Kəmwetə 22:1 - The New Testament in the Babanki language

¹ Fa yi abàm, Ntsɨŋ Nyìngòŋ na yì ə be diʼ mu mi a mò a ghə̀ kù tsi, ghə̀ baynə to alə to nə̀ kənkàʼtə̀. Mu a mi nə̀ fʉ̀ vi fa kəkɨ kə fòyn Nyìngòŋ ə wenə We Njɨ̀,

Kəmwetə 22:1 ပူးပေါင်းရင်းမြစ်များ

Joyn 13:32

A na ndiʼ ando və yenə kədyòʼ kə Nyìngòŋ chò fa wen, nkàyntə̀ Nyìngòŋ be ne, və be yen kədyòʼ kə wen. Nyìngòŋ a nè, kənyʉ̀ na kènkə zaŋsə fʉ̀.

Joyn 15:26

“Ngyàmtə̀ ne vì, a mà tɨmə ə gaʼa nəmwèʼè kumə mò. Ghə̀ na lu fa ben Tìʼ, a diʼ Kəzhwì kə wen kì a kə gàʼà to nəmwèʼè.

Joyn 4:14

Alì, mu à nyʉ̀ no ndò nyʉ mu mì a ma ku, mu ətoŋ mu ko lu be zɨmə wen. Wìʼ ə sətsen nyʉ mu na mèyn, ma dyʉ̀ kaʼkə ndiʼ a wen a wèn to nə̀ fədyàn fə, ə ne wen la ghə̀ kiʼi ntsìnə̀ yì a ghə̀ ko lu mè.”

Shwèʼ 2:33

Ghə̀ mù lyɨ̀ wen ə̀ kùʼsə à wen a shyə kwoŋ ə̀ toghə. Yesò shi kəzhwì kəŋwoʼəkə kì a Tìʼ wen ə̀ nghʉ la ghə̀ lu ku à wen, ə̀ ku kəzhwì akì a ghə̀ŋ ə yenə be zhʉ à yès luwèn.

Kəmwetə 1:1

Ŋwàʼlə̀ ghèn dìʼ byìʼì ənyʉ̀ a Yesò Klistò ə̀ ndìʼi a ndayn. Nyìngòŋ ə̀ nku ənyʉ̀ avenə la ghə̀ diʼ à viʼi shwèʼ ə wen ənyʉ̀ vyi a və sə̀ laʼtə̀ ə fʉ̀. Klistò ə̀ ne Joyn kɨ ənyʉ̀ avenə chò fà ntsɨ̀ŋ ə̀ wen a ghə̀ ntɨmə̀ à Joyn.

Kəmwetə 21:11

Ntə̀ʼ na ghèn nə̀ kiʼi əbayn ə ghoʼoghə Nyìngòŋ. Ntə̀ʼ na yi nə̀ baynə baynə boŋ to nə̀ ngùʼ ə nyemə ə tsen və toŋtə la jasɨbà be baynə chò tèbè kənkàʼtə̀.

Kəmwetə 21:6

Ghə̀ ngaʼa li mbe gaʼa a mò la, “Ənyʉ̀ ə tsèm ə kuʼu li! Ma diʼ Alfà be diʼ Omegà, mu à lə kəzìtə̀ nə̀ kəmwètə kə nyʉ̀ ə tsèm. Ma na ku mu no tèbè a ndò yi a ətoŋ mu nə̀ zɨmtə wen, a ghə̀ nyʉ ə faŋ kò ghə̀ lə lòʼ kəfo. Mu na mèyn ə na fʉ̀ fa, ə ghoʼomə yi a ghə̀ nè viʼi tsi.

Kəmwetə 21:9

Ntsɨŋ Nyìngòŋ ə tsen fa ti ətsɨŋsə Nyìngòŋ shì sòmbo a sə nkiʼi əkaŋ vi sòmbo mu və lwinsə li nə̀ ngəʼ sə kəmwetə sisə tsu sòmbo li ə vi gàʼ a mò la “Vi, mà diʼ wùwì We Njɨ̀ a wù a diʼ ntsèntə̀sə viʼi vəbyɨmə və”

Kəmwetə 22:17

Kəzhwì kə Ŋwoʼkə wenə Wi We Njɨ̀ nə̀ gàʼa la, “Vi a Bobo Yesò.” Nò ndo yi a ghə̀ zhʉ kənyʉ̀ kènkə nə̀ diʼ to mə ə gàʼ la, “Vi a Bobo Yesò.” Ətoŋ a mu nə̀ zɨmtə no ndo, ghə̀ vi. Ghə̀ nə̀ koŋə, ghə̀ shi mu mì a mə nè viʼi tsi ko andiʼ la ghə̀ loʼ no kəfo.

Kəmwetə 22:6

Ntsɨŋ Nyìngòŋ ayi ə mu gàʼ a mò la, “Ənyʉ̀ venə a mà gàʼa lə ne diʼ to no nəmwèʼè, kwʉ̀ʼʉ̀ ando no ndo byɨmə. Bobo Nyìngòŋ yi a ghə̀ kù kəzhwì kə wen a nshə̀ʼtə̀ sə ghoʼsə tɨmə Ntsɨŋ Nyìngòŋ la ghə̀ diʼ nyʉ̀ vyi a və sə kəŋ ə fʉ̀ a viʼi və shyèʼ və nə̀ Nyìngòŋ ndiʼ vəwenə nə̀ kɨ.”

Kəmwetə 3:21

No ndò a ghə̀ nè soyn ə̀ zhɨ mbyɨ, ma nè ghə̀ ŋwʉʼʉ ə̀ boʼsə kəfwoyn ə komkə ando nkàyntə̀ mò sə̀ diʼ mu mà ə nsoyn li ə̀ zhɨ mù sə̀ ŋwʉʼ boʼsə kəfwoyn kə Tìʼ ə ghom.

Kəmwetə 5:13

Mà zhʉ no tè ghò a ghə̀ diʼì a kàŋ nə̀ a nse nə̀ a loʼ ə̀ vəmpfʉ və nse nə̀ a mù mə nghoʼomə̀ bènə̀ a mbi ə̀ tsèm zhɨmə la, “Ə wen yì a ghə̀ ŋwʉʼ a kəfwon bènə̀ wàyn bi ənjɨ̀, və diʼ əbwaʼsə̀ ghə̀ŋ, gumlə̀ ghə̀ŋ, ghoʼsə̀ ghə̀ŋ nə̀ kədyòʼ no məzhʉ ə̀ ntsèm.”

Kəmwetə 5:6

Mà yen Bobo Yesò Klistò a ghə̀ ndi to wàyn bi ənjɨ̀, ghə̀ ti a kəshi yì a kəfwon kì ə̀ nti tsu lì mu ə̀fo zhwisəvə vi nə̀ vəchəʼ vi ə nyɨŋ li ə nkaʼ wen. Wàyn bi ənjɨ̀ ayì ə̀ nkìʼ ə ndoŋsə sòmbo bènə̀ ashɨ sòmbo andiʼ əzhwi ə Nyìngòŋ sòmbo a ghə̀ ə̀ ntɨmə̀ a mbi ə̀ tsèm. Wàyn ə̀ bi njɨ̀ ayì ə̀ nkə̀ʼə̀ tò sə və shyə li.

Kəmwetə 7:17

byìʼàndo wàyn bi njɨ̀ yì a ghə̀ ŋwʉʼ a tì kəshi kə kəfwoyn ne ndiʼ ntsɨ̀ŋ ə̀ vəwenə. Ghə̀ ne lyɨ̀ vəwenə dyʉ̀ nə̀ vəwenə ashi a mu mi a ku əbwòŋ ko mə lu nzɨmə. Nyìngòŋ be tì məshɨ mə vəwenə no ntsèm fà vəwenə ashɨ.”