Kəmwetə 22:14 - The New Testament in the Babanki language

¹⁴ Njùŋ ne diʼ a viʼi vyi a və shʉ̀ ndisə vəwenə, sə laynə, vəwenə ə sə kiʼ kədyòʼ ə phiʼ ashɨ a fəkoʼ yi a ghə̀ kù bwoŋ, be kiʼ kədyòʼ ə chò fa chʉ̀ mbàyn ə kwen a ntə̀ʼ.

Kəmwetə 22:14 ပူးပေါင်းရင်းမြစ်များ

Joyn 10:7

Yesò ə gàʼ ali ə be mu gàʼ ə kwʉ̀ʼsə la, “Ma gaʼa a ghə̀ŋ to no nəmwèʼè la, ma diʼ əchʉ mbàyn yi a byisə chò fa tsu.

Joyn 10:9

Ma diʼ əchʉ mbàyn, mu no ndò a ghə̀ chò fa tsù, mu ghə̀ lu bwòŋ, ali ghə̀ ne chò kwenə, be chò fʉ to ando ghə̀ kòŋ, be kiʼi ə fozhɨvə ə zhɨ.

Joyn 14:15

“Ghə̀ŋ sətsen ə kòŋ mo, ghə̀ŋ a nghʉ̀ təsoʼ ə tyomtə.

Joyn 14:6

Yesò ə gàʼ a wen la, “Ma diʼ ji, diʼ nəmwèʼè, be diʼ əbwòŋ yì a ghə̀ ko lu mè, wìʼ ko diʼ a ghə̀ zizi ghə̀ dyʉ̀ a Bobo, a bwen la ghə̀ chò fa mo kəvu.

Joyn 4:12

A wù le kwòʼtə la wù chò tìʼ ə tìʼ yès ə Jàkob yi a ghə̀ ntyùŋə nkwòŋ a mu a ghèn a yès, a diʼ tò fa nkwòŋ a ghèn a wenə vunə wen nə̀ nyamsə wen sə ə nyʉ mu fa tsu a?”

1 Kolìntyàns 7:19

Ə shɨtə ndyə̀ wìʼ ko ə faŋ ke shɨtə, kə ko kiʼi kənyʉ̀ ə nè. Kənyʉ̀ kə tokə diʼ to ə ghʉ̀ təsoʼ tə Nyìngòŋ.

1 Kolìntyàns 8:9

Ghə̀ŋ tuʼmə, kə ji yi a ghə̀ŋ nè nyʉ̀ fa ghə̀ŋ ngeŋ fa tsu a nè viʼi vyi a əbyɨmə ə vəwenə ə bwaʼa fəŋ a mbyɨ.

1 Kolìntyàns 9:5

A lə diʼ la yès ko kiʼ kədyòʼ ə lyɨ̀ wùwì ə byɨmə a wùwì, ə njèʼè nə̀ wen to ando vəlemə və Bobo nə̀ Sefàs nə̀ viʼi ntɨm vətsenvə mu?

Gàlesìyà 5:6

Kə diʼ alə̀ byìʼì ando vəghəŋ sətsen ə ndiʼ vəghəŋ və Yesò Klistò, kò wìʼ shətə li ndyə̀ wen kò ghə̀ ko shətə, na kì kə ko kiʼi tebè kənyʉ̀ ə nè. Kənyʉ̀ kə tokə diʼ to la, wìʼ na ndiʼi əbyɨmə ə wen chò fa ji a ghə̀ ne koŋə viʼi fa tsu.

1 Joyn 3:3

No tè ndò a ghə̀ ŋwʉʼ ghʉ ətyɨm ə wen à wen ə ghʉ ngə̀ŋ kətʉ ə wen nə̀ laynə no tè ando Klistò ə laynə.

1 Joyn 5:3

Ghenə diʼ əkòŋ ə Nyìngòŋ: la vəghəŋ ghʉ təsoʼ tə wen. Təsoʼ tə wen tə ko to a məghʉ,

Kəmwetə 2:7

A ə ntofə tè ndò ghə̀ tùʼù zhʉ̀tə kənyʉ̀ kì a kəzhwì kə ŋwoʼəkə gàʼà à ntsèntə̀sə viʼi və byɨməvə! A sətsèn ə̀ soyn ə̀ zhɨ̀ tè ndò ə̀ zhɨ mbyɨ, mà à nè ghə̀ zhɨ əshɨ fəkòʼ fì a fə ku ə̀bwòŋ a fə kwi a tì sɨm ə̀ Nyìngòŋ.”

Kəmwetə 21:12

Ghə̀ ə kiʼi to mə mbàyn ə dyefə ə tsèn a və kwiʼ kaʼa, ghə̀ kiʼ təchʉ̀ njʉ̀sə̀ bò, no tèbe əchʉ̀ ə kò ə kiʼ Ntsɨ̀ŋ Nyìngòŋ tsu. A ndiʼ no tèbe achʉ̀ ə kò mu və nyòʼò li zhiʼ ngwaʼngə̀ŋ ə ngə̀ŋ nə̀ viʼi Islel ə mùʼ tsu.

Kəmwetə 21:27

Kəfo kə ko lu kwen tebè ati ntə̀ʼ na ghèn, ko kə laynə. Wìʼ la ghə̀ nè nyʉ̀ kəməŋ kò wìʼ dzɨŋ lu kwen tebè tsu. A lu nə̀ kwen to viʼi vyi a və nyoʼo li təzhiʼ tə vəwenə a ŋwàʼlə̀ əbwòŋ nə̀ We Njɨ̀.

Kəmwetə 22:2

Shiʼi to a ntìntìn ji a ntə̀ʼ ə ghoʼo na yi. A ndiʼ a benə mù na ghèn, nkoʼ mì a mə nə̀ nè viʼi tsi diʼ tsu kumə ashɨ. Fɨko fə mùʼ fə nə̀ kumə ashɨ aghayn njʉ̀sə̀ bò a ngʉ̀ʼ, kumə to zhʉ̀ ə mùʼ a sàŋ. Və nə̀ lyɨ təfʉ ti tə chʉʼʉ to viʼi təloʼ tə tsèm tsu.

Kəmwetə 22:7

Yesò gàʼ la, “Ghə̀ŋ zhʉtə, ma vi to luwen. Njùŋ nə̀ diʼ a viʼi vyi a və zhʉ ə wʉ̀ nyʉ̀ vyi a və diʼi a ŋwàʼlə̀ ntɨm Nyìngòŋ ə ashə.”

Kəmwetə 7:14

Mà bwènsə̀ à wen la, “Ba, à kɨ̀ tò wù.” Ghə̀ mù gàʼ à mò la, “Venə diʼ viʼi a və cho li fa tì ngəʼsə sə̀ fàynsə sə̀. Vəwenə nshʉ li vədàlə və vəwenə ne mənlyuŋ mə wàyn bi ənjɨ̀ və sə fəfə fəfə.