Kəmwetə 20:2 - The New Testament in the Babanki language

² Ghə̀ ghaʼ nyàm ə fànsə yì, no zhù ə mu yì a diʼì Deblə̀ à be diʼ Satan ə̀ kwiʼ wen nə̀ mfɨŋ yì a tì ngʉ̀ʼsə nkam.

Kəmwetə 20:2 ပူးပေါင်းရင်းမြစ်များ

Matìyò 19:29

Adìʼ tè ndò a ghə̀ moʼtə̀ li kəbəŋ kə wen ko vəlèmə və wen lʉmə, ko vəlemə və wen ki, ko tìʼ wen ko lì wen ko vunə wen ko təsɨm tə wen byìʼì mò mu ghə̀ lu bwènsə̀ kiʼi viʼi bènə̀ fo aghayn ghɨ. Ghə̀ be lə kiʼi bwoŋ a ghə̀ lu faŋə̀ tò ghayn ə mùʼ.

Matìyò 8:29

Vəwenə yen Yesò tò yenə ə zɨmə bèm a wen la, “Wù kəŋ gho fà yès a, Wàyn Nyìngòŋ ghèn? Wù vì ə ku ngəʼ à yès mimbu kətsi kə ngəʼ yès kə kwʉʼ mu?”

Ŋwàʼlə̀ Mak 4:15

Tətyɨm tə viʼi vətsenvə diʼ to nə̀ ngwàʼ yì a ghə̀ fəŋkə a ji lì. Vəwenə dyʉ̀ zhʉ gaʼa Nyìngòŋ tò zhʉ ando və gàʼà Satan nyɨŋ vì shìsə̀ gàʼà ayì a və yì wè à vəwenə tətyɨm lì.

Ŋwàʼlə̀ Mak 5:7

ə̀ zɨ̀mə nò a gɨ to gàʼà la, “Wù kəŋə ghò fà mò a Yesò ə wàyn Nyìngòŋ yì a ghə̀ ŋaŋtə li nkwʉʼ lì? Mà sensə̀ wù a zhiʼ Nyìngòŋ la kə wù à ku ngəʼ à mò!”

Joyn 12:31

Əzhʉ kwʉʼ li Nyìngòŋ be byɨbsə viʼi mbyi byìʼì mbyɨsə vəwenə be dzɨ̀mə̀ shisə fòyn mbi luwen.

Joyn 16:11

Ghə̀ a diʼ ji yì a Nyìngòŋ ə lu soʼo mbyi fa tsù byìʼì ando fòyn yi a ghə̀ soʼo mbyi ghèn sə diʼ mù ghə̀ fəŋ li nsòʼ.

Lumans 16:20

Ghə̀ŋ nè alə ndi Nyìngòŋ ghə̀ŋ a ghə̀ kù mbwaʼmə na ku kədyòʼ a ghə̀ŋ, ghə̀ŋ tsəʼsə Satan nə̀ aghʉ. Bobo vəghəŋ Yesò Klistò ə diʼi ətyɨm ə jùŋ ghə̀ ə wen a ghə̀ŋ.

Hibùlù 2:14

Vunə a venə a ghə̀ ngaʼa ə ndiʼ to no viʼi a və kiʼi njòsə wen. A le kənyʉ̀ ki a kə nè, Yesò ə bwensə ə sə diʼ wìʼ to nə̀ vəwenə ndi ghə̀ pfʉ ə byɨbsə wèn yi a ghə̀ ne la viʼi mpfʉ, à ji Deblə̀.

1 Bità 5:8

Ghə̀ŋ ə nyʉ̀ʼ bvɨtə be ghaʼ təwen ətəŋtə byìʼì ando wù kəbàyn ghə̀ŋ a diʼ Deblə̀ nyoʼo kaʼa to nə̀ nyàm ə kəbo, bufə, kəŋ wìʼ ə mì.

2 Bità 2:4

Ghə̀ŋ kɨli la Nyìngòŋ ə nko ə faŋ ke ə ku ngəʼ no tèbe a ətsɨŋsə wèn shisə a sə nè li mbyɨ. Ghə̀ ə mòʼo li shiʼsə nə̀ vəwenə akəshi kəbyɨkə ə kwiʼ ghàŋtə vəwenə a kəbəŋ kə fenəkə, vəwenə sə tsi to tsu kəʼtə kətsi kə nsòʼ.

Ŋwàʼlə̀ Jud 1:6

Ghə̀ŋ kwoʼtə ətsɨŋsə Nyìngòŋ shisə a vəwenə moʼtə kəshi kì a Nyìngòŋ ə nku a vəwenə, ə chò kədyòʼ kì a vəwenə ə nkiʼ ali Nyìngòŋ ə nè, və kwiʼ vəwenə nə̀ məkwinkwinə to ghayn əmùʼ ə moʼ a kəbəŋ kəfenəkə vəwenə sə diʼ tsu kə̀ʼtə̀ to kətsi kə nsoʼ kə ghoʼo kə ə Nyìngòŋ.

Kəmwetə 12:13

A ə̀ ndìʼ a zhʉ a nyàm ə fànsə yenə la və moʼ li yì a nse, ghə̀ sə̀ nyɨŋ fa bàm wùwì yì a ghə̀ ə̀ mbwì wàyn wulɨm yì lì.

Kəmwetə 12:15

Zhù ayì chʉ mu fà wen əchʉ̀ to nə̀ nfwayn ə̀mu a bàm wùwì ayì ndi mə lyɨ wen ə̀ chò nə̀ wen.

Kəmwetə 12:17

Nyàm ə fànsə ayì fwisə tin à wùwì yì ə̀ lù ə̀ dyʉ̀ əzìtə̀ əghoŋ à viʼi ngwàʼa ngə̀ŋ wùwì ayì, andiʼ viʼi vətsèm vi a və ghʉ təsoʼ tə Nyìngòŋ be shə̀ʼtə̀ ənyʉ̀ a Yesò ə̀ ndiʼi a ndayn.

Kəmwetə 12:3

Kəchwitə kə kanəkə kətsenkə bè fʉ̀ a kàŋ, nyàm ə fàynsə ghoʼo tsen fʉ̀ kə̀ʼə̀ bàŋə̀baŋə, kiʼ ətʉ sòmbo nə̀ ndoŋsə wum. No kətʉ kə kò kə kiʼ ə̀sòʼ ə təfòyn.

Kəmwetə 12:4

Əkwen ə wen ə zhès əshyə mədzɨ̀ŋ ə̀ mùʼ fa tì təshyə tə taʼ ə̀ mòʼ shìsə a nse. Nyàm ə fànsə ayì tɨmə a shɨ ə̀ wùwì yì a ghə̀ sə̀ diʼ a məbwi lì sə̀ bvʉ̀tə̀ ə pfiʼ wàyn ayì a ghə̀ a bwi lì.

Kəmwetə 12:9

Və mòʼ shìʼsə nyàm ə fànsə ayì a nse, zhù ə mu yì a və ndzàŋə̀ nə̀ Deblə̀ bènə̀ Satan. Adiʼ wen yì a ghə̀ lobtə̀ viʼi mbyi no vətsèm. Və mòʼ shìʼsə wen a nse wenə̀ ntsɨ̀ŋsə wen tò sətsèm.

Kəmwetə 13:2

Nyàm ətoʼ ayì a mà ə̀ nyenə lì ə̀ mfʉsə̀ nyàm ə̀ kəbo, aghʉ ə wen diʼ to nə̀ aghʉ ə bi toʼ, əchʉ wen diʼ to nə̀ əchʉ abìkəŋ. Zhù ə byɨ yì ku kəfwon nə̀ kədyòʼ ə ghoʼoghə à wen.

Kəmwetə 13:4

Viʼi vətsèm ə sə̀ ghoʼsə̀ zhù ə byɨ yì fambwo ghə̀ ə nku li àdyoʼ ə wen à nyàm ətoʼ yì la ghə̀ ə nsoʼo. Vəwenə mbe ghoʼsə̀ nyàm ətoʼ yì gàʼà la, “A lè dìʼ ndo a nə̀ nyàm ghèn a? A lè zì à soyn ndo əsoyn ə wen a?”

Kəmwetə 20:10

Luwen və mu maʼ Deblə̀ yi a ghə̀ lobtə vəwenə ati mo əzhiʼ be nə̀ məkàyn. Kəshi a kenkə ndiʼ kəshi a və be moʼ shiʼ sə nə̀ nyam ə toʼ yi wenə nshə̀ʼtə̀sə kənlobtə shisə. Və lu nku ngəʼ a vəwenə nə̀nchwì nə̀ nəchʉʼ zaʼa no fa ze.

Kəmwetə 20:7

A lu ndiʼ ando ngʉ̀ʼsə asènsə nkam me li, və shisə Satan fà wen a mfɨŋ yì,

Kəmwetə 9:11

Ngùməsə a shìsə̀ nkìʼ fòyn a ghə̀ soʼo səwensə, à diʼ ntsɨ̀ŋ yì a ghə̀ tùʼmə̀ nə̀ nkwòŋ yì a ghə̀ shwemə shiʼi dyʉ̀ tò dyʉ̀ lì. Əzhiʼ ə wen a əgàʼ ə Hibùlù ə̀ ndìʼ Abadòn, diʼ a əgàʼ ə Glis la Abolon.