Kəmwetə 22:18 - The New Testament in the Babanki language

¹⁸ Nò mò Joyn nə̀ ku kətyiftə no tèbè a ndò yi a ghə̀ zhʉ nyʉ̀ vyi a Nyìngòŋ ə shə̀ʼtə a ŋwàʼlə̀ ashə. A kuʼsə no ndo kənyʉ̀ tsu, a Nyìngòŋ ə kwʉ̀ʼsə ngəʼ sisə a və nyoʼ a ŋwàʼlə̀ na ghèn a wen,

Kəmwetə 22:18 ပူးပေါင်းရင်းမြစ်များ

Matìyò 15:13

Yesò bwènsə̀ a gàʼà shəʼə ghə̀ a vəwenə la, “Və ne tsuʼ no ghò a ghə̀ kwi kuʼu kènla a wè Tìʼ ghom a kàŋ.

Efisyàns 4:17

Ma gaʼa a ghə̀ŋ a əzhiʼ ə Bobo be kumtə la kə ghə̀ŋ be tsì to nə̀ viʼi ətɨm. Vəwenə kiʼi to təkwòʼtə̀ tə zɨmtə.

1 Tèsàlonyà 4:6

Ma gaʼa la kə wìʼ na nè kənyʉ̀ kəbyɨkə a lèmə̀ wen no faphen. Yes sə diʼ mù yesə ngaʼa li nyʉ̀ venə a ghə̀ŋ ə sə be gàʼa luwen no nə̀ kədyòʼ kə la, Bobo lu ku ngəʼ a viʼi vyi a və tsi ntsìnə̀ ə byɨ na ghèn,

Kəmwetə 1:3

Mbwaʼmə̀ dìʼ à wìʼ yì a ghə̀ dzàŋə̀ ənyʉ̀ venə a Nyìngòŋ ə shə̀ʼtə̀ lə̀. Mbwaʼmə̀ bè dìʼ à viʼi a və zhʉ be nè ənyʉ̀ vyi a və nyòʼò a ŋwàʼlə̀ a shyə̀ byìʼàndo əzhʉ boʼsə li ənyʉ̀ avenə fʉ.

Kəmwetə 15:1

Mà bè yèn kəchwitə kə ghoʼokə kə fànsəkə kətsenkə a kàŋ. Mà ə̀ nyen li ntsɨ̀ŋsə ngə̀ŋ ə̀ Nyìngòŋ la sòmbo, sə kiʼ ngəʼsə sòmbo, andiʼ ngəʼsə shì a sə dìʼì kəmyètə̀ kə tin ə fwi ə̀ Nyìngòŋ.

Kəmwetə 15:6

Mà yen ntsɨ̀ŋsə ngə̀ŋ ə̀ Nyìngòŋ shì sòmbo fʉ̀ ə̀ vì fa ngə̀ŋ Nyìngòŋ ghoʼo yì nə̀ ngəʼsə shì sòmbo. Ntsɨ̀ŋsə ashì ə̀ mòʼo ndisə sə̀ baynə la wəŋ, ə̀ kwiʼ ə̀pfʉ̀sə à vəwenə a dyʉ̀ʼ mu və shɨ̀tə̀ nə̀ gul.

Kəmwetə 19:20

Və ghaʼ nyàm ətoʼ yì wenə̀ nshə̀ʼtə̀ kənlobtə yì a ghə̀ ə̀ ndìʼì əchwitə ndzɨ̀ŋsə lobtə̀ viʼi vyi a və̀ nku əchwitə à vəwenə bènə̀ ə̀vi a və̀ nghoʼsə̀ kənshyə̀ʼsə̀ kə wen à wen ə shɨ lì. Və mòʼ ə̀ shìʼsə vəwenə venə vəbò a nkwòŋ ə̀ zhìʼ mu və we li məkàyn tsu, vəwenə bu diʼ tò vəto.

Kəmwetə 20:10

Luwen və mu maʼ Deblə̀ yi a ghə̀ lobtə vəwenə ati mo əzhiʼ be nə̀ məkàyn. Kəshi a kenkə ndiʼ kəshi a və be moʼ shiʼ sə nə̀ nyam ə toʼ yi wenə nshə̀ʼtə̀sə kənlobtə shisə. Və lu nku ngəʼ a vəwenə nə̀nchwì nə̀ nəchʉʼ zaʼa no fa ze.

Kəmwetə 20:15

Və ə maʼ li no ndo a zhiʼ wen nko diʼ a ti ŋwàʼlə̀ bwoŋ a nkwoŋ zhìʼ.

Kəmwetə 22:10

Ntsɨŋ Nyìngòŋ na yì ə be gàʼ a mò la, “kə wù lyomtə nyʉ̀ vyi a və gàʼa la və fʉ̀ a ŋwàʼlə̀ ashə a viʼi byìʼì ando zhʉ̀ na yi sə boʼsə.

Kəmwetə 22:16

“Nò mò Yesò tɨm li Ntsɨŋ ghom a ghə̀ŋ nə̀ nyʉ̀ venə la ghə̀ŋ shə̀ʼtə̀ a ənoyn ə viʼi və byɨməvə. Ma diʼ mu mà fʉ̀ fa ngwaʼ ə ngə̀ŋ nə̀ Devìt be diʼ fədzɨ̀ŋ fə boʼòngə̀ŋ boʼòngə̀ŋ fifə a fə baynə no nànto.”

Kəmwetə 22:7

Yesò gàʼ la, “Ghə̀ŋ zhʉtə, ma vi to luwen. Njùŋ nə̀ diʼ a viʼi vyi a və zhʉ ə wʉ̀ nyʉ̀ vyi a və diʼi a ŋwàʼlə̀ ntɨm Nyìngòŋ ə ashə.”

Kəmwetə 22:9

Alì ghə̀ gàʼ a mò la, “kə wù mwomsə! Ma shyèʼ a Nyìngòŋ ə to nə̀ wù nə̀ vəlemə vyə, mu à le nshə̀ʼtə̀ sə ghoʼsə nə̀ viʼi və tsèm vi a və zhʉ ə wʉ̀ nyʉ̀ vyi a və diʼi a ŋwàʼlə̀ ashə. Wu gumlə to Nyìngòŋ!”

Kəmwetə 3:14

Ghə̀ bè gàʼ à mò la, “Nyòʼo à ntsɨ̀ŋ ə̀ ngə̀ŋ ə̀ Nyìngòŋ yì a ghə̀ ə diʼì a ntsèntə̀ viʼi və byɨməvə a Ladesiyà la: Ghèn diʼ ə ntɨm a ghə̀ lu fà wìʼ yì a dzàŋə̀ nə̀ Amèyn, à diʼ ə̀ wen diʼ wu jùŋ yì a diʼì wu yen nəmwèʼè byìʼì Nyìngòŋ. Nyìngòŋ ə̀ nshɨ̀tə no ghò a mbi ə chò fà wen.