Kəmwetə 21:5 - The New Testament in the Babanki language

⁵ Wìʼ yi a ghə̀ nyʉ̀ʼ a kəkɨ ə fòyn na yi ə mu gàʼ la, “Ghə̀ŋ yen a! Ma na nè ə nyʉ̀ ə tsèm ə bwensə ndiʼ to a fi.” Ghə̀ gàʼa a mò Joyn la, “Nyoʼo nyʉ̀ na venə. Və diʼ to no nəmwèʼè, kwʉ̀ʼʉ̀ ndiʼ no ndo byɨmə.”

Kəmwetə 21:5 ပူးပေါင်းရင်းမြစ်များ

Ŋwàʼlə̀ Luk 5:38

Və diʼi wye məlyʉ̀ʼ mə mfimə̀ a vəsaʼ və fivə.

2 Kolìntyàns 5:17

Wìʼ sətsèn ndiʼ wenə Yesò a kənyʉ̀ kə muʼ, mu ghə̀ sə diʼ wu fi, mu ntsìnə̀ mu wen ə mè li, ghə̀ sə kiʼi ghə̀ fi.

Hibùlù 12:27

Ə gàʼ la ghə̀ be na nə̀ʼə̀ kuʼsə no tèbe nə ghò a ghə̀ shɨtə və fəŋ kə kù ji a əfo vi a və zizi ko və lu nə̀ʼkə̀.

Kəmwetə 1:11

ə gaʼa la, “Nyòʼo ənyʉ̀ venə a wù yenə lə̀ a tì ŋwàʼlə̀ ə̀ tɨ̀m à ntsèntə̀sə viʼi və byɨməvə shì sòmbo: tɨm a Efesùs, ne Smylna, nə̀ Belgamum, a Tatiliyà, nə̀ Saldìs, nə̀ Fìlàdefìyà bènə̀ a Ladesiyà.”

Kəmwetə 1:19

Luwèn, nyòʼo ənyʉ̀ a wù yenə, ə̀vi a və fʉ̀ luwèn bènə̀ vi a və ne ə mfʉ̀ ə zìtə̀ fa luwèn.

Kəmwetə 19:9

Ntsɨ̀ŋ ngə̀ŋ Nyìngòŋ mù gàʼ à mò la, “Nyoʼo kənyʉ̀ kènkə la, ‘Njùŋ dìʼ à viʼi vyi a və laʼà la vəwenə vi ə̀ zhɨ əlam ə wàyn bi ənjɨ̀.’” Ghə̀ bè gàʼ à mò la, “əgàʼ ghenə lù fà Nyìngòŋ, diʼ nəmwèʼè.”

Kəmwetə 20:11

Luwen ma mu yen Nyìngòŋ ghə̀ ŋwʉʼ a kəfwoyn kəfəfəkə. Ando ghə̀ fʉ a dayn, əkaŋ wenə nsə ə nsoməli dyʉ̀ to ghayn əmuʼ.

Kəmwetə 22:19

à fàbtə̀ no ndo kənyʉ̀ a ntìntìn nyʉ̀ na ghèn a və diʼi a ŋwàʼlə̀ ashə, a Nyìngòŋ ə shi ə fə wen ashɨ fəkoʼ yi a ghə̀ fəŋ fa fəkoʼ yi a fə kù bwoŋ be shi tamə kəshi kə wen fa Ntə̀ʼ ə laynə yi a və nyoʼ a ŋwàʼlə̀ ashə.

Kəmwetə 22:6

Ntsɨŋ Nyìngòŋ ayi ə mu gàʼ a mò la, “Ənyʉ̀ venə a mà gàʼa lə ne diʼ to no nəmwèʼè, kwʉ̀ʼʉ̀ ando no ndo byɨmə. Bobo Nyìngòŋ yi a ghə̀ kù kəzhwì kə wen a nshə̀ʼtə̀ sə ghoʼsə tɨmə Ntsɨŋ Nyìngòŋ la ghə̀ diʼ nyʉ̀ vyi a və sə kəŋ ə fʉ̀ a viʼi və shyèʼ və nə̀ Nyìngòŋ ndiʼ vəwenə nə̀ kɨ.”

Kəmwetə 4:2

Tò a zhʉ ayì, kəzhwì kə ŋwoʼəkə vì à mò Joyn, mà yen kəfwoyn a kàŋ wìʼ ŋwʉʼ tsu,

Kəmwetə 4:9

Ə̀fo zhwisəvə avenə nzhɨmə ndzàŋsə ku əghoʼsə, nə̀ gumlə bènə̀ kəzòŋ à wìʼ yì a ghə̀ ŋwʉʼ a kəfwoyn yì, ə̀wen yì a ghə̀ diʼì no məzhʉ ə̀ ntsèm.

Kəmwetə 5:1

Mà bè yèn əbʉʼ ŋwàʼlə̀ a və lèmə̀ a kəvu kə kwoŋ ə toghə wìʼ yì a ghə̀ ə̀ ŋwʉʼ a kəfwon lì mu və nyòʼò li tsu no məshyə̀ ə̀ ntsèm. Əbʉʼ ŋwàʼlə̀ ayi ə̀ ndìʼ mu və shwinə̀ li nə̀ mɨ̀ŋ ə̀ shi sòmbo fà yi təchʉ̀.