Kəmwetə 3:7 - The New Testament in the Babanki language

⁷ “Nyòʼo à ntsɨ̀ŋ ə̀ ngə̀ŋ Nyìngòŋ yì a ghə̀ diʼì a Fìlàdefìyà la: ənyʉ̀ venə gàʼ wìʼ yì a ghə̀ ŋwòʼə̀, diʼ nəmwèʼè be kiʼ kənzàs kə ngə̀ŋ fòyn Devìt a ghə̀ sətsen ə bòʼò kò ndiʼ la wìʼ zi ghə̀ shwìnə̀, be shwìnə̀ ko ndiʼ la zi ghə̀ bòʼò.

Kəmwetə 3:7 ပူးပေါင်းရင်းမြစ်များ

Matìyò 16:19

Ma ku nzàs kə soʼo fòyn Nyìngòŋ à wù. No ghò a wù byɨmə a kwi nse mu Nyìngòŋ a byɨmə a kàŋ, wù be tyen no ghò a kwi nse mu Nyìngòŋ be a tyen a kàŋ.”

Matìyò 24:35

Kàŋ wenə̀ nse lu chò alì kènla no kənyʉ̀ kə mùʼ fa tì nyʉ̀ venə a ma gàʼà lə̀ lu kwitə.”

Ŋwàʼlə̀ Mak 1:24

ə̀ gàʼ la, “Wù kəŋə ghò à yès a ntìntìn a Yesò wàyn wù Nazalèt ghèn, wù vi əbyɨsə yes mu? Mà kɨ li wìʼ a wù diʼ wen. A dìʼ wù, wu ŋwoʼə Nyìngòŋ.”

Ŋwàʼlə̀ Luk 1:32

Ghə̀ lu kwi kuʼ ə ndiʼ wu ghoʼo Nyìngòŋ yì a ghə̀ tyiftəli la və kə dzàŋ wen nə̀ wàyn Nyìngòŋ bè ku kəkɨ kə təfòyn tiʼi wen a wen à mù diʼ kəkɨ kə Devìt.

Ŋwàʼlə̀ Luk 4:34

“Wemey! wù kəŋ gho a yes a ntìntìn a Yesò, wàyn wu Nazalèt ghèn, wù vì byɨbsə yes mu? Ma kɨli wìʼ a wu diʼ wen wù diʼ wù ŋwoʼə Nyìngòŋ.”

Joyn 14:6

Yesò ə gàʼ a wen la, “Ma diʼ ji, diʼ nəmwèʼè, be diʼ əbwòŋ yì a ghə̀ ko lu mè, wìʼ ko diʼ a ghə̀ zizi ghə̀ dyʉ̀ a Bobo, a bwen la ghə̀ chò fa mo kəvu.

Shwèʼ 3:14

Yesò ndìʼ wù Nyìngòŋ, diʼ wu ŋwoʼə be diʼ wù kənyʉ̀ kətɨməkə, alì ghə̀ŋ tyen wen ə̀ bòŋsə̀ gàʼ və shìsə̀ wìʼ a ghə̀ nzhwilə̀ viʼi.

1 Joyn 5:20

Vəghəŋ ə̀ bè kɨ la wàyn Nyìngòŋ ə̀ mvi li ə̀ dìʼsə̀ vəghəŋ la vəghəŋ nkɨ Nyìngòŋ yì a ghə̀ diʼì nəmwèʼè. Vəghəŋ sə diʼ a kənyʉ̀ kə mùʼ vəghəŋ və wen yì a ghə̀ diʼì nəmwèʼè bènə̀ wàyn wen ə Yesò Klistò. Ghə̀ dìʼ Nyìngòŋ yì a ghə̀ diʼ nəmwèʼè be diʼ əbwòŋ a ghə̀ ko lu mè.

Kəmwetə 1:11

ə gaʼa la, “Nyòʼo ənyʉ̀ venə a wù yenə lə̀ a tì ŋwàʼlə̀ ə̀ tɨ̀m à ntsèntə̀sə viʼi və byɨməvə shì sòmbo: tɨm a Efesùs, ne Smylna, nə̀ Belgamum, a Tatiliyà, nə̀ Saldìs, nə̀ Fìlàdefìyà bènə̀ a Ladesiyà.”

Kəmwetə 1:18

be diʼ ə̀ wen yì a ghə̀ diʼi to (tsi). Mà ə mpfʉ li ə̀ bè lù fa pfʉ sə diʼ to ə zaʼa no fa ze. Mà kiʼi àdyoʼ a kətʉ ə pfʉ be a aloʼ viʼi və pfʉkəvə.

Kəmwetə 1:5

Boŋə tyɨm bènə̀ mbwaʼmə̀ be diʼ à ghə̀ŋ fà Yesò Klistò ə wu yenə nəmwèʼè, à dìʼ mbì wìʼ a və nlùsə wen fa əpfʉ, à be soʼo wen soʼo təfòn tə mbi tèntə. Ghə̀ kòŋə̀ vəghəŋ. Ghə̀ shisə̀ li vəghəŋ fà vəghəŋ ə mbyɨsə chò fa wen ə mənlyuŋ a ghə̀ mpfʉ a kəntò ə̀ shʉ̀ʼ.

Kəmwetə 15:3

Vəwenə nzhɨmə ndzàŋ ə̀ Mosìs ə wù shyèʼ ə̀ Nyìngòŋ nə̀ ndzàŋ wàyn bi ənjɨ̀ a ghə̀ ə̀ ngàʼà la: “Bobo Nyìngòŋ, Tìʼ àdyoʼ ə̀ tsèm. Wù nè ənyʉ̀ ghoʼkəvə kanəvə! Wù dìʼ fòyn a təloʼ tò tətsèm. Jisə shyə̀sə diʼ jisə sə̀ tɨməsə be diʼ jisə nəmwèʼè!

Kəmwetə 16:7

Mà bè zhʉ ando gɨ̀ ə dì fʉ vì fa əshyə kəchiʼ kə kəku la, “No nəmwèʼè, a Bobo Nyìngòŋ ə̀ Tìʼ àdyoʼ ə̀ tsèm, wù soʼo nsoʼsə shyə̀sə tò nəmwèʼè, be soʼo tò a ji ə tɨmə!”

Kəmwetə 19:11

Mà sə kɨ̀blə̀ yen ando əkaŋ ə boʼmə̀, əlyəŋ ə fəfə ghə̀ tsenghə tɨmə à mò a shɨ. Əzhiʼ wìʼ a ghə̀ ə̀ ŋwʉʼ à yi kwì ə̀ ndìʼ, “Wu jùŋ yì a diʼì nəmwèʼè a ndiʼ Yesò Klistò.” Ghə̀ soʼo to ji tɨmə soynə viʼi kəbàyn ə wen.

Kəmwetə 19:2

Ghə̀ soʼo tò nəmwèʼè be soʼo tò a ji ə tɨmə. Nyìngòŋ ə soʼo li ə̀ njèʼtə̀sə a ghə̀ ə̀ lobtə viʼi nse və tsi nə̀ wen lì. Ghə̀ bwensə̀ li ə̀ nloʼ wen ando ghə̀ tə̀ nzhwilə̀ viʼi shwèʼ ə wen.”

Kəmwetə 2:1

Ghə̀ gàʼ la, “Nyoʼo à ntsɨ̀ŋ ngə̀ŋ Nyìngòŋ a ngə̀ŋ ntsèntə̀ viʼi və byɨməvə a Efesùs la, Ghèn diʼi ntɨm fà wìʼ yì a ghə̀ ghaʼà mədzɨ̀ŋ mì sòmbo à wen ə kəvu kə kwoŋ ə toghə sə jèʼè kaʼa fa tì ə̀fo vi sòmbo a və tomtə̀ ə̀ nkàʼtə̀ tsu mu və shɨ̀tə̀ nə̀ gul lì.

Kəmwetə 21:5

Wìʼ yi a ghə̀ nyʉ̀ʼ a kəkɨ ə fòyn na yi ə mu gàʼ la, “Ghə̀ŋ yen a! Ma na nè ə nyʉ̀ ə tsèm ə bwensə ndiʼ to a fi.” Ghə̀ gàʼa a mò Joyn la, “Nyoʼo nyʉ̀ na venə. Və diʼ to no nəmwèʼè, kwʉ̀ʼʉ̀ ndiʼ no ndo byɨmə.”

Kəmwetə 3:14

Ghə̀ bè gàʼ à mò la, “Nyòʼo à ntsɨ̀ŋ ə̀ ngə̀ŋ ə̀ Nyìngòŋ yì a ghə̀ ə diʼì a ntsèntə̀ viʼi və byɨməvə a Ladesiyà la: Ghèn diʼ ə ntɨm a ghə̀ lu fà wìʼ yì a dzàŋə̀ nə̀ Amèyn, à diʼ ə̀ wen diʼ wu jùŋ yì a diʼì wu yen nəmwèʼè byìʼì Nyìngòŋ. Nyìngòŋ ə̀ nshɨ̀tə no ghò a mbi ə chò fà wen.

Kəmwetə 4:8

Əfo avenə no tsèm ə̀ nkìʼ təvò ə̀ ntʉ̀fəntʉ̀fə, kiʼ ashɨ tò ə̀wen ə̀ tsèm nə̀ à vəwenə tì wèn. Vəwenə nzhɨmə ndzàŋsə tò məzhʉ̀ ntsèm, zhɨmə nəntʉʼʉ nə̀ nə̀nchwì la, “Wu ŋwoʼə, wu ŋwoʼə, wu ŋwoʼə dìʼ tìʼ àdyoʼ ə̀ tsèm, Ghə̀ ə̀ ndìʼ, diʼ luwèn be diʼ ə lu vì!”

Kəmwetə 5:9

Vəwenə sə̀ zhɨmə ndzàŋ ə fi la, “Wàyn njɨ̀, wù ə kwʉʼ li ə̀ me əshi əbʉʼ ə ŋwàʼlə̀ ghenə ə bə̀ytə mɨ̀ŋ yi ə bòʼ byìʼe və nzhwi li wù, wù pfʉ ə̀ zèn kətʉ kə viʼi ə ngwàʼsə̀ tsèm nə̀ viʼi təgàʼ tə tsèm bènə̀ viʼi təloʼ tə tsèm a mbi. Wù ə̀ nzèn kətʉ kə vəwenə ne mənlyuŋ ə̀ bwènsə̀ ku à Nyìngòŋ.

Kəmwetə 6:10

Əzhwi a vyi zɨmə̀ gàʼà no a gɨ to la, “Bobo a ghə̀ kiʼi àdyoʼ ə̀ tsèm, ŋwòʼə̀ be diʼ nəmwèʼè, kə a lyɨ̀ ə zhʉ ale ə wù soʼ viʼi venə a nse ə ku ngəʼ à vəwenə ando vəwenə tə zhwì yes a?”