Kəmwetə 21:12 - The New Testament in the Babanki language

¹² Ghə̀ ə kiʼi to mə mbàyn ə dyefə ə tsèn a və kwiʼ kaʼa, ghə̀ kiʼ təchʉ̀ njʉ̀sə̀ bò, no tèbe əchʉ̀ ə kò ə kiʼ Ntsɨ̀ŋ Nyìngòŋ tsu. A ndiʼ no tèbe achʉ̀ ə kò mu və nyòʼò li zhiʼ ngwaʼngə̀ŋ ə ngə̀ŋ nə̀ viʼi Islel ə mùʼ tsu.

Kəmwetə 21:12 ပူးပေါင်းရင်းမြစ်များ

Matìyò 18:10

Ghə̀ŋ tuʼmə la kə wìʼ lə̀ chàs wàyn muʼ fa ntìntìn vunə və tyetəvə venə. Mà gàʼà à ghə̀ŋ nəmwèʼè la ntsɨ̀ŋsə vəwenə a sə diʼ a kàŋ ə kaʼa tò fà mbyɨ̀ Tìʼ ghom.

Ŋwàʼlə̀ Luk 15:10

Ma gàʼà ghə̀ŋ la wu ne nyʉ̀ byɨvə mùʼ sətsen kwitə tyɨm wen ə bwenə dyʉ̀ à Nyìngòŋ, ntsɨŋsə wen sə saŋlə̀ tò ndə̀ŋndəŋ.”

Ŋwàʼlə̀ Luk 16:22

Ghə̀ lù pfʉ, ntsɨ̀ŋsə ngə̀ŋ Nyìngòŋ sə lyɨ̀ wen ə dyʉ̀ ghʉ a mbyɨ̀ Ablaham. Wù ghoʼo ayì bè lu pfʉ, və bvɨ̀mə̀ wen.

Shwèʼ 26:7

à be diʼ tò məkàyn mì a ngwàʼsə təloʼ tə viʼi vəghəŋ venə njʉ̀sə̀bò sə ghoʼsə̀ Nyìngòŋ nə̀nchwì nə̀ nəntʉʼʉ kɨ la vəwenə lu kiʼi. A bè dìʼ tò byìʼì kwòʼtə̀ aghenə a mbè a Vəjew ə ghàmə̀ mò.

Hibùlù 1:14

Kə le diʼi la, ntsɨŋsə Nyìngòŋ sə ə diʼ to zhwi a və shyèʼ a Nyìngòŋ, Nyìngòŋ be tɨmə vəwenə la və gyamtə viʼi vi a Nyìngòŋ ə ndi ne bwòŋsə̀ vəwenə.

Kəmwetə 21:13

Mbàyn na yi nə̀ kiʼi təchʉ̀ tə tàʼ ashə yi a əchʉ zhʉ̀ nə̀ saʼ fa tsù, kiʼ à tàʼ ashə yi a əchʉ zhʉ̀ nə̀ shwe fa tsù, kiʼ à tàʼ ashə gə̀kwì, kiʼ à tàʼ ashə ten.

Kəmwetə 21:15

Ntsɨŋ Nyìngòŋ yì a ghə̀ nə̀ gaʼa a mò nə̀ kiʼi fɨ̀mbàŋ fifə və shəʼə əfo tsu mu və shɨtə nə̀ gul. Ghə̀ nə̀ diʼ ə shəʼ ə ntə̀ʼ ayi nə̀ əchʉ yi ə nə̀ mbàyn ntə̀ʼ na yì nə̀ fɨ̀mbàŋ a fenfə.

Kəmwetə 21:25

Və ko nə̀ chiʼi tebè təchʉ̀ tə mbàyn na titə byìʼì ando chʉʼ ko lù be jɨ.

Kəmwetə 22:14

Njùŋ ne diʼ a viʼi vyi a və shʉ̀ ndisə vəwenə, sə laynə, vəwenə ə sə kiʼ kədyòʼ ə phiʼ ashɨ a fəkoʼ yi a ghə̀ kù bwoŋ, be kiʼ kədyòʼ ə chò fa chʉ̀ mbàyn ə kwen a ntə̀ʼ.