Kəmwetə 5:13 - The New Testament in the Babanki language

¹³ Mà zhʉ no tè ghò a ghə̀ diʼì a kàŋ nə̀ a nse nə̀ a loʼ ə̀ vəmpfʉ və nse nə̀ a mù mə nghoʼomə̀ bènə̀ a mbi ə̀ tsèm zhɨmə la, “Ə wen yì a ghə̀ ŋwʉʼ a kəfwon bènə̀ wàyn bi ənjɨ̀, və diʼ əbwaʼsə̀ ghə̀ŋ, gumlə̀ ghə̀ŋ, ghoʼsə̀ ghə̀ŋ nə̀ kədyòʼ no məzhʉ ə̀ ntsèm.”

Kəmwetə 5:13 ပူးပေါင်းရင်းမြစ်များ

Matìyò 6:13

Kə wu ghʉsə ə mwòmsə ə vi a yès, bwoŋsə yes fa ənyʉ̀ ə byɨvə. Byìʼì ando əfòyn ə wu ə soʼo tò wù, à kiʼì tò wù kiʼi kədyòʼ, nə̀ ə bayn ə ghoʼ ghə to məzhʉ ntsèm. Amèyn.’

Ŋwàʼlə̀ Luk 2:14

“Vəghəŋ ghoʼsə Nyìngòŋ a ghə̀ diʼi a kàŋ. Mbwaʼmə diʼ a kwi nse a viʼi a ghə̀ kòŋə.”

Joyn 1:29

Ətʉ̀ʼ ə nlayn li, Joyn yen Yesò ando ghə̀ ə vi, ghə̀ diʼi wen a viʼi ə gàʼ la, “Ghèn diʼ wàyn BYI Njɨ̀ Nyìngòŋ yi a ghə̀ ne shi mbyɨsə viʼi mbyi!

Lumans 11:36

A shɨtə Nyìngòŋ shɨtə fo ə tsèm, fo a vyi sə diʼ to byìʼì ando ghə̀ kòŋ la və ndiʼ, vì nə̀ əkuʼsə a wen. Əkuʼsə ə dyʉ̀ a Nyìngòŋ to məzhʉ̀ ə tsèm. Amèyn.

Lumans 16:27

Əkuʼsə ə dyʉ̀ a Nyìngòŋ ə, chò fa Yesò Klistò to məzhʉ̀ ə tsèm! A diʼ to wen yi mùʼ a ghə̀ kiʼi ətof ə tsèm. Amèyn.

Lumans 9:5

Vətiʼi və vəwenə ə ndiʼ viʼi Nyìngòŋ. Yesò no nə̀ wenə wen ə nvi a nse to nə̀ wù əloʼ vəwenə. Nyìngòŋ ə ndiʼ a kətʉ kə əfo ə tsèm, viʼi diʼ ə nkuʼsə wen to məzhʉ̀ ə tsèm. Amèyn.

Efisyàns 3:21

Əbayn ə ghoʼo ghə̀ Nyìngòŋ sə vi faŋ to faŋ a viʼi və byɨməvə vyi a və diʼ wenə və Yesò Klistò to məzhʉ̀ ə tsèm! Amèyn.

Filìbàyns 2:10

Nyìngòŋ ə nè ali ndi no tè ghò yì a ghə̀ diʼì a kàŋ ko a nse ko a loʼ vəmpfʉ və nse ə gʉtə nchiʼsə a lwi a nse ə ngumlə̀ əzhiʼ ə Yesò.

Kòlòsyàns 1:23

Kə ne ndiʼ ali a zhʉ ghə̀ŋ tuʼtə ghaʼ əbyɨmə a yi la ghə̀ ntò to tò. Kə ghə̀ŋ moʼtə kənyʉ̀ kə nə̀ʼsə̀ kwoʼtə yi a ghə̀ŋ kiʼi byìʼì ntɨm ə jùŋ yi a ghə̀ŋ tə zhʉ li. Nò mò Bol diʼ wù ə shwèʼè Klistò, shə̀ʼtə̀ to ntɨm jùŋ na ghèn, a diʼ wen yì a və sə diʼ mù və nshə̀ʼtə̀ li no a viʼi və tsèm a mbi.

1 Timotì 4:16

Wù tùʼmə̀ nə̀ wen ə wu, be tùʼmə̀ nə̀ jì yi a wù ziʼi viʼi fatsu. Wu sətsen ə ne tò alə, ə Nyìngòŋ ə bwòŋsə wù, bè bwòŋsə no viʼi vi a wù ziʼi.

1 Bità 4:11

Wìʼ yi a ghə̀ shə̀ʼtə̀ kənyʉ̀ kə Nyìngòŋ, ghə̀ nshə̀ʼtə̀ to no kənyʉ̀ ki a kə lù fa Nyìngòŋ. Wìʼ yi a diʼ wù ə shwèʼè, ghə̀ ə shyèʼ to no nə̀ kədyòʼ kì a Nyìngòŋ ə kù li a wen. Ghə̀ŋ ə nè to alə ndiʼ viʼi ə kuʼsə Nyìngòŋ chò fa a Yesò Klistò. Ghə̀ kiʼi kùʼsə nə̀ kədyoʼkə to məzhʉ̀ ə tsèm. Amèyn.

1 Bità 5:11

Kədyòʼ kə wen kə faŋ to faŋ to məzhʉ ə tsèm. Amèyn.

Ŋwàʼlə̀ Jud 1:25

Vəghəŋ ə nkuʼsə Nyìngòŋ. A diʼ tò Nyìngòŋ mùʼ a ghə̀ diʼi Nyìngòŋ. A bwòŋsə̀ Nyìngòŋ bwòŋsə̀ vəghəŋ chò fa Yesò Klistò ə Bobo vəghəŋ. Ghoʼsə ndiʼ a Nyìngòŋ nə̀ gumlə. Nyìngòŋ a ghə̀ soʼo vəghəŋ ə diʼ fòyn, kiʼ kədyòʼ to məzhʉ̀ ə tsèm. Nyʉ̀ a venə no tsèm ndìʼ, diʼ luwen, diʼ lu ndiʼ to li no mənzhʉ̀ ntsèm. Amèyn.

Kəmwetə 1:6

Ə mù nè la vəghəŋ ə ndiʼ vunə ntuʼ, ə̀ shyèʼ à Nyìngòŋ ə Tìʼ wen. Əghoʼsə nə̀ kədyòʼ ə ndiʼ à Yesò Klistò no məzhʉ̀ ntsèm. Amèyn.

Kəmwetə 13:8

No viʼi vətsèm vi a və̀ntsi a nse ə̀ ndiʼi nghoʼsə̀ wen, andiʼ viʼi vyi a və nko ə̀ nyòʼ təzhiʼ tə vəwenə mibu mbi sə zìtə̀, a ŋwàʼlə̀ ə̀bwòŋ ə̀ wàyn bi ənjɨ̀ yì a və̀ nshyə lì.

Kəmwetə 5:1

Mà bè yèn əbʉʼ ŋwàʼlə̀ a və lèmə̀ a kəvu kə kwoŋ ə toghə wìʼ yì a ghə̀ ə̀ ŋwʉʼ a kəfwon lì mu və nyòʼò li tsu no məshyə̀ ə̀ ntsèm. Əbʉʼ ŋwàʼlə̀ ayi ə̀ ndìʼ mu və shwinə̀ li nə̀ mɨ̀ŋ ə̀ shi sòmbo fà yi təchʉ̀.

Kəmwetə 5:12

Vəwenə nzhɨmə ndzàŋ no a gɨ to la, “Wàyn bi ənjɨ̀ a və̀ nzhwi ə kwʉʼ li ə̀ me əkiʼi kədyòʼ nə̀ əghoʼ, nə̀ ətof, nə̀ gumlə, nə̀ əghoʼsə bènə̀ ə mbwaʼmə̀.”

Kəmwetə 5:3

Alì wìʼ ə̀ nko diʼ a kàŋ ko a nse ko a loʼ ə vəmpfʉ və nse a ghə̀ nzì ghə̀ boʼ ŋwàʼlə̀ ayì ə̀ lye tin ə̀ yi.

Kəmwetə 5:6

Mà yen Bobo Yesò Klistò a ghə̀ ndi to wàyn bi ənjɨ̀, ghə̀ ti a kəshi yì a kəfwon kì ə̀ nti tsu lì mu ə̀fo zhwisəvə vi nə̀ vəchəʼ vi ə nyɨŋ li ə nkaʼ wen. Wàyn bi ənjɨ̀ ayì ə̀ nkìʼ ə ndoŋsə sòmbo bènə̀ ashɨ sòmbo andiʼ əzhwi ə Nyìngòŋ sòmbo a ghə̀ ə̀ ntɨmə̀ a mbi ə̀ tsèm. Wàyn ə̀ bi njɨ̀ ayì ə̀ nkə̀ʼə̀ tò sə və shyə li.

Kəmwetə 5:9

Vəwenə sə̀ zhɨmə ndzàŋ ə fi la, “Wàyn njɨ̀, wù ə kwʉʼ li ə̀ me əshi əbʉʼ ə ŋwàʼlə̀ ghenə ə bə̀ytə mɨ̀ŋ yi ə bòʼ byìʼe və nzhwi li wù, wù pfʉ ə̀ zèn kətʉ kə viʼi ə ngwàʼsə̀ tsèm nə̀ viʼi təgàʼ tə tsèm bènə̀ viʼi təloʼ tə tsèm a mbi. Wù ə̀ nzèn kətʉ kə vəwenə ne mənlyuŋ ə̀ bwènsə̀ ku à Nyìngòŋ.

Kəmwetə 6:16

ə̀ sə zɨmə̀ dzàŋə̀ pfensə nə̀ təghu gàʼà la, “Ghə̀ŋ fəŋkə à yès ə kətʉ ə̀ lyòmtə̀ yès fà wìʼ ghèn a ghə̀ ŋwʉʼ a kəfwon lə̀ bènə̀ fa ngəʼ a wàyn bi ənjɨ̀ diʼ ə ku à yès byìʼ tin ə fwi ə wen.