Kəmwetə 3:15 - The New Testament in the Babanki language

¹⁵ Mà kɨ təshyèʼ ə̀ təŋtə. Mà kɨ la ghə̀ŋ ə ko lɨ̀mə̀ kò ndiʼ la ghə̀ŋ ə zhʉ̀ à ghə̀ŋ ə byɨmə. Kə yì bòŋ la ghə̀ŋ ə nlɨ̀mə̀ ko ə nzhʉ̀.

Kəmwetə 3:15 ပူးပေါင်းရင်းမြစ်များ

Matìyò 10:37

“A kòŋ no ndo kòŋ tìʼ wen be nə̀ li wen chò to ando ghə̀ nkoŋə mò, mu ghə̀ ko kwʉʼ ə ndiʼ ndzɨ̀mtə̀ bàm ə̀ mò; à ə kòŋ no ndo kòŋ wàyn wen chò ando ghə̀ nkòŋə̀ mò, mu ghə̀ ə ko kwʉʼ ə ndiʼ ndzɨ̀mtə̀ bàm ə̀ mò.

Matìyò 24:12

Nyʉ̀ byɨvə lu nlyɨ̀ kəshi tò a shi no ghoʼo əzaʼa a nsəʼ tsen a viʼi ko be lə ntùʼù kòŋə̀ vətsenvə.

Matìyò 6:24

“Wìʼ ə zi ko ghə̀ lə ə ndìʼ wù ə shyèʼ a viʼi və bò. Kə diʼ ali, a ghə̀ a bàynə̀ ghə̀ mùʼ kòŋ ghə̀ tsen; ali, ghə̀ nə̀ ngumlə̀ əmùʼ to fa əzhʉ. Wù zi ko wu lə shwèʼ a Nyìngòŋ bè shwèʼ a ə ko.

Lumans 12:11

Kə ghə̀ŋ ne bwaʼa. Ghə̀ŋ ə ghàblə̀, shyèʼ a Bobo no nə̀ tətyɨm ə təŋtə no tətsèm.

1 Kolìntyàns 16:22

Wìʼ sətsèn diʼ ke kòŋ Bobo, Ndòyn a wen a kətʉ. Bobo vi a yès!

2 Kolìntyàns 12:20

Ma əfwanə la ma ne vì, ko ghə̀ŋ diʼ ando ma kəŋ la ghə̀ŋ ndiʼ, ə ghə̀ŋ boŋsə yèn mo, ko ma diʼ ando ghə̀ŋ kəŋ la mà ndiʼ. Mà zizi a mà sə vi, ə yen ghə kəngùmə̀ kə diʼ a ghə̀ŋ a ntìntìn, nə̀ kəghəʼ kə, nə̀ tinə fwi, nə̀ kənywi kə, nə̀ gàʼà əbyɨghə, nə̀ kùwòŋ nə̀ əghaŋsə ə wèn, be yen ghə̀ŋ, ghə̀ŋ tsi a kəngəsə kumə tsi to tsi.

Filìbàyns 1:9

Ma jɨ̀mə̀ la əkòŋ ghə̀ŋ a Nyìngòŋ nə yi ghə̀ŋ kiʼ a ghə̀ŋ təwen ə tò dyʉ̀ to nə̀ mbì be jɨ̀mə̀ la ghə̀ŋ kɨ ənyʉ̀ Nyìngòŋ, be kɨ nəkwoŋ fa nyʉ̀ byɨvə benə nyʉ̀ jùŋvə.

2 Tèsàlonyà 1:3

Vəlemə, yès nə̀ ku kəzòŋ a Nyìngòŋ to məzhʉ̀ ə tsèm byìʼì ghə̀ŋ. A diʼ to no kənyʉ̀ kə jùŋ kə a yès ə nè alə byìʼì ando əbyɨmə ə ghəŋə a Yesò ə kwi dyʉ̀ to ambì, ə kòŋ ə ghəŋə be kwi dyʉ̀ to ambì.

1 Bità 1:22

Ghə̀ŋ sə diʼ mù ghə̀ŋ shʉ li tətyɨm təŋtə tə layn byìʼì ando ghə̀ŋ zhʉ̀ li kənyʉ̀ kə Nyìngòŋ kì a kə diʼi nəmwèʼè ə sə kòŋ təwen ə təŋtə. Ghə̀ŋ ə kòŋmə li təwen ə təŋtə to nə̀ vəlemə no nəmwèʼè nə̀ ətyɨm ə muʼ.

Kəmwetə 2:2

Mà kɨ əshyèʼ ə̀ ghəŋə. Mà kɨ li ando ghə̀ŋ ə shwèʼè nə̀ kədyoʼkə bènə̀ jì a ghə̀ŋ ə kə̀ʼtə̀ nə̀ tətyɨm tə zhʉtə fa tsu. Mà kɨ la ghə̀ŋ ə ko ghʉ̀sə viʼi tətyɨm tə byɨtə, be mwòmsə dìʼ laynsə viʼi vyi a vəwenə gàʼà la vəwenə diʼ viʼi ntɨm ə̀ Yesò alì kènla vəwenə diʼ ə yen la vəwenə diʼ viʼi ə ndzɨ̀ŋsə.

Kəmwetə 2:4

alì mà ghàmə̀ ghə̀ŋ a kənyʉ̀ kènkə kə mùʼ lə, la ghə̀ŋ ko bè kòŋə̀ mò ando ghə̀ŋ tə nkòŋə̀ fa mbì.

Kəmwetə 3:1

Nyòʼo à ntsɨ̀ŋ ə̀ ngə̀ŋ Nyìngòŋ a ghə̀ diʼì a ntsèntə̀ viʼi və byɨməvə a Saldìs la: Wìʼ yì a ghə̀ kiʼì əzhwi ə Nyìngòŋ vi sòmbo be kiʼ mədzɨ̀ŋ mì sòmbo gàʼ la, Mà kɨ əshwèʼ ghəŋə. Viʼi ə yenə ghə̀ŋ la ghə̀ŋ dìʼ vəto, alì mu ghə̀ŋ ə pfʉkə li kəzhwì.

Kəmwetə 3:16

Ando ghə̀ŋ diʼ to nə̀ mù a mə ko lɨmə ko mə zhʉ̀ lì, mà a chʉ ghə̀ŋ fà mò əchʉ̀.