Kəmwetə 4:2 - The New Testament in the Babanki language

² Tò a zhʉ ayì, kəzhwì kə ŋwoʼəkə vì à mò Joyn, mà yen kəfwoyn a kàŋ wìʼ ŋwʉʼ tsu,

Kəmwetə 4:2 ပူးပေါင်းရင်းမြစ်များ

Matìyò 22:43

Yesò bèm à vəwenə la, “A zhʉ a kə diʼ a lì byìʼì ghò a kəzhwì kə ŋwoʼəkə ne la ghə̀ dzàŋ wàyn wen aghèn la Bobo a? Mà bèm alə̀ byìʼàndo Devìt nlù gàʼ la,

Hibùlù 8:1

Kənyʉ̀ ki a yès ə lu tə sù gàʼa ə diʼ la vəghəŋ ə kiʼi pfèm ə ngə̀ŋ Nyìngòŋ ə ŋaŋtə, ghə̀ nyʉ̀ʼ a shə kwoŋ toghə Nyìngòŋ akàŋ, a ghə̀ soʼo no əfo ə tsèm.

Kəmwetə 1:10

A ndìʼ a kətsi yì a və ghoʼsə̀ Bobo, kəzhwì kə Nyìngòŋ kə ghaʼ mo; mà zhʉ gɨ̀ ə to tsen gàʼ ə̀ vì fà mò a bàm tò nə̀ ə̀soŋ

Kəmwetə 12:5

Wùwì ayì bwi wàyn ə wulɨm, à diʼ wen a ghə̀ diʼ lu soʼ təloʼ tə tsèm alì və sòʼ wen ə̀ kùʼ nə̀ wen à Nyìngòŋ a kàŋ nə̀ ə̀soʼ ə fòyn ə̀ wen

Kəmwetə 17:3

Kəzhwì kə Nyìngòŋ kə shi əkwoʼtə ghomə, ntsɨ̀ŋ ngə̀ŋ ə̀ Nyìngòŋ yì lyɨ̀ mò ə̀ dyʉ̀ nə̀ mò a nse zɨm, mà yen wùwì ə tsen tsu ghə̀ ŋwʉʼ a kwi nyàm ə bàŋə̀ tsen mu və nyòʼò li təzhiʼ à wen əwen. Təzhiʼ atì tə diʼ mbàʼsə a sə telə̀ Nyìngòŋ. Nyàm ayì ə̀ nkìʼ ətʉ sòmbo nə̀ əndoŋsə tsu əwùm.

Kəmwetə 19:4

Vəchəʼ vi njʉ̀sə̀ kàʼ a məwum ə̀ nkàʼ wenə̀ ə̀fo zhwisəvə vi ə̀ kàʼ shiʼi a nse ə̀ ghoʼsə Nyìngòŋ a ghə̀ ə̀ ŋwʉʼ a kəfwoyn ə̀ gàʼ la, “Kə diʼ tò a lì, vəghəŋ ghoʼsə Nyìngòŋ.”

Kəmwetə 20:11

Luwen ma mu yen Nyìngòŋ ghə̀ ŋwʉʼ a kəfwoyn kəfəfəkə. Ando ghə̀ fʉ a dayn, əkaŋ wenə nsə ə nsoməli dyʉ̀ to ghayn əmuʼ.

Kəmwetə 21:10

Kəzhwì kə Ŋwoʼkə be ghaʼ kwoʼtə ə ghomə, Ntsɨŋ Nyìngòŋ na yì ə lyɨ̀ kuʼ nə̀ mò akwi phèn ə tsen, ghə̀ dyef to alə, ə diʼ Jelusalèm a mò, mu à le Ntə̀ʼ ə laynə a ghə̀ lù fa kàŋ ə sə shiʼi vi.

Kəmwetə 21:5

Wìʼ yi a ghə̀ nyʉ̀ʼ a kəkɨ ə fòyn na yi ə mu gàʼ la, “Ghə̀ŋ yen a! Ma na nè ə nyʉ̀ ə tsèm ə bwensə ndiʼ to a fi.” Ghə̀ gàʼa a mò Joyn la, “Nyoʼo nyʉ̀ na venə. Və diʼ to no nəmwèʼè, kwʉ̀ʼʉ̀ ndiʼ no ndo byɨmə.”

Kəmwetə 3:21

No ndò a ghə̀ nè soyn ə̀ zhɨ mbyɨ, ma nè ghə̀ ŋwʉʼʉ ə̀ boʼsə kəfwoyn ə komkə ando nkàyntə̀ mò sə̀ diʼ mu mà ə nsoyn li ə̀ zhɨ mù sə̀ ŋwʉʼ boʼsə kəfwoyn kə Tìʼ ə ghom.

Kəmwetə 4:10

Vəwenə nzhɨmə a lì no zhʉ kò, vəchəʼ vi njʉ̀sə̀ kàʼ a məwum ə̀ mbò laŋtə̀ a shɨ wìʼ yì a ghə̀ ŋwʉʼ a kəfwoyn lì ghoʼsə̀ wen yì a ghə̀ ə diʼì no məzhʉ ə̀ ntsèm. Vəwenə mbe tsuʼtə̀ təsòʼ tə təfòn ə̀ vəwenə tì mòʼò a mbì kəfwon kì zhɨmə ndzàŋ la,

Kəmwetə 4:5

Əghʉ mwàntə̀, bwankə̀, gɨsə be fʉ vì fa kəfwoyn kə ghoʼokə kì. Ə̀ nkàʼtə̀ ə̀ mbaynə fa mbì kəfwon ayì sòmbo, andiʼ əzhwi ə Nyìngòŋ ə̀ sòmbo.

Kəmwetə 4:9

Ə̀fo zhwisəvə avenə nzhɨmə ndzàŋsə ku əghoʼsə, nə̀ gumlə bènə̀ kəzòŋ à wìʼ yì a ghə̀ ŋwʉʼ a kəfwoyn yì, ə̀wen yì a ghə̀ diʼì no məzhʉ ə̀ ntsèm.

Kəmwetə 5:1

Mà bè yèn əbʉʼ ŋwàʼlə̀ a və lèmə̀ a kəvu kə kwoŋ ə toghə wìʼ yì a ghə̀ ə̀ ŋwʉʼ a kəfwon lì mu və nyòʼò li tsu no məshyə̀ ə̀ ntsèm. Əbʉʼ ŋwàʼlə̀ ayi ə̀ ndìʼ mu və shwinə̀ li nə̀ mɨ̀ŋ ə̀ shi sòmbo fà yi təchʉ̀.

Kəmwetə 5:13

Mà zhʉ no tè ghò a ghə̀ diʼì a kàŋ nə̀ a nse nə̀ a loʼ ə̀ vəmpfʉ və nse nə̀ a mù mə nghoʼomə̀ bènə̀ a mbi ə̀ tsèm zhɨmə la, “Ə wen yì a ghə̀ ŋwʉʼ a kəfwon bènə̀ wàyn bi ənjɨ̀, və diʼ əbwaʼsə̀ ghə̀ŋ, gumlə̀ ghə̀ŋ, ghoʼsə̀ ghə̀ŋ nə̀ kədyòʼ no məzhʉ ə̀ ntsèm.”

Kəmwetə 6:16

ə̀ sə zɨmə̀ dzàŋə̀ pfensə nə̀ təghu gàʼà la, “Ghə̀ŋ fəŋkə à yès ə kətʉ ə̀ lyòmtə̀ yès fà wìʼ ghèn a ghə̀ ŋwʉʼ a kəfwon lə̀ bènə̀ fa ngəʼ a wàyn bi ənjɨ̀ diʼ ə ku à yès byìʼ tin ə fwi ə wen.