Kəmwetə 3:17 - The New Testament in the Babanki language

¹⁷ Ghə̀ŋ ə gàʼà la ghə̀ŋ kiʼi ə ko be diʼ mu ghə̀ŋ ə ghoʼ li ə̀ nkwʉʼ kèn la ghə̀ŋ ə bè gho kəfo. Ghə̀ŋ alì kò ghə̀ŋ lu kɨ la nəmwèʼè dìʼ la ghə̀ŋ dìʼ nji əfo, diʼ tò a nshinsə a nshinsə, femə, diʼ ənfyɨf, be diʼ tò ənàʼ à ntsuʼ.

Kəmwetə 3:17 ပူးပေါင်းရင်းမြစ်များ

Matìyò 5:3

“Mbwaʼmə diʼ à viʼi vyi a və zhəʼtə̀ tò a wenə Nyìngòŋ byiʼàndo soʼo fòyn Nyìngòŋ lu ndiʼ à vəwenə.

Matìyò 9:12

Yesò zhʉ kənyʉ̀ a vəwenə gàʼà bwensə̀ bèm à vəwenə la, “Wìʼ a ghə̀ diʼi to kò kəŋ wù kəfʉ. A nə̀ kəŋə tò viʼi vyì a və kwaʼkə.

Ŋwàʼlə̀ Luk 1:53

Ghə̀ zhis li viʼi jɨŋ nə̀ fo jùŋvə, vəwenə zhɨ nkwìʼ alì ndzɨm viʼi a və ko gho kəfo nə̀ avu zɨm ghə̀.

Ŋwàʼlə̀ Luk 6:24

Alì ngəʼ ghoʼo diʼ à ghə̀ŋ viʼi və ghoʼkə və byìʼàndo ghə̀ŋ kiʼi li njùŋ ghə̀ŋ.

Lumans 11:20

Kə diʼ no nəmwèʼè la və tə ə kwàʼtə̀ maʼa vəwenə, a diʼ byìʼì ando vəwenə kò byɨmə, ə wʉ̀sə ghə̀ŋ, a diʼ byìʼì ando ghə̀ŋ byɨmə, ali ghə̀ŋ ko diʼ ə ghaŋsə əwen. Ghə̀ŋ ə mbòŋsə̀ fwàynə̀ Nyìngòŋ,

Lumans 11:25

Kənyʉ̀ kə lyomtəkə kə tsen kə diʼ a ma kəŋ la ghə̀ŋ kɨ a vəlemə vwomə ndi kə nè ko ghə̀ŋ be ghaŋsə əwen. Kənyʉ̀ na kì ə diʼi la viʼi Islel vətsenvə diʼ luwen, to kətʉ ali diʼ ə na ə kwitə ə byɨmə azhʉ̀ a viʼi ətɨm vi a Nyìngòŋ ə tsuʼ tə ə byɨmə li mwetə.

Lumans 12:3

Nyìngòŋ ə kiʼi li ətyɨm ə jùŋə ghə̀ a mò ə ku shyèʼ ə wen la mà ə nè, ma sətsèn ə gàʼ a ghə̀ŋ no və tsèm la, kə ghə̀ŋ ə̀ lyɨ təwen ə təŋtə shəʼmə a nsəʼ, a ghə̀ŋ ko zàʼa tebè tsu. Ghə̀ŋ shiʼsə tə kwoʼtə ə təŋtə ə lyɨ̀ təwen ə təŋtə to ando ghə̀ŋ diʼi. Ghə̀ŋ ə ki təwen ə təŋtə chò fa əbyɨmə yi a ghə̀ ku li a ghə̀ŋ.

Lumans 7:24

Ma diʼ no a ngəʼ! A le gyàmtə̀ shisə ndo mo fa wen ashə a ghə vi nə̀ əpfʉ̀ ə a mò lə a?

2 Bità 1:9

Alì viʼi vyi a və ko tsi a ji na ghèn diʼ to nə̀ viʼi a və fɨfə li, ko və yenə kəfo. Vəwenə diʼ mu və lyesə li la Nyìngòŋ ə nshʉ laynsə vəwenə fa vəwenə a mbyɨsə.

Kəmwetə 16:15

Mà zhʉ ando wìʼ ə gàʼà la, “Ghə̀ŋ zhʉtə a! mà vì a nə̀ tsòŋ. Əsaŋlə ne ə ndiʼ à wìʼ a ghə̀ ŋwʉʼ no a əzhʉ ə̀ kò bvʉ̀tə̀ nə̀ ndisə à wen a wen ndi kə ghə̀ ne jèʼ kənàʼ ntsuʼ a ntìntìn ə̀ viʼi.”

Kəmwetə 2:9

Mà kɨ ngəʼsə shìsə a ghə̀ŋ ə yenə. Mà kɨ la ghə̀ŋ ə femə alì diʼ viʼi vəghoʼ kəvə a kəzhwì. Mà kɨ ənyʉ̀ byɨvə a viʼi a və lyɨ̀ la vəwenə diʼ vəjew alì kèn la vəwenə ghʉ tə ziʼi tə viʼi Jus ə gàʼà byìʼì ghə̀ŋ. Vəwenə diʼ viʼi ə nòyn ə̀ Satan.

Kəmwetə 3:16

Ando ghə̀ŋ diʼ to nə̀ mù a mə ko lɨmə ko mə zhʉ̀ lì, mà a chʉ ghə̀ŋ fà mò əchʉ̀.