Kəmwetə 20:3 - The New Testament in the Babanki language

³ Ghə̀ kwiʼ a lì ə̀ mòʼ shìʼsə nə̀ wen a nkwòŋ yì ə̀ shɨ̀tə̀ shwìn əchʉ yì à wen kətʉ ndi kə ghə̀ be à lobtə viʼi əzaʼa fa zhʉ a ngʉ̀ʼsə sènsə nkam ə me li. Əzhʉ aghenə ne cho ə və zàytə wen to fəshitə̀ fə zhʉ alə̀.

Kəmwetə 20:3 ပူးပေါင်းရင်းမြစ်များ

Matìyò 24:24

byìʼàndo viʼi vi a Nyìngòŋ ntsuʼ li ə̀ ghʉ və kənlobtə nə̀ nshə̀ʼtə̀sə kənlobtə lu fʉ̀ a tʉʼ ayì, ə nè chwitə fàynsə və be mwòmə̀ nyʉ̀ kaynəvə mwòmsə tò la vəwenə lè zì və lobtə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lì lo.

Matìyò 27:66

Vəwenə dyʉ̀ tòm kəlàŋ a ngùʼ chʉ sè ayì bè mù ghʉ vəsugyèʼ la və ntsɨ̀ŋə̀ sè ayi.

Ŋwàʼlə̀ Mak 4:15

Tətyɨm tə viʼi vətsenvə diʼ to nə̀ ngwàʼ yì a ghə̀ fəŋkə a ji lì. Vəwenə dyʉ̀ zhʉ gaʼa Nyìngòŋ tò zhʉ ando və gàʼà Satan nyɨŋ vì shìsə̀ gàʼà ayì a və yì wè à vəwenə tətyɨm lì.

Ŋwàʼlə̀ Luk 8:31

Zhwì byɨvə a vyi sensə Yesò la kə ghə̀ à dzɨ̀mə̀ shìsə̀ vəwenə ə nè la vəwenə tsoʼkə a tyì nkwòŋ a ghə̀ shwemə shiʼi.

2 Kolìntyàns 11:3

Ma gaʼa alə̀ fwàynə̀ la viʼi zizi və vi lobtə ghə̀ŋ ko ghə̀ŋ be a nghʉ kətʉ nzhʉ fa Yesò nə̀ tyɨm ə ghə̀ŋ no tsèm ndə̀ŋndəŋ ando Satan nvi nə̀ mənàŋ mə wen ə lobtə Ivè.

2 Bità 3:8

Alì kə ghə̀ŋ a lyèsə kənyʉ̀ kènkə a doŋ shom sə jùŋsə la à diʼ a Bobo, kətsi kə ə mùʼ kə diʼ to nə̀ ngʉ̀ʼ nkam, ngʉʼsə nkam diʼ to nə̀ kətsi kə mùʼ.

Kəmwetə 12:9

Və mòʼ shìʼsə nyàm ə fànsə ayì a nse, zhù ə mu yì a və ndzàŋə̀ nə̀ Deblə̀ bènə̀ Satan. Adiʼ wen yì a ghə̀ lobtə̀ viʼi mbyi no vətsèm. Və mòʼ shìʼsə wen a nse wenə̀ ntsɨ̀ŋsə wen tò sətsèm.

Kəmwetə 13:14

Byìʼì ənyʉ̀ kanəvə avenə a Nyìngòŋ ə nghʉsə nyàm ətoʼ aghèn sə̀ nè a shɨ nyàm ətoʼ ə̀ mbì yì lì lobtə viʼi vətsèm a və̀ ntsi a nse ə̀ gàʼ la vəwenə shɨtə kənshyə̀ʼsə̀ kə nyàm ətoʼ kì a ghə̀ ə̀ nkìʼ əlyom ə toghə mu və bvàʼ nə̀ nyì ə ngwoləŋ alì ghə̀ bu sə diʼ tò to lì.

Kəmwetə 17:2

Təfòyn tə tsi li nə̀ wen fa mbi tò tətsèm. Viʼi a və tsi a nse ə nyʉ li məlyʉ̀ʼ mə kəmɨ̀ŋ ə wen mə̀ nghaʼ vəwenə.”

Kəmwetə 17:8

Nyàm ghèn a wù ə yenə lə̀ ə̀ ndìʼ to alì ghə̀ sə̀ diʼ mu ghə̀ pfʉ li. Ghə̀ diʼ ne fʉ̀ ə kuʼ fa nkwòŋ yì a ghə̀ ə shwemə shiʼi dyʉ̀ tò dyʉ̀ lì ə dyʉ̀ ə və byɨsə wen. Viʼi vi a və nko nyòʼ təzhiʼ tə vəwenə a ŋwàʼlə̀ ə̀bwòŋ mibu və sə shɨ̀tə mbi ne yen nyàm aghèn ə ndiʼ nə̀ əkaynə byìʼàndo ghə̀ tə̀ ndiʼ, ə̀ pfʉ ə be sə diʼ lu bwènə̀ vì.”

Kəmwetə 20:1

Fa bàm ənyʉ̀ venə, mà yen ntsɨ̀ŋ ngə̀ŋ ə̀ Nyìngòŋ tsen ghə̀ shiʼì vì fa kàŋ. Ghə̀ ə̀ nkìʼ kənzàs kə nkwòŋ yì a ghə̀ ə shwemə shiʼi dyʉ̀ tò dyʉ̀ lì be kiʼ mfɨŋ ghoʼo à wen kəvu.