Kəmwetə 22:19 - The New Testament in the Babanki language

¹⁹ à fàbtə̀ no ndo kənyʉ̀ a ntìntìn nyʉ̀ na ghèn a və diʼi a ŋwàʼlə̀ ashə, a Nyìngòŋ ə shi ə fə wen ashɨ fəkoʼ yi a ghə̀ fəŋ fa fəkoʼ yi a fə kù bwoŋ be shi tamə kəshi kə wen fa Ntə̀ʼ ə laynə yi a və nyoʼ a ŋwàʼlə̀ ashə.

Kəmwetə 22:19 ပူးပေါင်းရင်းမြစ်များ

Ŋwàʼlə̀ Luk 11:52

“Ngəʼ ghoʼo diʼ à ghə̀ŋ ndìʼsə̀sə təsoʼ, byiʼ ando ghə̀ŋ lyòmtəli kənzàs a kə bòʼò chʉ̀ ngə̀ŋ tof, no nkàyntə̀ ghə̀ŋ ko kwen tsu, bè sə tàmə̀ viʼi vyì a və kəŋ əkwen a ngə̀ŋ tof a ghèn.”

Kəmwetə 1:3

Mbwaʼmə̀ dìʼ à wìʼ yì a ghə̀ dzàŋə̀ ənyʉ̀ venə a Nyìngòŋ ə shə̀ʼtə̀ lə̀. Mbwaʼmə̀ bè dìʼ à viʼi a və zhʉ be nè ənyʉ̀ vyi a və nyòʼò a ŋwàʼlə̀ a shyə̀ byìʼàndo əzhʉ boʼsə li ənyʉ̀ avenə fʉ.

Kəmwetə 11:2

alì kə a shyə̀ʼ fətin fə ngə̀ŋ Nyìngòŋ ə ghoʼo byìʼe və ku li à viʼi ə tɨm la vəwenə tuʼlə̀ byɨ̀sə ntə̀ʼ ŋwoʼə a vəsàŋ njʉ̀sə̀ bò a məwum ə̀ nkàʼ.”

Kəmwetə 13:8

No viʼi vətsèm vi a və̀ntsi a nse ə̀ ndiʼi nghoʼsə̀ wen, andiʼ viʼi vyi a və nko ə̀ nyòʼ təzhiʼ tə vəwenə mibu mbi sə zìtə̀, a ŋwàʼlə̀ ə̀bwòŋ ə̀ wàyn bi ənjɨ̀ yì a və̀ nshyə lì.

Kəmwetə 14:13

Mà bè zhʉ̀ gɨ̀ ghə̀ fʉ vì fa kàŋ gàʼà la, “Nyoʼo kènkə: Əzìtə̀ fa luwèn ə dyʉ̀ nə̀ mbì, əsaŋlə diʼ à no ndò a ghə̀ pfʉ shyèʼè əshwèʼ ə Bobo.” Kəzhwì kəŋwoʼəkə bwènsə̀ gàʼ la, “Nəmwèʼè, əsaŋlə a lutə̀ diʼ à vəwenə. Vəwenə ne zhʉ̀tə̀ fà vəwenə ngəʼsə byìʼàndo əshyèʼ jùŋə ghə̀ vəwenə ne dzɨ̀mtə vəwenə gàʼ à vəwenə.”

Kəmwetə 2:11

No ndo a ghə̀ tofə ghə̀ tùʼù zhʉtə kənyʉ̀ kì a kəzhwì kə ŋwoʼəkə gàʼà à ntsèntə̀sə viʼi və byɨməvə. No ndò a ghə̀ ə soynə ə̀ zhɨ, kò ghə̀ bè lù pfʉ̀ kənkùmtə̀ kə pfʉ a tʉʼ a Nyìngòŋ ə lu soʼ viʼi”.

Kəmwetə 2:26

No ndò a ghə̀ ne soyn ə zhɨ mbyɨ be ə nè əshyèʼ ghomə zaʼa fa kəmwètə, ma ku àdyoʼ à wen ə ghə̀ nsoʼo viʼi mbyi venə.

Kəmwetə 2:7

A ə ntofə tè ndò ghə̀ tùʼù zhʉ̀tə kənyʉ̀ kì a kəzhwì kə ŋwoʼəkə gàʼà à ntsèntə̀sə viʼi və byɨməvə! A sətsèn ə̀ soyn ə̀ zhɨ̀ tè ndò ə̀ zhɨ mbyɨ, mà à nè ghə̀ zhɨ əshɨ fəkòʼ fì a fə ku ə̀bwòŋ a fə kwi a tì sɨm ə̀ Nyìngòŋ.”

Kəmwetə 21:2

Ma mu yen ndo Nyìngòŋ ə tensə Ntə̀ʼ ə laynə andiʼ Jelusalèm ə fi, ghə̀ sə shiʼi vi fa kàŋ mu və shɨtə li làbsɨ wen sə və làbsɨ wùwì la ghə̀ dyʉ̀ yèyn lɨmə wen.

Kəmwetə 21:5

Wìʼ yi a ghə̀ nyʉ̀ʼ a kəkɨ ə fòyn na yi ə mu gàʼ la, “Ghə̀ŋ yen a! Ma na nè ə nyʉ̀ ə tsèm ə bwensə ndiʼ to a fi.” Ghə̀ gàʼa a mò Joyn la, “Nyoʼo nyʉ̀ na venə. Və diʼ to no nəmwèʼè, kwʉ̀ʼʉ̀ ndiʼ no ndo byɨmə.”

Kəmwetə 22:12

Yesò gàʼ la, “Ghə̀ŋ zhʉtə, ma vi to luwen nə̀ əmoʼtə a ghə̀ŋ, diʼ ə ku no tèbè a ndò to ndə̀ŋndəŋ ndo ghə̀ tə nə̀ shyèʼ.

Kəmwetə 22:2

Shiʼi to a ntìntìn ji a ntə̀ʼ ə ghoʼo na yi. A ndiʼ a benə mù na ghèn, nkoʼ mì a mə nə̀ nè viʼi tsi diʼ tsu kumə ashɨ. Fɨko fə mùʼ fə nə̀ kumə ashɨ aghayn njʉ̀sə̀ bò a ngʉ̀ʼ, kumə to zhʉ̀ ə mùʼ a sàŋ. Və nə̀ lyɨ təfʉ ti tə chʉʼʉ to viʼi təloʼ tə tsèm tsu.

Kəmwetə 22:7

Yesò gàʼ la, “Ghə̀ŋ zhʉtə, ma vi to luwen. Njùŋ nə̀ diʼ a viʼi vyi a və zhʉ ə wʉ̀ nyʉ̀ vyi a və diʼi a ŋwàʼlə̀ ntɨm Nyìngòŋ ə ashə.”

Kəmwetə 3:12

A lù soyn ə̀ zhɨ̀ tè ndò ə̀ zhɨ ə mbyɨ, mà lù nè ghə̀ ə ndiʼ a nə̀ ntom a ngə̀ŋ ə̀ Nyìngòŋ ghom ko ndiʼ la ghə̀ be a fʉ̀ fa tsu. Mà lu nyòʼ əzhiʼ ə Nyìngòŋ ghom à wen ə wèn ə be nyòʼ əzhiʼ ə ntə̀ʼ ə ghoʼo ə̀ Nyìngòŋ ə̀ ghom à diʼ kəshi a viʼi və byɨmə və no vətsèm ə lu ntsi a kə shiʼi vì fà Nyìngòŋ ə̀ ghom a kàŋ. Mà be lu nyòʼ əzhiʼ ghomə fighə à wen ə wèn.

Kəmwetə 3:21

No ndò a ghə̀ nè soyn ə̀ zhɨ mbyɨ, ma nè ghə̀ ŋwʉʼʉ ə̀ boʼsə kəfwoyn ə komkə ando nkàyntə̀ mò sə̀ diʼ mu mà ə nsoyn li ə̀ zhɨ mù sə̀ ŋwʉʼ boʼsə kəfwoyn kə Tìʼ ə ghom.