Kəmwetə 4:8 - The New Testament in the Babanki language

⁸ Əfo avenə no tsèm ə̀ nkìʼ təvò ə̀ ntʉ̀fəntʉ̀fə, kiʼ ashɨ tò ə̀wen ə̀ tsèm nə̀ à vəwenə tì wèn. Vəwenə nzhɨmə ndzàŋsə tò məzhʉ̀ ntsèm, zhɨmə nəntʉʼʉ nə̀ nə̀nchwì la, “Wu ŋwoʼə, wu ŋwoʼə, wu ŋwoʼə dìʼ tìʼ àdyoʼ ə̀ tsèm, Ghə̀ ə̀ ndìʼ, diʼ luwèn be diʼ ə lu vì!”

Kəmwetə 4:8 ပူးပေါင်းရင်းမြစ်များ

Shwèʼ 20:31

Ghə̀ŋ ntùʼmə̀ lì be kwòʼtə̀ ando mà tə nziʼì ghə̀ŋ nə̀nchwì bènə̀ nəntʉʼʉ a tì ngwʉ̀ʼsə sènsə sətaʼ nə̀ məshɨ à mò ashɨ la ghə̀ŋ tuʼù kɨ̀ Nyìngòŋ.

2 Kolìntyàns 6:18

ə ndiʼ Tìʼ a ghə̀ŋ, ghə̀ŋ diʼ vunə vwomə. A gàʼà Bobo, ə Tìʼ adyòʼ no tsèm.”

1 Tèsàlonyà 2:9

Vəlemə, ghə̀ŋ kɨli ando yes ə nshyèʼ no nə̀ kədyoʼkə. Yes ə nshyèʼ nə̀nchwì shyèʼ nətʉʼ ndi kə ghə̀ŋ faŋ nlè kəfo a yes a kətʉ ando yes ə shə̀ʼtə̀ ntɨm ə jùŋ na ghèn a ghə̀ŋ a Nyìngòŋ ə ku la yes ə shə̀ʼtə̀.

1 Timotì 4:16

Wù tùʼmə̀ nə̀ wen ə wu, be tùʼmə̀ nə̀ jì yi a wù ziʼi viʼi fatsu. Wu sətsen ə ne tò alə, ə Nyìngòŋ ə bwòŋsə wù, bè bwòŋsə no viʼi vi a wù ziʼi.

2 Timotì 4:2

wù ə nshə̀ʼtə̀ ntɨm ə jùŋ à viʼi no mənzhʉ̀ ntsèm. Wù nshə̀ʼtə̀ tò shə̀ʼtə̀ kò viʼi ə kòŋ ə zhʉtə, kò və faŋ ke kòŋ. Wù diʼi laynsə kənyʉ̀ ki a viʼi ə nè byɨsə, ə gàʼ la kə vəwenə bè nè, ə sensə la vəwenə ə nzhʉ ənyʉ̀ a venə. Wù sə ə ziʼì vəwenə, wù ə shɨtə ziʼi nə̀ ətyɨm ə zhʉtə ghə̀.

Hibùlù 13:8

Yesò Klistò diʼ layn, to ndə̀ŋndəŋ ando ghə̀ nə̀ ndiʼ fa ambì, diʼ lu ndiʼ to ali zaʼa fa no fa ze.

Kəmwetə 1:4

A tɨmə mò ə Joyn tɨmə̀ toŋtə à ghə̀ŋ ə ntsèntə̀sə viʼi və byɨməvə vi sòmbo a mbʉ̀ʼ Asìyà. Boŋə tyɨm bènə̀ mbwaʼmə̀ a ndiʼ à ghə̀ŋ fà Nyìngòŋ yì a ghə̀ diʼ, mu ghə̀ ndìʼ, be diʼ əlù ndiʼ, bènə̀ mbwaʼmə̀ à ghə̀ŋ fà əzhwi vi ə sòmbo a və diʼ a mbì kəfòyn kə̀ Nyìngòŋ.

Kəmwetə 1:8

Bobo Nyìngòŋ ə Tìʼ àdyoʼ ə̀ tsèm yì a ghə̀ ə̀ ndìʼ, diʼ be diʼ ə lu ndiʼ gàʼ la, “Mà dìʼ ə mbì be diʼ əbam.”

Kəmwetə 11:17

gàʼà la, “Bobo ə Nyìngòŋ àdyoʼ ətsèm wù yì a wu diʼì luwèn, mu wù ə̀ ndìʼ yès ə ku kəzòŋ à wù ando wù ə diʼì li kədyòʼ kə ghoʼokə kì a wù ə kiʼi ə̀ nzìtə̀ sə soʼo viʼi.

Kəmwetə 14:11

Fələʼ fəzhiʼ fì a vəwenə a yen ə ngəʼ tsu ə kuʼu tò kuʼu a kàŋ əzaʼa no fa ze. Viʼi avenə a və ghoʼsə̀ nyàm ə̀ toʼ yì nə̀ kənshyə̀ʼsə̀ kə wen mu və ku li kəchwitə kəzhiʼ wen ko lu kiʼi ənzhʉ̀tə tè nə̀nchwì ko nəntʉʼʉ.”

Kəmwetə 14:3

Viʼi a vyi nkamsə ghɨ nə̀ njʉ̀sə̀ kàʼ a məwum ə̀ nkàʼ ə̀ nzɨmə̀ ndzàŋ ə fi kènla wìʼ zì ghə̀ ziʼi əzhɨm əchò tò vəwenə vi a və sə̀ diʼ mu və zen li kətʉ kə vəwenə fa mbi. Vəwenə nzhɨmə ndzàŋ ayì a shɨ kəfwoyn nə̀ ə̀fo zhwisəvə vi ə̀kàʼ bènə̀ vəchəʼ.

Kəmwetə 15:3

Vəwenə nzhɨmə ndzàŋ ə̀ Mosìs ə wù shyèʼ ə̀ Nyìngòŋ nə̀ ndzàŋ wàyn bi ənjɨ̀ a ghə̀ ə̀ ngàʼà la: “Bobo Nyìngòŋ, Tìʼ àdyoʼ ə̀ tsèm. Wù nè ənyʉ̀ ghoʼkəvə kanəvə! Wù dìʼ fòyn a təloʼ tò tətsèm. Jisə shyə̀sə diʼ jisə sə̀ tɨməsə be diʼ jisə nəmwèʼè!

Kəmwetə 15:7

Kəfo kə mùʼ fa tì ə̀fo zhwisəvə vi ə̀ kàʼ ku əkaŋ sòmbo mu və shɨ̀tə̀ nə̀ gul à ntsɨ̀ŋsə ngə̀ŋ ə̀ Nyìngòŋ shì. Əkaŋ a vyi ə̀ ndìʼ mu və lwin li nə̀ ənyʉ̀ vyi a və dìʼì tin ə fwi ə̀ Nyìngòŋ yì a ghə̀ ə faŋə̀ to tò əghayn əmùʼ.

Kəmwetə 16:14

Əzhwi byɨvə avenə ndìʼ vədeblə̀ a və̀ njèʼè dìʼì əchwitə kanəvə. Əzhwi a vyi ə̀ njèʼè dyʉ̀ no à təfòyn tə tsèm a mbi ə tsèntə vəwenə a kəshi kə mùʼ ə vəwenə baʼtə̀ soyn a kətsi kə ghoʼokə Nyìngòŋ ə Tìʼ àdyoʼ ə̀ tsèm.

Kəmwetə 16:7

Mà bè zhʉ ando gɨ̀ ə dì fʉ vì fa əshyə kəchiʼ kə kəku la, “No nəmwèʼè, a Bobo Nyìngòŋ ə̀ Tìʼ àdyoʼ ə̀ tsèm, wù soʼo nsoʼsə shyə̀sə tò nəmwèʼè, be soʼo tò a ji ə tɨmə!”

Kəmwetə 19:15

Ə nyì ngwələŋ tsen fʉ̀ fa wen əchʉ̀, lyɨmə no nànto, ghə̀ diʼ ə soyn ə zhɨ təloʼ tətsèm nə̀ wen. Ghə̀ ne ə̀ nsoʼo vəwenə kədyoʼkə, ghə̀ ne jèʼ ə tùʼlə vəwenə dìʼ tin ə fwi ə̀ Nyìngòŋ ə Tìʼ àdyoʼ ətsèm.

Kəmwetə 19:4

Vəchəʼ vi njʉ̀sə̀ kàʼ a məwum ə̀ nkàʼ wenə̀ ə̀fo zhwisəvə vi ə̀ kàʼ shiʼi a nse ə̀ ghoʼsə Nyìngòŋ a ghə̀ ə̀ ŋwʉʼ a kəfwoyn ə̀ gàʼ la, “Kə diʼ tò a lì, vəghəŋ ghoʼsə Nyìngòŋ.”

Kəmwetə 21:22

Ma ko yen ngə̀ŋ Nyìngòŋ a ntə̀ʼ na yi byìʼì ando ngə̀ŋ Nyìngòŋ tsu ndiʼ to no Bobo Nyìngòŋ, ə Tiʼi ədyoʼ ə tsèm no nə̀ ngə̀ŋ wen wenə We Njɨ̀.

Kəmwetə 3:7

“Nyòʼo à ntsɨ̀ŋ ə̀ ngə̀ŋ Nyìngòŋ yì a ghə̀ diʼì a Fìlàdefìyà la: ənyʉ̀ venə gàʼ wìʼ yì a ghə̀ ŋwòʼə̀, diʼ nəmwèʼè be kiʼ kənzàs kə ngə̀ŋ fòyn Devìt a ghə̀ sətsen ə bòʼò kò ndiʼ la wìʼ zi ghə̀ shwìnə̀, be shwìnə̀ ko ndiʼ la zi ghə̀ bòʼò.

Kəmwetə 4:4

Əfwoyn ə tsenəvə ndìʼ njʉ̀sə̀ kàʼ a məwum ə̀ mbò mu və nyɨŋ li ə̀ nkaʼ kəfwon kì, vəchəʼ njʉ̀sə̀ kàʼ a məwum ə̀ mbò ŋwʉʼ tsu mu vəwenə mòʼ vədàlə və fəfəvə nchiʼ təsòʼ mu və shɨ̀tə̀ nə̀ gul à vəwenə tʉ.

Kəmwetə 4:6

Andìʼ a lì mo be diʼ a mbì kəfwoyn akì baynə to nə̀ awoŋ. Ə̀fo zhwisəvə tsenəvə ndìʼ ə̀kàʼ ə̀kàʼ no təshyə tə kəfwon tətsèm kiʼ ashɨ à vəwenə no ghoʼo fa bàm bènə̀ fa mbì.

Kəmwetə 4:9

Ə̀fo zhwisəvə avenə nzhɨmə ndzàŋsə ku əghoʼsə, nə̀ gumlə bènə̀ kəzòŋ à wìʼ yì a ghə̀ ŋwʉʼ a kəfwoyn yì, ə̀wen yì a ghə̀ diʼì no məzhʉ ə̀ ntsèm.

Kəmwetə 5:6

Mà yen Bobo Yesò Klistò a ghə̀ ndi to wàyn bi ənjɨ̀, ghə̀ ti a kəshi yì a kəfwon kì ə̀ nti tsu lì mu ə̀fo zhwisəvə vi nə̀ vəchəʼ vi ə nyɨŋ li ə nkaʼ wen. Wàyn bi ənjɨ̀ ayì ə̀ nkìʼ ə ndoŋsə sòmbo bènə̀ ashɨ sòmbo andiʼ əzhwi ə Nyìngòŋ sòmbo a ghə̀ ə̀ ntɨmə̀ a mbi ə̀ tsèm. Wàyn ə̀ bi njɨ̀ ayì ə̀ nkə̀ʼə̀ tò sə və shyə li.

Kəmwetə 6:1

A ə̀ ndìʼ tò a zhʉ aghèn, mà yen ando wàyn bi ənjɨ̀ ə bɨtə̀ mbì mɨ̀ŋ fa tì vəmɨ̀ŋ vi sòmbo. Mà zhʉ ando kəfo kə zhwisəkə kətsenkə fa tì ə̀fo zhwisəvə vi ə̀ kàʼ ə bwankə̀ to nə̀ ghʉ ə̀ gàʼ la, “fʉ̀ ə̀ vì!”

Kəmwetə 6:6

Mà zhʉ gɨ̀, ghə̀ gàʼa to nə̀ gɨ̀ wìʼ fa ntìntìn ə̀fo vi ə̀ kàʼ la, “Əko shyèʼ ə kətsi kə mpfen ne kwʉ̀ʼ əzen tò kilò to kəbayn a və bvu fa wit muʼ ko əzen vəkilò və kəbayn a və bvu fa balley vətaʼ, alì kə a kùm məzhiʼ nə̀ məlyʉ̀ʼ.”

Kəmwetə 7:11

Ntsɨ̀ŋsə ngə̀ŋ Nyìngòŋ no sə̀ tsèm sə tɨmə̀ kàʼ kəfwon kì wenə̀ vəchəʼ vi bènə̀ ə̀fo ə zhwisəvə vi sə̀ ŋàŋlə dyʉ̀ nə̀ təkə̀ʼ tə vəwenə a nse ghoʼsə̀ Nyìngòŋ,

Kəmwetə 7:15

A lə̀ kənyʉ̀ a vəwenə ti a shɨ kəfwoyn kə Nyìngòŋ, shyèʼè à wen nə̀nchwì bènə̀ nəntʉʼʉ à wen ə tì ngə̀ŋ. Wìʼ yì a ghə̀ ŋwʉʼ a kəfwoyn ne ndiʼ wenə̀ vəwenə, kɨ̀ŋtə̀ vəwenə.