Kəmwetə 21:2 - The New Testament in the Babanki language

² Ma mu yen ndo Nyìngòŋ ə tensə Ntə̀ʼ ə laynə andiʼ Jelusalèm ə fi, ghə̀ sə shiʼi vi fa kàŋ mu və shɨtə li làbsɨ wen sə və làbsɨ wùwì la ghə̀ dyʉ̀ yèyn lɨmə wen.

Kəmwetə 21:2 ပူးပေါင်းရင်းမြစ်များ

Joyn 3:29

Wùwì ə lam nə̀ dyʉ̀ to a lɨmə wùwì. Wùndoŋ ə lɨmə wùwì yì a ghə̀ gyàmtə̀ wen nə̀ jèʼè to a wen a ntɨm, saŋlə no nànto a zhʉ a ghə̀ zhʉ ando lɨmə wùwì ə gàʼà. A lə ndə̀ŋndəŋ ji yì a ma saŋlə fa tsu luwen. Saŋlə ə ghomə ə diʼ luwen, mu ghə̀ lwin li nkwʉʼ.

2 Kolìntyàns 11:2

Ghə̀ŋ ə̀ kɨ la ma shɨmtə ghə̀ŋ no nànto ndə̀ŋndəŋ to ando Nyìngòŋ ə shɨmtə. Mà sə diʼ mù ma fas li ə ku ghə̀ŋ a lɨm, a diʼ Yesò, kəŋ la kə ghə̀ŋ ne nkiʼ əmbyɨ no fa mpfen azhʉ̀ a ma kù ghə̀ŋ a wen.

Hibùlù 11:10

Ablaham ə̀ nki dyʉ̀sə nə̀ ntə̀ʼ yi a Nyìngòŋ ə nlyɨ̀ əzhʉ̀ ə bwòm ə kuʼsə, ghə̀ diʼ mù ghə̀ zizi ko ghə̀ lu fəŋ.

Hibùlù 11:16

Vəwenə boŋsə kəŋ əloʼ a ghə̀ boŋ chò ə loʼ a yi, à diʼ lòʼ əkaŋ. Vəwenə toŋtə Nyìngòŋ la Nyìngòŋ ə vəwenə, ko Nyìngòŋ ə be diʼsə̀ kətʉ. Vəghəŋ ə kɨ alə̀ byìʼì ando ghə̀ sə diʼ mù ghə̀ shɨtə li ntə̀ʼ a vəwenə akàŋ.

Hibùlù 12:22

Ghə̀ŋ kɨ li la ghə̀ŋ boŋsə li ə nvi ntɨmə a ben phèn ə Zayòn, a ntə̀ʼ Nyìngòŋ yi a ghə̀ tsi. Ntə̀ʼ na ghèn ndiʼ ntə̀ʼ Jelusalèm yì a ghə̀ diʼ akàŋ, ətsɨŋsə Nyìngòŋ sə diʼ tsu, və taŋ le.

Hibùlù 13:14

Vəghəŋ nkɨ la ntə̀ʼ ə tsen ko diʼ a mbyi ashə a vəghəŋ lu tsì fàŋ tsu. Vəghəŋ bo ki dyʉ̀sə nə̀ ntə̀ʼ yi a diʼ ghə̀ vəghəŋ a vəghəŋ ə bo lu kwen tsu ghə̀ bo diʼ ə na vì vi.

Kəmwetə 1:1

Ŋwàʼlə̀ ghèn dìʼ byìʼì ənyʉ̀ a Yesò Klistò ə̀ ndìʼi a ndayn. Nyìngòŋ ə̀ nku ənyʉ̀ avenə la ghə̀ diʼ à viʼi shwèʼ ə wen ənyʉ̀ vyi a və sə̀ laʼtə̀ ə fʉ̀. Klistò ə̀ ne Joyn kɨ ənyʉ̀ avenə chò fà ntsɨ̀ŋ ə̀ wen a ghə̀ ntɨmə̀ à Joyn.

Kəmwetə 1:4

A tɨmə mò ə Joyn tɨmə̀ toŋtə à ghə̀ŋ ə ntsèntə̀sə viʼi və byɨməvə vi sòmbo a mbʉ̀ʼ Asìyà. Boŋə tyɨm bènə̀ mbwaʼmə̀ a ndiʼ à ghə̀ŋ fà Nyìngòŋ yì a ghə̀ diʼ, mu ghə̀ ndìʼ, be diʼ əlù ndiʼ, bènə̀ mbwaʼmə̀ à ghə̀ŋ fà əzhwi vi ə sòmbo a və diʼ a mbì kəfòyn kə̀ Nyìngòŋ.

Kəmwetə 1:9

Mà dìʼ Joyn ə lèmə̀ ghə̀ŋ. Vəghəŋ ə viʼi və byɨməvə à Yesò ə tsèntə̀ yenə ngəʼ alì ghaʼa ətyɨm, kə̀ʼtə̀ ə lu ndiʼ a kəshi kə fòyn ə Nyìngòŋ. Və nghʉ̀ mo a fəŋ ə̀ Batmòs byìʼàndo mà ə̀ nshə̀ʼtə̀ ntɨm ə̀ Nyìngòŋ be shə̀ʼtə̀ ənyʉ̀ nəmwèʼè vi a Yesò ə̀ ndiʼi a ndayn.

Kəmwetə 11:2

alì kə a shyə̀ʼ fətin fə ngə̀ŋ Nyìngòŋ ə ghoʼo byìʼe və ku li à viʼi ə tɨm la vəwenə tuʼlə̀ byɨ̀sə ntə̀ʼ ŋwoʼə a vəsàŋ njʉ̀sə̀ bò a məwum ə̀ nkàʼ.”

Kəmwetə 21:10

Kəzhwì kə Ŋwoʼkə be ghaʼ kwoʼtə ə ghomə, Ntsɨŋ Nyìngòŋ na yì ə lyɨ̀ kuʼ nə̀ mò akwi phèn ə tsen, ghə̀ dyef to alə, ə diʼ Jelusalèm a mò, mu à le Ntə̀ʼ ə laynə a ghə̀ lù fa kàŋ ə sə shiʼi vi.

Kəmwetə 21:9

Ntsɨŋ Nyìngòŋ ə tsen fa ti ətsɨŋsə Nyìngòŋ shì sòmbo a sə nkiʼi əkaŋ vi sòmbo mu və lwinsə li nə̀ ngəʼ sə kəmwetə sisə tsu sòmbo li ə vi gàʼ a mò la “Vi, mà diʼ wùwì We Njɨ̀ a wù a diʼ ntsèntə̀sə viʼi vəbyɨmə və”

Kəmwetə 22:17

Kəzhwì kə Ŋwoʼkə wenə Wi We Njɨ̀ nə̀ gàʼa la, “Vi a Bobo Yesò.” Nò ndo yi a ghə̀ zhʉ kənyʉ̀ kènkə nə̀ diʼ to mə ə gàʼ la, “Vi a Bobo Yesò.” Ətoŋ a mu nə̀ zɨmtə no ndo, ghə̀ vi. Ghə̀ nə̀ koŋə, ghə̀ shi mu mì a mə nè viʼi tsi ko andiʼ la ghə̀ loʼ no kəfo.

Kəmwetə 22:19

à fàbtə̀ no ndo kənyʉ̀ a ntìntìn nyʉ̀ na ghèn a və diʼi a ŋwàʼlə̀ ashə, a Nyìngòŋ ə shi ə fə wen ashɨ fəkoʼ yi a ghə̀ fəŋ fa fəkoʼ yi a fə kù bwoŋ be shi tamə kəshi kə wen fa Ntə̀ʼ ə laynə yi a və nyoʼ a ŋwàʼlə̀ ashə.

Kəmwetə 3:12

A lù soyn ə̀ zhɨ̀ tè ndò ə̀ zhɨ ə mbyɨ, mà lù nè ghə̀ ə ndiʼ a nə̀ ntom a ngə̀ŋ ə̀ Nyìngòŋ ghom ko ndiʼ la ghə̀ be a fʉ̀ fa tsu. Mà lu nyòʼ əzhiʼ ə Nyìngòŋ ghom à wen ə wèn ə be nyòʼ əzhiʼ ə ntə̀ʼ ə ghoʼo ə̀ Nyìngòŋ ə̀ ghom à diʼ kəshi a viʼi və byɨmə və no vətsèm ə lu ntsi a kə shiʼi vì fà Nyìngòŋ ə̀ ghom a kàŋ. Mà be lu nyòʼ əzhiʼ ghomə fighə à wen ə wèn.