Kəmwetə 21:3 - The New Testament in the Babanki language

³ Ma be zhʉ ghɨ ə to ə tsen ando ghə̀ fʉ̀ vi fa kəkɨ təfòyn ayi, ghə̀ gàʼ a mò la, “Yen a, Nyìngòŋ ə na ntsi wenə viʼi luwen. Ghə̀ na diʼ wenə vəwenə, vəwenə diʼ viʼi wen. Nyìngòŋ no fa wen a ngeŋ na diʼ wenə vəwenə.

Kəmwetə 21:3 ပူးပေါင်းရင်းမြစ်များ

Joyn 1:14

Ntɨm Nyìngòŋ na ghèn ə kaʼkə li sə diʼ wìʼ, ə vi tsitə a vəghəŋ a ntìntìn. Yès ə yen li kədyòʼ kə kaynəkə ə wen, kədyòʼ a ghə̀ kiʼi to nə̀ wàyn Nyìngòŋ a ghə̀ diʼ to əmùʼ li. Ghə̀ nlù fa ben ə Bobo ə vi kiʼi kusə nshinsə no mwènmwèn nə̀ no tèbe a ghò yi a ghə̀ diʼ nəmwèʼè kumə Nyìngòŋ.

Joyn 14:23

Yesò ə bwensə a wen la, “No ndò a ghə̀ kòŋə mo, ghə̀ ne zhʉ əziʼi ə ghomə. Wìʼ yi kòŋ mo, Tìʼ ghom be a kòŋ wen, yo wen be vi tsèntə tsi yo wìʼ na yì.

2 Kolìntyàns 6:16

Ngə̀ŋ Nyìngòŋ ə ko kiʼi kənyʉ̀ ə nè wenə nshəʼsə. Ghə̀ŋ kɨli la vəghəŋ diʼ tò nə̀ ngə̀ŋ Nyìngòŋ yi a ghə̀ tsi, to ndə̀ŋndəŋ ando ghə̀ ngàʼa li la: “Mà ne ntsi a vəwenə a ntìntìn, diʼ yo vəwenə; Mà na diʼ Nyìngòŋ ə vəwenə, vəwenə diʼ viʼi vwomə.”

2 Kolìntyàns 6:18

ə ndiʼ Tìʼ a ghə̀ŋ, ghə̀ŋ diʼ vunə vwomə. A gàʼà Bobo, ə Tìʼ adyòʼ no tsèm.”

1 Tèsàlonyà 3:11

Yes ə jɨ̀mə̀ la Nyìngòŋ ə vəghəŋ, ə Ti fa wen a ngeŋ wenə Bobo vəghəŋ Yesò nè la kə kənyʉ̀ kə taʼsə la kə yo wen vi yen ghə̀ŋ.

Hibùlù 11:16

Vəwenə boŋsə kəŋ əloʼ a ghə̀ boŋ chò ə loʼ a yi, à diʼ lòʼ əkaŋ. Vəwenə toŋtə Nyìngòŋ la Nyìngòŋ ə vəwenə, ko Nyìngòŋ ə be diʼsə̀ kətʉ. Vəghəŋ ə kɨ alə̀ byìʼì ando ghə̀ sə diʼ mù ghə̀ shɨtə li ntə̀ʼ a vəwenə akàŋ.

Hibùlù 8:10

Məkàyn mèyn ando mà a zhɨ̀ yo viʼi Islel luwen diʼ la: Ma a ghʉ̀ təsoʼ ə tyomtə a vəwenə tətyɨm ə be nyoʼ təsoʼ a titə a vəwenə təkwòʼtə̀. Ma a ndiʼ Nyìngòŋ ə vəwenə, vəwenə diʼ viʼi vwomə.

Hibùlù 8:2

Ghə̀ shyèʼ akəshi, a kə laynə kwʉ̀ʼ, a diʼ to no ngə̀ŋ Nyìngòŋ akàŋ a Bobo bwòmə ko ndiʼ la à bwòm viʼi.

Kəmwetə 10:4

A ndìʼ ando əghʉ aghenə mbwankə, mà sə̀ kəŋ ənyòʼ kənyʉ̀ a ghə̀ ngaʼà alì ə̀ zhʉ̀ gɨ̀ ghə̀ gàʼà shiʼi fa kàŋ la, “Lyòmtə̀ nyʉ̀ vyi a əghʉ bwankəghə ghenə gaʼà aghayn ə sòmbo lə̀, kə a nyòʼ.”

Kəmwetə 10:8

Fà yi bàm, mà zhʉ̀ gɨ̀ yì a ghə̀ yì gàʼ à mò fa kàŋ lì ghə̀ bè gàʼ à mò la, “Dyʉ̀ ə̀ shì ŋwàʼlə̀ yì a ghə̀ diʼì a kəvu ntsɨ̀ŋ ngə̀ŋ ə̀ Nyìngòŋ a ghə̀ ti a mu be ti a nse mu və bòʼò li lì.”

Kəmwetə 12:10

Fà yì a bàm, mà zhʉ gɨ̀ ə to ghə̀ gàʼ ə̀ vì fa kàŋ la, “Ə̀bwòŋ nə̀ kədyòʼ nə̀ ə̀soʼ ə fòyn ə Nyìngòŋ ə̀ vəghəŋ bènə̀ àdyoʼ Klistò ə vi li luwèn byìʼàndo və moʼ li ə̀ shiʼsə̀ wen yì a ghə̀ tə nti a shɨ ə̀ Nyìngòŋ vəghəŋ ghàmə̀ vəlèmə̀ və vəghəŋ nə̀nchwì nə̀ nəntʉʼʉ lì.

Kəmwetə 21:7

A sòyn zhɨ no ndo mbyɨ a mà ku mu na mèyn a wen ə ndiʼ Nyìngòŋ ə wen, ghə̀ diʼ wàyn a mò.

Kəmwetə 22:3

Nò tèbe gho yi a Nyìngòŋ ə sə diʼ mù ghə̀ telə li ko lu ndiʼ tebè a ntə̀ʼ na yi. Kətsi kə fòyn Nyìngòŋ ə nə̀ ə ndiʼ a ntə̀ʼ na ghèn, We njɨ̀ ə boŋ diʼ. Viʼi və shyèʼ və Nyìngòŋ ə lu nə̀ gumlə Nyìngòŋ a ntə̀ʼ na ghèn.

Kəmwetə 7:15

A lə̀ kənyʉ̀ a vəwenə ti a shɨ kəfwoyn kə Nyìngòŋ, shyèʼè à wen nə̀nchwì bènə̀ nəntʉʼʉ à wen ə tì ngə̀ŋ. Wìʼ yì a ghə̀ ŋwʉʼ a kəfwoyn ne ndiʼ wenə̀ vəwenə, kɨ̀ŋtə̀ vəwenə.