Kəmwetə 5:5 - The New Testament in the Babanki language

⁵ Chəʼ tsen gàʼ à mò la, “kə be dì byìʼàndo abìkəŋ ə̀ ngwaʼa ngə̀ŋ ə Judà a diʼì wàyn Devìt ə soyn li ə̀ zhɨ mbyɨ sə diʼ ə bə̀ytə mɨ̀ŋ ghèn ə̀ shi sòmbo lə̀ əbòʼ əbʉʼ ŋwàʼlə̀ ghenə.”

Kəmwetə 5:5 ပူးပေါင်းရင်းမြစ်များ

Ŋwàʼlə̀ Luk 23:28

Yesò fuʼtə̀ gàʼ a vəwenə la “kyi Jelusalèm kə ghə̀ŋ a dì byìʼì mò, alì ghə̀ŋ dì byìʼì ngə̀ŋ kətʉ ghə̀ŋ bènə̀ vunə vəŋə.

Ŋwàʼlə̀ Luk 7:13

Bobo n-yen wùwì a ghèn sə kusə nshinsə à wen no ŋàŋ ə gàʼ à wen la, “Chɨmə, kə wu be dì.”

Ŋwàʼlə̀ Luk 8:52

Viʼi və tsèm a və ndiʼ tsu nkusə nshinsə byìʼì wàyn a ghèn. Yesò gàʼ à vəwenə la, “Ghə̀ŋ chɨmə, kə ghə̀ŋ be dì. Ghə̀ ko pfʉ pfʉ, ghə̀ bʉnə bʉnə.”

Joyn 20:13

Ntsɨŋsə na shisə bèm a Mèli la, “Wù dì gho a ə wùwì?” Ghə̀ bwensə ə gàʼ la, “Və lyɨ̀ li Bobo ghom, ma ko kɨ la və ghʉ̀ wen fè lo?”

Lumans 1:3

Ntɨm ə jùŋ a ghèn ə gàʼà kumə Wàyn Nyìngòŋ, ə Bobo vəghəŋ Yesò Klistò. Ghə̀ nvi a nse a wìʼ, və bwi wen a ngwaʼ ngə̀ŋ ə Devìt.

Lumans 15:12

Nshə̀ʼtə̀ ə Isayà ngaʼa ə gàʼ la: “Wìʼ lu fʉ̀ fa ngwaʼa ə ngə̀ŋ nə̀ Jesì ə̀ soʼo viʼi kətɨm, vəwenə lu ghʉ təkwòʼtə̀ tə vəwenə a wen, ə byɨmə la ghə̀ diʼ ə mbwòŋsə̀ vəwenə.”

Hibùlù 7:14

Vəghəŋ ə kɨ li mwetə to no la Bobo vəghəŋ ə nfʉ fa ngwaʼ ngə̀ŋ ə Judà, ali Mosìs nko gàʼ kum la vəpfèm və ngə̀ŋ Nyìngòŋ lu fʉ̀ fa ngwaʼa ə ngə̀ŋ ə Judà.

Kəmwetə 1:1

Ŋwàʼlə̀ ghèn dìʼ byìʼì ənyʉ̀ a Yesò Klistò ə̀ ndìʼi a ndayn. Nyìngòŋ ə̀ nku ənyʉ̀ avenə la ghə̀ diʼ à viʼi shwèʼ ə wen ənyʉ̀ vyi a və sə̀ laʼtə̀ ə fʉ̀. Klistò ə̀ ne Joyn kɨ ənyʉ̀ avenə chò fà ntsɨ̀ŋ ə̀ wen a ghə̀ ntɨmə̀ à Joyn.

Kəmwetə 22:16

“Nò mò Yesò tɨm li Ntsɨŋ ghom a ghə̀ŋ nə̀ nyʉ̀ venə la ghə̀ŋ shə̀ʼtə̀ a ənoyn ə viʼi və byɨməvə. Ma diʼ mu mà fʉ̀ fa ngwaʼ ə ngə̀ŋ nə̀ Devìt be diʼ fədzɨ̀ŋ fə boʼòngə̀ŋ boʼòngə̀ŋ fifə a fə baynə no nànto.”

Kəmwetə 3:21

No ndò a ghə̀ nè soyn ə̀ zhɨ mbyɨ, ma nè ghə̀ ŋwʉʼʉ ə̀ boʼsə kəfwoyn ə komkə ando nkàyntə̀ mò sə̀ diʼ mu mà ə nsoyn li ə̀ zhɨ mù sə̀ ŋwʉʼ boʼsə kəfwoyn kə Tìʼ ə ghom.

Kəmwetə 4:10

Vəwenə nzhɨmə a lì no zhʉ kò, vəchəʼ vi njʉ̀sə̀ kàʼ a məwum ə̀ mbò laŋtə̀ a shɨ wìʼ yì a ghə̀ ŋwʉʼ a kəfwoyn lì ghoʼsə̀ wen yì a ghə̀ ə diʼì no məzhʉ ə̀ ntsèm. Vəwenə mbe tsuʼtə̀ təsòʼ tə təfòn ə̀ vəwenə tì mòʼò a mbì kəfwon kì zhɨmə ndzàŋ la,

Kəmwetə 4:4

Əfwoyn ə tsenəvə ndìʼ njʉ̀sə̀ kàʼ a məwum ə̀ mbò mu və nyɨŋ li ə̀ nkaʼ kəfwon kì, vəchəʼ njʉ̀sə̀ kàʼ a məwum ə̀ mbò ŋwʉʼ tsu mu vəwenə mòʼ vədàlə və fəfəvə nchiʼ təsòʼ mu və shɨ̀tə̀ nə̀ gul à vəwenə tʉ.

Kəmwetə 5:4

Mo Joyn dì no mwèʼè mwèʼè, byìʼàndo və nko yèn wìʼ a ghə̀ ə kwʉʼ mè əbòʼ ŋwàʼlə̀ ayì ko ə lye tin ə̀ yi.

Kəmwetə 6:1

A ə̀ ndìʼ tò a zhʉ aghèn, mà yen ando wàyn bi ənjɨ̀ ə bɨtə̀ mbì mɨ̀ŋ fa tì vəmɨ̀ŋ vi sòmbo. Mà zhʉ ando kəfo kə zhwisəkə kətsenkə fa tì ə̀fo zhwisəvə vi ə̀ kàʼ ə bwankə̀ to nə̀ ghʉ ə̀ gàʼ la, “fʉ̀ ə̀ vì!”

Kəmwetə 7:13

Chəʼ tsen fuʼtə̀ bèm à mò Joyn la, “Venə diʼ və ndò a və moʼò vədàlə və fəfəvə a? Vəwenə lù fa fe?”