Kəmwetə 4:6 - The New Testament in the Babanki language

⁶ Andìʼ a lì mo be diʼ a mbì kəfwoyn akì baynə to nə̀ awoŋ. Ə̀fo zhwisəvə tsenəvə ndìʼ ə̀kàʼ ə̀kàʼ no təshyə tə kəfwon tətsèm kiʼ ashɨ à vəwenə no ghoʼo fa bàm bènə̀ fa mbì.

Kəmwetə 4:6 ပူးပေါင်းရင်းမြစ်များ

Kəmwetə 14:3

Viʼi a vyi nkamsə ghɨ nə̀ njʉ̀sə̀ kàʼ a məwum ə̀ nkàʼ ə̀ nzɨmə̀ ndzàŋ ə fi kènla wìʼ zì ghə̀ ziʼi əzhɨm əchò tò vəwenə vi a və sə̀ diʼ mu və zen li kətʉ kə vəwenə fa mbi. Vəwenə nzhɨmə ndzàŋ ayì a shɨ kəfwoyn nə̀ ə̀fo zhwisəvə vi ə̀kàʼ bènə̀ vəchəʼ.

Kəmwetə 15:2

Mà mbe ə̀ nyèn kəfo kə kə̀ʼə̀ to nə̀ ə̀mu mə ghoʼomə̀, baynə lyəŋsə̀ to nə̀ kənki kə ashɨ a və fə̀ŋə̀ nə̀ əzhiʼ. Mà mbe yèn viʼi a və soyn ə̀ nzhɨ nyàm ətoʼ yì a ghə̀ fʉ̀ ə̀ kuʼ ə̀ vì fa ə̀mu lì wenə̀ kənshyə̀ʼsə̀ kə wen əboʼsə nə̀ ətaŋ ə zhiʼ wen, və ti a mbyɨ̀ ə̀mu mə ghoʼomə̀ mì kiʼ təlyuŋ tə Nyìngòŋ à vəwenə avu.

Kəmwetə 15:7

Kəfo kə mùʼ fa tì ə̀fo zhwisəvə vi ə̀ kàʼ ku əkaŋ sòmbo mu və shɨ̀tə̀ nə̀ gul à ntsɨ̀ŋsə ngə̀ŋ ə̀ Nyìngòŋ shì. Əkaŋ a vyi ə̀ ndìʼ mu və lwin li nə̀ ənyʉ̀ vyi a və dìʼì tin ə fwi ə̀ Nyìngòŋ yì a ghə̀ ə faŋə̀ to tò əghayn əmùʼ.

Kəmwetə 19:4

Vəchəʼ vi njʉ̀sə̀ kàʼ a məwum ə̀ nkàʼ wenə̀ ə̀fo zhwisəvə vi ə̀ kàʼ shiʼi a nse ə̀ ghoʼsə Nyìngòŋ a ghə̀ ə̀ ŋwʉʼ a kəfwoyn ə̀ gàʼ la, “Kə diʼ tò a lì, vəghəŋ ghoʼsə Nyìngòŋ.”

Kəmwetə 21:11

Ntə̀ʼ na ghèn nə̀ kiʼi əbayn ə ghoʼoghə Nyìngòŋ. Ntə̀ʼ na yi nə̀ baynə baynə boŋ to nə̀ ngùʼ ə nyemə ə tsen və toŋtə la jasɨbà be baynə chò tèbè kənkàʼtə̀.

Kəmwetə 21:18

Ə wèn mbàyn na yì ə ndiʼ mu və kwiʼ nə̀ jasɨbà, no tèbe ghò a ntə̀ʼ ayì diʼ mu və shɨtə nə̀ nkàyntə̀ gol, ghə̀ baynə chò to nə̀ ə kənkàʼtə̀.

Kəmwetə 21:21

Təchʉ̀ tə mbàyn na ti nkiʼi ənchiʼ mu və nyùʼtə nə̀ tɨ̀fwo tə, no tèbe kəchiʼ kə kò diʼ ashɨ ə tɨfwo, ghə̀ boŋ. Ji ə to yì a ghə̀ ndiʼ a ntə̀ʼ ayì ndiʼ mu və chisə nə̀ nkàyntə̀ gul, ghə̀ baynə chò to nə̀ ə kənkàʼtə̀.

Kəmwetə 22:1

Fa yi abàm, Ntsɨŋ Nyìngòŋ na yì ə be diʼ mu mi a mò a ghə̀ kù tsi, ghə̀ baynə to alə to nə̀ kənkàʼtə̀. Mu a mi nə̀ fʉ̀ vi fa kəkɨ kə fòyn Nyìngòŋ ə wenə We Njɨ̀,

Kəmwetə 4:4

Əfwoyn ə tsenəvə ndìʼ njʉ̀sə̀ kàʼ a məwum ə̀ mbò mu və nyɨŋ li ə̀ nkaʼ kəfwon kì, vəchəʼ njʉ̀sə̀ kàʼ a məwum ə̀ mbò ŋwʉʼ tsu mu vəwenə mòʼ vədàlə və fəfəvə nchiʼ təsòʼ mu və shɨ̀tə̀ nə̀ gul à vəwenə tʉ.

Kəmwetə 5:11

Mà bè sə ki ə̀ yèn ə ntsɨ̀ŋsə ngə̀ŋ ə̀ Nyìngòŋ və taŋə lè, ando sə tɨmə̀ ə̀ kaʼ kəfwon kì əboʼsə nə̀ ə̀fo zhwisəvə vi bènə̀ vəchəʼ vi.

Kəmwetə 5:14

Ə̀fo zhwisəvə vi ə̀ kàʼ gàʼ la, “Amèyn” Vəchəʼ vi fəŋkə a nse ə̀ ghoʼsə Nyìngòŋ wenə̀ wàyn bi ənjɨ̀ a ndiʼ Yesò Klistò lì.

Kəmwetə 5:6

Mà yen Bobo Yesò Klistò a ghə̀ ndi to wàyn bi ənjɨ̀, ghə̀ ti a kəshi yì a kəfwon kì ə̀ nti tsu lì mu ə̀fo zhwisəvə vi nə̀ vəchəʼ vi ə nyɨŋ li ə nkaʼ wen. Wàyn bi ənjɨ̀ ayì ə̀ nkìʼ ə ndoŋsə sòmbo bènə̀ ashɨ sòmbo andiʼ əzhwi ə Nyìngòŋ sòmbo a ghə̀ ə̀ ntɨmə̀ a mbi ə̀ tsèm. Wàyn ə̀ bi njɨ̀ ayì ə̀ nkə̀ʼə̀ tò sə və shyə li.

Kəmwetə 5:8

A ə̀ ndìʼ ando ghə̀ ə̀ nshi əbʉʼ ə ŋwàʼlə̀ ayi, ə̀fo zhwisəvə vi ə̀ kàʼ nə̀ vəchəʼ vi njʉ̀sə̀ kàʼ a məwum ə̀ mbò fəŋkə à wen ə shɨ. No ndò ə̀ nkìʼ əlyuŋ nə̀ kəkaŋ kə a və shɨtə̀ nə̀ gul mu kələŋ kə lwin li tsu à diʼ təjɨ̀m tə viʼi və byɨməvə.

Kəmwetə 6:1

A ə̀ ndìʼ tò a zhʉ aghèn, mà yen ando wàyn bi ənjɨ̀ ə bɨtə̀ mbì mɨ̀ŋ fa tì vəmɨ̀ŋ vi sòmbo. Mà zhʉ ando kəfo kə zhwisəkə kətsenkə fa tì ə̀fo zhwisəvə vi ə̀ kàʼ ə bwankə̀ to nə̀ ghʉ ə̀ gàʼ la, “fʉ̀ ə̀ vì!”

Kəmwetə 6:6

Mà zhʉ gɨ̀, ghə̀ gàʼa to nə̀ gɨ̀ wìʼ fa ntìntìn ə̀fo vi ə̀ kàʼ la, “Əko shyèʼ ə kətsi kə mpfen ne kwʉ̀ʼ əzen tò kilò to kəbayn a və bvu fa wit muʼ ko əzen vəkilò və kəbayn a və bvu fa balley vətaʼ, alì kə a kùm məzhiʼ nə̀ məlyʉ̀ʼ.”

Kəmwetə 7:11

Ntsɨ̀ŋsə ngə̀ŋ Nyìngòŋ no sə̀ tsèm sə tɨmə̀ kàʼ kəfwon kì wenə̀ vəchəʼ vi bènə̀ ə̀fo ə zhwisəvə vi sə̀ ŋàŋlə dyʉ̀ nə̀ təkə̀ʼ tə vəwenə a nse ghoʼsə̀ Nyìngòŋ,

Kəmwetə 7:17

byìʼàndo wàyn bi njɨ̀ yì a ghə̀ ŋwʉʼ a tì kəshi kə kəfwoyn ne ndiʼ ntsɨ̀ŋ ə̀ vəwenə. Ghə̀ ne lyɨ̀ vəwenə dyʉ̀ nə̀ vəwenə ashi a mu mi a ku əbwòŋ ko mə lu nzɨmə. Nyìngòŋ be tì məshɨ mə vəwenə no ntsèm fà vəwenə ashɨ.”