Kəmwetə 21:4 - The New Testament in the Babanki language

⁴ Ghə̀ lu chì məshɨ no ə tsèm fa ashɨ nə̀ vəwenə ko pfʉ ə na be ndiʼ. Wìʼ ko bè diʼ lu kusə tebè shɨnsə, ko ghə̀ di, ko kəfòkə ə be zàfə tebè wìʼ byìʼì ando nyʉ̀ ə muvə chò li.”

Kəmwetə 21:4 ပူးပေါင်းရင်းမြစ်များ

Matìyò 24:35

Kàŋ wenə̀ nse lu chò alì kènla no kənyʉ̀ kə mùʼ fa tì nyʉ̀ venə a ma gàʼà lə̀ lu kwitə.”

1 Kolìntyàns 15:26

Wù kəbàyn wen ə yi a ghə̀ lu byɨsə a kəmwetə a diʼ əpfʉ̀.

1 Kolìntyàns 7:31

Viʼi vyi a və shyèʼ nə̀ əfo nse diʼ ə ndiʼ to sə və ko kiʼ kənyʉ̀ kumə əfo a vyi. Ma gàʼà alə̀ byìʼì ando əfo vyi a və diʼi a mbyi luwen chò chò.

2 Kolìntyàns 5:17

Wìʼ sətsèn ndiʼ wenə Yesò a kənyʉ̀ kə muʼ, mu ghə̀ sə diʼ wu fi, mu ntsìnə̀ mu wen ə mè li, ghə̀ sə kiʼi ghə̀ fi.

2 Kolìntyàns 6:17

A le kənyʉ̀ ki a Bobo ə gàʼa la: “Ghə̀ŋ fʉ̀ vi fa a ntìntìn ə viʼi və byɨvə ə nti nəkwoŋ. Kə ghə̀ŋ kumə kəfo kì a kə ko diʼ kəfo kə ŋwoʼkə, ndi mà shisə ghə̀ŋ,

Hibùlù 12:27

Ə gàʼ la ghə̀ be na nə̀ʼə̀ kuʼsə no tèbe nə ghò a ghə̀ shɨtə və fəŋ kə kù ji a əfo vi a və zizi ko və lu nə̀ʼkə̀.

2 Bità 3:10

Alì Nyìngòŋ lu bvɨtə vì a kətsi a wìʼ ko ə kɨ, to nə̀ tsòŋ. A lu ndiʼ a kətsi na yi, kəfo kə zɨ̀mə fa kàŋ, ə kàŋ sàm, ə zhiʼi ə nyʉʼ no tèbe ghò yi a ghə̀ diʼi tsu, nse be mè boʼsə no tèbe nə̀ ghò yi a ghə̀ diʼi tsu.

1 Joyn 2:17

Mbi ə chò cho ə boʼsə nə̀ fo vi a viʼi nyɨŋə fà yi bàm. Alì wìʼ yì a ghə̀ nè tò ando Nyìngòŋ ə kəŋə lu faŋ tò ghayn ə̀ mùʼ.

Kəmwetə 20:13

Luwen, viʼi a və npfʉkə li a mù ə fʉli ə tɨmə Nyìngòŋ be soʼo vəwenə, ndə̀ŋndəŋ ando əpfʉ nə̀ loʼ vəmpfʉvə nse mbe ku viʼi a və npfʉkə li la Nyìngòŋ soʼo vəwenə a nyʉ̀ a vəwenə ə nè.

Kəmwetə 20:14

Luwen və mu moʼ əpfʉ nə̀ loʼ və mpfʉvənsə a nkwoŋ zhiʼ. Nkwoŋ ə zhiʼ a ghèn ndiʼ kənkùmtə̀ kəpfʉ.

Kəmwetə 21:1

Fa əbàm nyʉ̀ na ghèn, ma yenə əkaŋ ə fìghə nə̀ nse ə fi mu əkaŋ ə mbì nə̀ nse ə mbì sə diʼ mù ghə̀ tə mè, boʼsə no nə̀ fwaynə ə ghoʼo ghə̀.

Kəmwetə 22:3

Nò tèbe gho yi a Nyìngòŋ ə sə diʼ mù ghə̀ telə li ko lu ndiʼ tebè a ntə̀ʼ na yi. Kətsi kə fòyn Nyìngòŋ ə nə̀ ə ndiʼ a ntə̀ʼ na ghèn, We njɨ̀ ə boŋ diʼ. Viʼi və shyèʼ və Nyìngòŋ ə lu nə̀ gumlə Nyìngòŋ a ntə̀ʼ na ghèn.

Kəmwetə 7:17

byìʼàndo wàyn bi njɨ̀ yì a ghə̀ ŋwʉʼ a tì kəshi kə kəfwoyn ne ndiʼ ntsɨ̀ŋ ə̀ vəwenə. Ghə̀ ne lyɨ̀ vəwenə dyʉ̀ nə̀ vəwenə ashi a mu mi a ku əbwòŋ ko mə lu nzɨmə. Nyìngòŋ be tì məshɨ mə vəwenə no ntsèm fà vəwenə ashɨ.”