Kəmwetə 4:5 - The New Testament in the Babanki language

⁵ Əghʉ mwàntə̀, bwankə̀, gɨsə be fʉ vì fa kəfwoyn kə ghoʼokə kì. Ə̀ nkàʼtə̀ ə̀ mbaynə fa mbì kəfwon ayì sòmbo, andiʼ əzhwi ə Nyìngòŋ ə̀ sòmbo.

Kəmwetə 4:5 ပူးပေါင်းရင်းမြစ်များ

Matìyò 25:1

Yesò bè mò ngàyn ə tsen gàʼà la, “Wàyn Wìʼ lu sə mbwènə̀ vì, soʼo Fòyn Nyìngòŋ ndiʼ tò nə̀ fətitì fə ngòynsə ki sətsensə ə̀ wum, a sə nlù dyʉ̀ sə kə̀ʼtə̀ wùlɨm lam a ghə̀ ndiʼi vì. Vəwenə sə ndyʉ̀ no ndò lyɨ̀ kənkàʼtə̀ kəwen.

Matìyò 3:11

Mà ku mu à ghə̀ŋ tò nə̀ mu mə Amù ədiʼ la ghə̀ŋ kwitə li tətyɨm təŋtə fà ghə̀ŋ a mbyɨsə, alì wìʼ yì a ghə̀ vì fa mò a bàm, chò mò, a mà ko kwʉ̀ʼ no fa mpfen əshyèʼ a wen a nə̀ kəkòs kə byèʼè gwʉsə aghʉ wen. Ghə̀ ne ku mu à ghə̀ŋ nə̀ kəzhwì kə ŋwoʼkə be chòsə̀ viʼi vətsen və a zhìʼ.

Shwèʼ 2:3

Vəwenə mù bvʉ̀tə̀ yèn fo və diʼ to nə̀ kəlwàŋ kə zhìʼ ə̀ gə̀sə̀ dyʉ̀ ŋwʉʼʉ no a kətʉ ndò a ghə̀ ndiʼì tsu.

Kəmwetə 1:4

A tɨmə mò ə Joyn tɨmə̀ toŋtə à ghə̀ŋ ə ntsèntə̀sə viʼi və byɨməvə vi sòmbo a mbʉ̀ʼ Asìyà. Boŋə tyɨm bènə̀ mbwaʼmə̀ a ndiʼ à ghə̀ŋ fà Nyìngòŋ yì a ghə̀ diʼ, mu ghə̀ ndìʼ, be diʼ əlù ndiʼ, bènə̀ mbwaʼmə̀ à ghə̀ŋ fà əzhwi vi ə sòmbo a və diʼ a mbì kəfòyn kə̀ Nyìngòŋ.

Kəmwetə 10:3

Ntsɨ̀ŋ ngə̀ŋ ə̀ Nyìngòŋ ayì dzàŋ no əgɨ̀ ə to ghə̀ kù tò nə̀ gɨ̀ abìkəŋ a zhʉ a ghə̀ dì. Ghə̀ ə̀ ndzàŋə̀ no əzhʉ ə̀ kò, əghʉ bwènsə̀ bwankə̀ aghayn sòmbo.

Kəmwetə 11:19

Fa bàm ənyʉ̀ venə, əchʉ ngə̀ŋ ə̀ ghoʼo ə̀ Nyìngòŋ fa kàŋ ə bòʼmə̀, mà yen əkum ə məkàyn ə̀ Nyìngòŋ à wen ə ngə̀ŋ ə ghoʼo. Əghʉ sə̀ mwàntə̀ bwankə̀, fa kəshi ayì, gɨsə fʉ̀ fa tsu, nse nə̀ʼə̀, awoŋ bè shiʼi no à ghoʼo.

Kəmwetə 3:1

Nyòʼo à ntsɨ̀ŋ ə̀ ngə̀ŋ Nyìngòŋ a ghə̀ diʼì a ntsèntə̀ viʼi və byɨməvə a Saldìs la: Wìʼ yì a ghə̀ kiʼì əzhwi ə Nyìngòŋ vi sòmbo be kiʼ mədzɨ̀ŋ mì sòmbo gàʼ la, Mà kɨ əshwèʼ ghəŋə. Viʼi ə yenə ghə̀ŋ la ghə̀ŋ dìʼ vəto, alì mu ghə̀ŋ ə pfʉkə li kəzhwì.

Kəmwetə 5:6

Mà yen Bobo Yesò Klistò a ghə̀ ndi to wàyn bi ənjɨ̀, ghə̀ ti a kəshi yì a kəfwon kì ə̀ nti tsu lì mu ə̀fo zhwisəvə vi nə̀ vəchəʼ vi ə nyɨŋ li ə nkaʼ wen. Wàyn bi ənjɨ̀ ayì ə̀ nkìʼ ə ndoŋsə sòmbo bènə̀ ashɨ sòmbo andiʼ əzhwi ə Nyìngòŋ sòmbo a ghə̀ ə̀ ntɨmə̀ a mbi ə̀ tsèm. Wàyn ə̀ bi njɨ̀ ayì ə̀ nkə̀ʼə̀ tò sə və shyə li.

Kəmwetə 8:5

Ntsɨ̀ŋ ngə̀ŋ ə̀ Nyìngòŋ ayì mù lyɨ̀ kəkaŋ kə kələŋ kì ə̀ tsə̀f ə zhiʼ fa kəchiʼ kə kəku ə̀ lwinsə tsu ə̀ mòʼ shìʼsə a nse no a zhʉ̀ kò əghʉ sə̀ mwàntə̀, bwankə̀, gɨsə gàʼà, ə̀ nse be tsɨŋtə̀ bə̀ykə̀.