Matìyò 20:28

Kə diʼ tò ndə̀ŋndəŋ ando Wàyn Wìʼ ko tə vì la və shwèʼ à wen. Ghə̀ tə bòŋsə̀ vì nshwèʼè à viʼi, ə ku sò kətʉ wen əzen tʉ viʼi no vəghoʼo.”

Matìyò 26:28

A dìʼ mənlyuŋ mwomə̀ a mə chiʼtə̀ məkàyn mə Nyìngòŋ a ma shʉ̀ʼ ndi Nyìngòŋ maʼa mbyɨsə viʼi.

Shwèʼ 20:28

Ghə̀ŋ ntùʼmə̀ nə̀ təwen təŋtə bè tùʼmə̀ nə̀ viʼi vi a Kəzhwì kə ŋwòʼəkə ghʉ li à ghə̀ŋ a ti. Ghə̀ŋ ndiʼ ntùʼmə̀sə ntsèntə̀ viʼi vəbyɨməvə Nyìngòŋ a ghə̀ nè à sə diʼ ntsèntə̀ viʼi wen ə chò fa pfʉ Wàyn wen.

1 Kolìntyàns 6:20

Nyìngòŋ sə diʼ mù ghə̀ zen li ghə̀ŋ ə lòʼ. Ghə̀ŋ lyɨ̀ li təwen ə təŋtə ə nè nyʉ̀ tsu a və ku əkuʼsə a Nyìngòŋ.

1 Kolìntyàns 7:23

Nyìngòŋ sə diʼ mù ghə̀ zen li ghə̀ŋ ə lòʼ. Kə ghə̀ŋ bè a kaʼkə ndiʼ əkòs a viʼi.

Efisyàns 1:7

Yesò zen li kətʉ kə vəghəŋ nə̀ mənlyuŋ mə wen mì a ghə̀ nshʉ̀ʼ ando ghə̀ mpfʉ̀, Nyìngòŋ ə mu lyesə ə ku mbyɨsə vəghəŋ. Nakènkə diʼi ətyɨm ə jùŋ ghə̀ kaynə ghə̀ wen yi a ghə̀ kiʼi a vəghəŋ.

Efisyàns 5:19

Ghə̀ŋ ne zhɨmə ndzàŋsə a ghə̀ŋ a ntìntìn. Ghə̀ŋ ə̀ zhɨmə dzaŋsə Nyìngòŋ nə̀ dzaŋsə shisə a sə fʉ̀ fa ŋwàʼlə̀ Nyìngòŋ nə̀ shisə a kəzhwì kə Ŋwoʼkə ə̀ ne la ghə̀ŋ ə zhɨmə, ə zhɨmə ndzàŋsə Nyìngòŋ nə̀ ndzàŋsə a sə fʉ̀ fa ŋwàʼlə̀ Nyìngòŋ ə, kuʼsə Nyìngòŋ nə̀ ətyɨm ə ghəŋə no tsèm.

Kòlòsyàns 1:14

Wàyn wen na yì nzen li kətʉ̀ kə vəghəŋ nə̀ mənlyuŋ mə wen ə be lyesə ku mbyɨsə vəghəŋ.

Kòlòsyàns 1:23

Kə ne ndiʼ ali a zhʉ ghə̀ŋ tuʼtə ghaʼ əbyɨmə a yi la ghə̀ ntò to tò. Kə ghə̀ŋ moʼtə kənyʉ̀ kə nə̀ʼsə̀ kwoʼtə yi a ghə̀ŋ kiʼi byìʼì ntɨm ə jùŋ yi a ghə̀ŋ tə zhʉ li. Nò mò Bol diʼ wù ə shwèʼè Klistò, shə̀ʼtə̀ to ntɨm jùŋ na ghèn, a diʼ wen yì a və sə diʼ mù və nshə̀ʼtə̀ li no a viʼi və tsèm a mbi.

Taytùs 2:14

Ghə̀ nku li ə̀wen ə wen ə̀ zèn ətʉ vəghəŋ fa mbyɨsə no sətsèm ə̀ bè nè la vəghəŋ layn ə̀ kwʉ̀ʼ ə ndiʼ viʼi wen a və kòŋə̀ ə nè tò ənyʉ̀ juŋəvə.

Hibùlù 11:14

Viʼi a və nə̀ ngàʼà a ji na ghèn, ə diʼi a ndayn la vəwenə ə̀ kəŋ to no əloʼ ə ngə̀ŋ ə vəwenə ntsi tsu.

2 Bità 2:1

Ndìʼsə̀sə ə dzɨŋsə na fʉ̀ kuʼ a ghə̀ŋ a ntìntìn to ndə̀ŋndəŋ ando a ndiʼ a tʉʼ ə mughə, nshə̀ʼtə̀sə dzɨŋsə fʉ̀ kuʼ a viʼi ntìntìn. Sə na fʉ̀ kuʼ, ə nyoʼtə ziʼi əziʼi ə dzɨŋ, ghə̀ ne la viʼi fəŋkə. Sə na fʉ̀ ə ntensə no Bobo yi a ghə̀ ə zen kətʉ kə ə vəwenə byìʼì Wokèn, Nyìngòŋ ə na bvɨtə byɨbsə vəwenə.

1 Joyn 1:7

Vəghəŋ sətsèn ə njèʼè a tyì əbayn ndə̀ŋndəŋ ando Nyìngòŋ dìʼ a tyì əbayn mu vəghəŋ tsèntə̀ dìʼ a kənyʉ̀ kə mùʼ, mənlyuŋ mə̀ wàyn wen ə Yesò Klistò be shʉ̀ vəghəŋ fa vəghəŋ a mbyɨsə no sətsèm.

1 Joyn 2:2

Ghə̀ dìʼ jì a Nyìngòŋ ə̀ ncho fa tsu ə̀ lyesə ku mbyɨsə vəghəŋ. Ghə̀ ə ko lyesə ku tò mbyɨsə vəghəŋ, alì ghə̀ lyesə ku mbyɨsə viʼi mbyi no vətsèm.

Kəmwetə 10:11

Ntsɨ̀ŋ ngə̀ŋ ə̀ Nyìngòŋ bè gàʼ à mò la mà diʼi ə shə̀ʼtə̀ ətɨm ə̀ Nyìngòŋ à viʼi no vəghoʼo, nə̀ a təloʼ no tə ghoʼo, nə̀ à viʼi a və gàʼà təgàʼ no təghoʼo bènə̀ à təfòyn no tə ghoʼo.

Kəmwetə 11:9

Viʼi tò fa təloʼ tətsèm, bènə̀ fa ngwàʼ sətsèm bènə̀ fa təgàʼ tə mbi tətsèm, nə̀ vì nki təbven tə vəwenə a mətsi ntaʼ nə̀ kəbwəʼkə tyèn la kə wìʼ à bvɨ̀mə̀ vəwenə.

Kəmwetə 13:7

Və nku li àdyoʼ à wen la ghə̀ soyn ə̀ zhɨ̀ viʼi Nyìngòŋ ə̀ bè ku àdyoʼ la ghə̀ soʼ viʼi ngwàʼsə sə̀tsèm, nə̀ viʼi təloʼ tə tsèm, bènə̀ viʼi a və gàʼà no əgàʼ kò ayi.

Kəmwetə 13:8

No viʼi vətsèm vi a və̀ntsi a nse ə̀ ndiʼi nghoʼsə̀ wen, andiʼ viʼi vyi a və nko ə̀ nyòʼ təzhiʼ tə vəwenə mibu mbi sə zìtə̀, a ŋwàʼlə̀ ə̀bwòŋ ə̀ wàyn bi ənjɨ̀ yì a və̀ nshyə lì.

Kəmwetə 14:6

Fà yì a bàm, mà bè yèn ətsɨ̀ŋ ngə̀ŋ ə̀ Nyìngòŋ tsen ghə̀ tàynə̀ chò no fa kàŋ kiʼ ətɨm ə jùŋ a ghə̀ ə diʼì tò nəmwèʼè no mətsi ntsèm əshə̀ʼtə̀ à viʼi vyi a və diʼì a nse. Ghə̀ dìʼ əshə̀ʼtə̀ ntɨm ayì à viʼi təloʼ tətsèm nə̀ à ngwàʼsə sə̀tsèm, nə̀ à viʼi təgàʼ tətsèm bènə̀ à no ndò a ghə̀ tsi a nse.

Kəmwetə 15:3

Vəwenə nzhɨmə ndzàŋ ə̀ Mosìs ə wù shyèʼ ə̀ Nyìngòŋ nə̀ ndzàŋ wàyn bi ənjɨ̀ a ghə̀ ə̀ ngàʼà la: “Bobo Nyìngòŋ, Tìʼ àdyoʼ ə̀ tsèm. Wù nè ənyʉ̀ ghoʼkəvə kanəvə! Wù dìʼ fòyn a təloʼ tò tətsèm. Jisə shyə̀sə diʼ jisə sə̀ tɨməsə be diʼ jisə nəmwèʼè!

Kəmwetə 17:15

Ntsɨ̀ŋ ngə̀ŋ ə̀ Nyìngòŋ bè gàʼ à mò la ə̀mu mì a mà ə yenə njèʼtə̀ yì ŋwʉʼ tsu lì dìʼ viʼi təloʼ tətsèm, a və kə̀ʼə̀ tò təkə̀ʼ tətsèm, be gàʼà tò təgàʼ tətsèm.

Kəmwetə 4:11

“Bobo ə Nyìngòŋ ə̀ yes, wù kwʉʼ li ə və əghoʼsə nə̀ gumlə be bwomsə̀ wù a kədyòʼ a wu kiʼì, byìʼàndo wù ə̀ nshɨtə fò tsèm ə̀ bè ə̀ nè la və ndiʼ ə̀ to.”

Kəmwetə 5:12

Vəwenə nzhɨmə ndzàŋ no a gɨ to la, “Wàyn bi ənjɨ̀ a və̀ nzhwi ə kwʉʼ li ə̀ me əkiʼi kədyòʼ nə̀ əghoʼ, nə̀ ətof, nə̀ gumlə, nə̀ əghoʼsə bènə̀ ə mbwaʼmə̀.”

Kəmwetə 5:6

Mà yen Bobo Yesò Klistò a ghə̀ ndi to wàyn bi ənjɨ̀, ghə̀ ti a kəshi yì a kəfwon kì ə̀ nti tsu lì mu ə̀fo zhwisəvə vi nə̀ vəchəʼ vi ə nyɨŋ li ə nkaʼ wen. Wàyn bi ənjɨ̀ ayì ə̀ nkìʼ ə ndoŋsə sòmbo bènə̀ ashɨ sòmbo andiʼ əzhwi ə Nyìngòŋ sòmbo a ghə̀ ə̀ ntɨmə̀ a mbi ə̀ tsèm. Wàyn ə̀ bi njɨ̀ ayì ə̀ nkə̀ʼə̀ tò sə və shyə li.