Kəmwetə 3:1 - The New Testament in the Babanki language

¹ Nyòʼo à ntsɨ̀ŋ ə̀ ngə̀ŋ Nyìngòŋ a ghə̀ diʼì a ntsèntə̀ viʼi və byɨməvə a Saldìs la: Wìʼ yì a ghə̀ kiʼì əzhwi ə Nyìngòŋ vi sòmbo be kiʼ mədzɨ̀ŋ mì sòmbo gàʼ la, Mà kɨ əshwèʼ ghəŋə. Viʼi ə yenə ghə̀ŋ la ghə̀ŋ dìʼ vəto, alì mu ghə̀ŋ ə pfʉkə li kəzhwì.

Kəmwetə 3:1 ပူးပေါင်းရင်းမြစ်များ

Ŋwàʼlə̀ Luk 15:24

Wyè ghom ghèn dìʼ alə̀ mà tə sə ghʉ tò la ghə̀ bwenə vì.’ Vəwenə mù zìtə̀ sə zhɨ saŋlə.

Ŋwàʼlə̀ Luk 15:32

Kə yì boŋ la mà nè kəzhɨ kə ghoʼkə kèn byiʼàndo, kə tə̀ sə kə̀ʼə̀ la lèmə̀ wù ghèn tə pfʉ, alì ghə̀ sə diʼ a shə̀ luwen diʼ tò no to. Mà tə sə diʼ mu mà ghʉli la ghə̀ leli alì ghə̀ bwènə̀ vi. Wu lè gàʼ a vəghəŋ ko yi ndiʼ saŋlə a?’”

Joyn 1:16

A diʼ fa kusə shinsə wen a ghə̀ diʼ no ghoʼ ə ghoʼ, a ghə̀ ne la vəghəŋ sə kiʼi ə mbwaʼməsə to ghayn a ghayn.

Joyn 1:33

Ma ko tə ndiʼ kɨ wen. Ma tə sə kɨ wen mu ma kɨ to byìʼì kənyʉ̀ ki a Nyìngòŋ tə sə tɨm mo la ma vi əku mu nə̀ mu mə fwàyn ə gàʼ la, ‘Wù lù yen no ndò to ando kəzhwì kə Ŋwoʼkə shiʼi vi nyʉ̀ʼmə faŋ a wen a kətʉ, wù mu kɨ la à diʼ wen yi a ghə̀ vi ə ku mu nə̀ Kəzhwì kə Ŋwoʼkə a viʼi.’

Joyn 20:22

Ghə̀ gàʼ ali ə zhwìsə̀ a vəwenə kətʉ, ə gàʼ la, “Ghə̀ŋ kiʼi kəzhwì kə Ŋwoʼkə.

Joyn 3:34

Wìʼ a ghèn a Nyìngòŋ ə tɨmə lə̀, ə shə̀ʼtə̀ to kənyʉ̀ kə Nyìngòŋ byìʼì ando ghə̀ kù kəzhwì a wen, ku mwètə̀ to mwètə̀.

Shwèʼ 2:33

Ghə̀ mù lyɨ̀ wen ə̀ kùʼsə à wen a shyə kwoŋ ə̀ toghə. Yesò shi kəzhwì kəŋwoʼəkə kì a Tìʼ wen ə̀ nghʉ la ghə̀ lu ku à wen, ə̀ ku kəzhwì akì a ghə̀ŋ ə yenə be zhʉ à yès luwèn.

Efisyàns 2:1

Ghə̀ŋ diʼ alə̀ mu ghə̀ŋ ndi sə ghə̀ phɨkə li a ghə̀ŋ kəzhwì byìʼì mbyɨ nə̀ nyʉ̀ ə byɨvə vyi a ghə̀ŋ nè.

Efisyàns 2:5

No tebe ando yes ə ndiʼ sə vəghəŋ ə mpfʉ li byìʼì mbyɨsə vəghəŋ, ghə̀ nku li ntsìnə̀ a vəghəŋ ando vəghəŋ ndiʼ vəghəŋ və Yesò Klistò. Nyìngòŋ ə bwoŋsə ghə̀ŋ byìʼì ətyɨm ə jùŋə yi a ghə̀ kiʼi.

Kòlòsyàns 2:13

A ndiʼ fa ambì, ghə̀ŋ ndiʼ mù ghə̀ŋ phɨkə li a ghə̀ŋ a mbyɨsə, be diʼ ko andiʼ la və shisə ətyɨm ə byɨghə yi a ghə̀ŋ nkiʼi. Nyìngòŋ ə nè li ghə̀ŋ və Yesò ə bwènsə̀ lù ə sə tsi. Ghə̀ lysə li ku nyʉ̀ ə byɨvə ə vəghəŋ to ə tsèm,

1 Timotì 5:6

Wùwì mphʉ yi a ghə̀ mwòmsə ə nzhɨ tò əwen ə wen sə dìʼ mu kəzhwì kə wen kə pfʉ li no te ando ghə̀ bu jèʼè.

Jems 2:26

Kə mù sə diʼ la ando ə̀ kətsoʼ kə wèn kènə̀ kəzhwì kə diʼ mu kə pfʉ li, à bè dìʼ tò ndə̀ŋndəŋ ando byɨmə kènə̀ shyèʼè diʼ kəmpfʉ kə byɨmə.

1 Bità 1:11

be kəŋ la kəzhwì kə Yesò kì a kə diʼi a vəwenə diʼ zhʉ̀ nə̀ ji yi a Yesò ə ndiʼ lù yenə ngəʼ fa tsù ə be diʼ kədyòʼ kə wen.

Ŋwàʼlə̀ Jud 1:12

Ghə̀ŋ ŋwʉ̀ʼmə ə zhɨ̀ fozhɨvə ntsentə ə ghə̀ŋ, viʼi a venə ə sə diʼ to nə̀ kəməŋkə a ghə̀ŋ a ntìntìn, kò tʉ vəwenə lu ndiʼì. Vəwenə diʼ to nə̀ ntsɨŋsə byisə a vəwenə tuʼmə to nə̀ təwen tə vəwenə. Vəwenə ə diʼ to nə̀ mboʼsə a təfwof tə nə̀ tenə, ə chò ali ko sə lu vi tebè nə̀ ghʉ. Vəwenə dì to nə̀ nkòʼ mə ashɨ a zhʉ kwʉʼʉ, ko mə lu kumə ashɨ. Vəwenə ə diʼ to nə̀ nkòʼ a və tsuʼtə li aghaŋ ayi fa nse, mə pfʉkə.

Kəmwetə 1:11

ə gaʼa la, “Nyòʼo ənyʉ̀ venə a wù yenə lə̀ a tì ŋwàʼlə̀ ə̀ tɨ̀m à ntsèntə̀sə viʼi və byɨməvə shì sòmbo: tɨm a Efesùs, ne Smylna, nə̀ Belgamum, a Tatiliyà, nə̀ Saldìs, nə̀ Fìlàdefìyà bènə̀ a Ladesiyà.”

Kəmwetə 1:16

Ghə̀ ə̀ ndìʼ mu ghə̀ ghàʼa mədzɨ̀ŋ la sòmbo a wen ə kəvu kə kwoŋ ə toghə, nyì ngwoləŋ diʼ a ghə̀ fʉ fà wen ə chʉ̀. Əkə̀ʼ ə wen ə baynə to nə̀ əchʉ zhʉ a zhʉ a chwìchwì ə bayn li ntò.

Kəmwetə 1:20

Əvenə diʼ ənyʉ̀ lyomtəvə a və diʼì byìʼì mədzɨ̀ŋ mèn sòmbo a wù yenə à mo kəvu kəkwoŋ ə toghə bènə̀ əfo venə sòmbo a və tomtə̀ ə̀ nkàʼtə̀ tsu lə̀: Mədzɨ̀ŋ mèn sòmbo dìʼi ntsɨ̀ŋsə ngə̀ŋ Nyìngòŋ a aloʼ ntsèntə̀sə viʼi və byɨməvə yi sòmbo, ə̀fo venə sòmbo a və tomtə̀ ə̀ nkàʼtə̀ tsu diʼ aloʼ ntsèntə̀sə viʼi və byɨməvə yi sòmbo.”

Kəmwetə 1:4

A tɨmə mò ə Joyn tɨmə̀ toŋtə à ghə̀ŋ ə ntsèntə̀sə viʼi və byɨməvə vi sòmbo a mbʉ̀ʼ Asìyà. Boŋə tyɨm bènə̀ mbwaʼmə̀ a ndiʼ à ghə̀ŋ fà Nyìngòŋ yì a ghə̀ diʼ, mu ghə̀ ndìʼ, be diʼ əlù ndiʼ, bènə̀ mbwaʼmə̀ à ghə̀ŋ fà əzhwi vi ə sòmbo a və diʼ a mbì kəfòyn kə̀ Nyìngòŋ.

Kəmwetə 2:13

Mà kɨ kəshi kì a ghə̀ŋ ə tsi tsu. Ghə̀ŋ ə tsi a kəshi a Satan ə soʼo əfòyn ə wen tsu. Ghə̀ŋ dìʼ no nkàyntə̀ viʼi ə vwomə, kènla ghə̀ŋ ə̀ ntɨmə̀ màʼà əbyɨmə à ghə̀ŋ ə kiʼì mò no kətsi kətsenkə. Ghə̀ŋ ə shɨ̀tə̀ ghaʼa əbyɨmə ghəŋə no tè ando və̀ nzhwì Antipàs ə ndzɨ̀mtə̀ bàm ə̀ mò afì à diʼ kəshi a Satan ə soʼo əfòyn ə wen tsu.

Kəmwetə 2:19

Mà kɨ ənyʉ̀ a ghə̀ŋ ə nè, kɨ ə̀kòŋ yi a ghə̀ŋ ə kiʼì be kɨ əbyɨmə ghəŋə, kɨ ando ghə̀ŋ ə shyèʼè à viʼi vətsenvə bènə̀ ə̀ ghaʼa ə tyɨm ghəŋə. Ghə̀ŋ ə shwèʼè luwèn chò ando ghə̀ŋ tə shyèʼè a mbì.

Kəmwetə 2:2

Mà kɨ əshyèʼ ə̀ ghəŋə. Mà kɨ li ando ghə̀ŋ ə shwèʼè nə̀ kədyoʼkə bènə̀ jì a ghə̀ŋ ə kə̀ʼtə̀ nə̀ tətyɨm tə zhʉtə fa tsu. Mà kɨ la ghə̀ŋ ə ko ghʉ̀sə viʼi tətyɨm tə byɨtə, be mwòmsə dìʼ laynsə viʼi vyi a vəwenə gàʼà la vəwenə diʼ viʼi ntɨm ə̀ Yesò alì kènla vəwenə diʼ ə yen la vəwenə diʼ viʼi ə ndzɨ̀ŋsə.

Kəmwetə 2:9

Mà kɨ ngəʼsə shìsə a ghə̀ŋ ə yenə. Mà kɨ la ghə̀ŋ ə femə alì diʼ viʼi vəghoʼ kəvə a kəzhwì. Mà kɨ ənyʉ̀ byɨvə a viʼi a və lyɨ̀ la vəwenə diʼ vəjew alì kèn la vəwenə ghʉ tə ziʼi tə viʼi Jus ə gàʼà byìʼì ghə̀ŋ. Vəwenə diʼ viʼi ə nòyn ə̀ Satan.

Kəmwetə 3:15

Mà kɨ təshyèʼ ə̀ təŋtə. Mà kɨ la ghə̀ŋ ə ko lɨ̀mə̀ kò ndiʼ la ghə̀ŋ ə zhʉ̀ à ghə̀ŋ ə byɨmə. Kə yì bòŋ la ghə̀ŋ ə nlɨ̀mə̀ ko ə nzhʉ̀.

Kəmwetə 3:2

Ghə̀ŋ lukə lì fa mbəynsə ntùʼmə̀ nə̀ əbyɨmə tyetə yi a ghə̀ŋ bù kiʼi, a bwen a lì mu ghə̀ŋ a myètə pfʉkə byìʼàndo mà yen li la əshwèʼ ghəŋə ko kwʉ̀ʼ a shɨ Nyìngòŋ ghom.

Kəmwetə 3:8

Mà kɨ təshyèʼ ə təŋtə. Ghə̀ŋ yen a! mà bòʼò li əchʉ ngə̀ŋ ə nghʉsə à ghə̀ŋ a wìʼ ko zì ghə̀ shwin. Mà kɨ la ghə̀ŋ ə ko tùʼù kiʼ kədyòʼ alì ə nghʉ ə̀soʼ ə ghomə kèn la ghə̀ŋ ə tyen li mò.

Kəmwetə 4:5

Əghʉ mwàntə̀, bwankə̀, gɨsə be fʉ vì fa kəfwoyn kə ghoʼokə kì. Ə̀ nkàʼtə̀ ə̀ mbaynə fa mbì kəfwon ayì sòmbo, andiʼ əzhwi ə Nyìngòŋ ə̀ sòmbo.

Kəmwetə 5:6

Mà yen Bobo Yesò Klistò a ghə̀ ndi to wàyn bi ənjɨ̀, ghə̀ ti a kəshi yì a kəfwon kì ə̀ nti tsu lì mu ə̀fo zhwisəvə vi nə̀ vəchəʼ vi ə nyɨŋ li ə nkaʼ wen. Wàyn bi ənjɨ̀ ayì ə̀ nkìʼ ə ndoŋsə sòmbo bènə̀ ashɨ sòmbo andiʼ əzhwi ə Nyìngòŋ sòmbo a ghə̀ ə̀ ntɨmə̀ a mbi ə̀ tsèm. Wàyn ə̀ bi njɨ̀ ayì ə̀ nkə̀ʼə̀ tò sə və shyə li.