Kəmwetə 22:9 - The New Testament in the Babanki language

⁹ Alì ghə̀ gàʼ a mò la, “kə wù mwomsə! Ma shyèʼ a Nyìngòŋ ə to nə̀ wù nə̀ vəlemə vyə, mu à le nshə̀ʼtə̀ sə ghoʼsə nə̀ viʼi və tsèm vi a və zhʉ ə wʉ̀ nyʉ̀ vyi a və diʼi a ŋwàʼlə̀ ashə. Wu gumlə to Nyìngòŋ!”

Kəmwetə 22:9 ပူးပေါင်းရင်းမြစ်များ

Matìyò 4:9

Ə mù gàʼ a wen la,“Ma ku fo a venə à wù no tsèm a zhʉ a wù gwʉtə alwi wu à mò ashɨ ə kuʼsə mò.”

Ŋwàʼlə̀ Luk 4:7

Wù sətsèn gumlə mò, à ne kiʼ to wù no tsèm.”

1 Joyn 5:20

Vəghəŋ ə̀ bè kɨ la wàyn Nyìngòŋ ə̀ mvi li ə̀ dìʼsə̀ vəghəŋ la vəghəŋ nkɨ Nyìngòŋ yì a ghə̀ diʼì nəmwèʼè. Vəghəŋ sə diʼ a kənyʉ̀ kə mùʼ vəghəŋ və wen yì a ghə̀ diʼì nəmwèʼè bènə̀ wàyn wen ə Yesò Klistò. Ghə̀ dìʼ Nyìngòŋ yì a ghə̀ diʼ nəmwèʼè be diʼ əbwòŋ a ghə̀ ko lu mè.

Kəmwetə 1:1

Ŋwàʼlə̀ ghèn dìʼ byìʼì ənyʉ̀ a Yesò Klistò ə̀ ndìʼi a ndayn. Nyìngòŋ ə̀ nku ənyʉ̀ avenə la ghə̀ diʼ à viʼi shwèʼ ə wen ənyʉ̀ vyi a və sə̀ laʼtə̀ ə fʉ̀. Klistò ə̀ ne Joyn kɨ ənyʉ̀ avenə chò fà ntsɨ̀ŋ ə̀ wen a ghə̀ ntɨmə̀ à Joyn.

Kəmwetə 1:11

ə gaʼa la, “Nyòʼo ənyʉ̀ venə a wù yenə lə̀ a tì ŋwàʼlə̀ ə̀ tɨ̀m à ntsèntə̀sə viʼi və byɨməvə shì sòmbo: tɨm a Efesùs, ne Smylna, nə̀ Belgamum, a Tatiliyà, nə̀ Saldìs, nə̀ Fìlàdefìyà bènə̀ a Ladesiyà.”

Kəmwetə 14:7

Ntsɨ̀ŋ ngə̀ŋ ə̀ Nyìngòŋ ayì ə̀ nzɨmə̀ gàʼà no a gɨ̀ to la, “Ghə̀ŋ ə̀ nghoʼsə̀ Nyìngòŋ byìʼe əzhʉ kwʉʼ li ə ghə̀ soʼ viʼi. Ghə̀ŋ ghoʼsə̀ wen yì a ghə̀ ə̀ nshɨ̀tə̀ kaŋ nə̀ nse nə̀ ə̀mu mə ghoʼomə̀ bènə̀ ashɨ a mu nfʉ fa tsu.”

Kəmwetə 15:4

Tìʼ, a lè à faŋ ndo ke mfànə̀ be ghoʼsə̀ əzhiʼ ə̀ wu a? Adìʼ tò wunyɨŋ diʼ wu ŋwòʼə. Viʼi təloʼ tə tsèm ə lù vi ghoʼsə̀ wù byìʼàndo viʼi vətsèm ə yen li a ndayn la əshyèʼ wu diʼ əshwèʼ ə tɨməghə.”

Kəmwetə 19:10

Mo Joyn shiʼi a nse la ma kəŋə ghoʼsə wen alì ghə̀ gàʼ à mò la, “Kə a mwòm! mà bè dìʼ wù shyèʼ ə̀ Nyìngòŋ to nə̀ wù əboʼsə nə̀ vəlèmə̀ vyə vi a və̀ nshɨ̀tə̀ ghàʼ nəmwèʼè yì a Yesò ə̀ ndiʼì. Ghoʼsə Nyìngòŋ.” Nəmwèʼè ayì a Yesò ə̀ nlù dìʼ a ndayn dìʼ kənyʉ̀ a kə gyàmtə̀ nshə̀ʼtə̀sə sə̀ghoʼkəsə la sə̀ nshə̀ʼtə̀ kənyʉ̀ kə Nyìngòŋ.

Kəmwetə 22:10

Ntsɨŋ Nyìngòŋ na yì ə be gàʼ a mò la, “kə wù lyomtə nyʉ̀ vyi a və gàʼa la və fʉ̀ a ŋwàʼlə̀ ashə a viʼi byìʼì ando zhʉ̀ na yi sə boʼsə.

Kəmwetə 22:18

Nò mò Joyn nə̀ ku kətyiftə no tèbè a ndò yi a ghə̀ zhʉ nyʉ̀ vyi a Nyìngòŋ ə shə̀ʼtə a ŋwàʼlə̀ ashə. A kuʼsə no ndo kənyʉ̀ tsu, a Nyìngòŋ ə kwʉ̀ʼsə ngəʼ sisə a və nyoʼ a ŋwàʼlə̀ na ghèn a wen,

Kəmwetə 22:7

Yesò gàʼ la, “Ghə̀ŋ zhʉtə, ma vi to luwen. Njùŋ nə̀ diʼ a viʼi vyi a və zhʉ ə wʉ̀ nyʉ̀ vyi a və diʼi a ŋwàʼlə̀ ntɨm Nyìngòŋ ə ashə.”

Kəmwetə 4:10

Vəwenə nzhɨmə a lì no zhʉ kò, vəchəʼ vi njʉ̀sə̀ kàʼ a məwum ə̀ mbò laŋtə̀ a shɨ wìʼ yì a ghə̀ ŋwʉʼ a kəfwoyn lì ghoʼsə̀ wen yì a ghə̀ ə diʼì no məzhʉ ə̀ ntsèm. Vəwenə mbe tsuʼtə̀ təsòʼ tə təfòn ə̀ vəwenə tì mòʼò a mbì kəfwon kì zhɨmə ndzàŋ la,

Kəmwetə 9:20

Viʼi vətsenvə vi a ngəʼsə asènsə nko zhwì vəwenə lì, tyen la vəwenə ko a kwitə fà vəwenə mbyɨsə. Vəwenə mfaŋ li sə ghoʼsə̀ tò vədeblə̀ bènə̀ mənyo mì a və shɨtə̀ nə̀ gul nə̀ silva bènə̀ kəkas kətsen a kə bàŋə̀ baŋə, ə̀ shɨ̀tə̀ mətsenə nə̀ ngùʼ, bè shɨ̀tə̀ mətsenə nə̀ nkòʼ, à diʼ ə̀fo və ko yenə shi, ko ə nzhʉ ənyʉ̀ kènla və jèʼè.