Kəmwetə 20:12 - The New Testament in the Babanki language

¹² A zhʉ a yi ma mu yen viʼi a və mpfʉ̀kəli, viʼi a ndiʼ ngesə̀ viʼi nə̀ vi a nko diʼ ngesə̀ viʼi ando vəwenə nti a shɨ kəfwoyn. Və nboʼli vəŋwàʼlə̀, ə be jisə boʼ ŋwàʼlə̀ tsen a ndiʼ ŋwàʼlə̀ bwòŋ. Və nsoʼli viʼi a və npfʉ̀ kə li a nyʉ a vəwenə ə ne ando və nyoʼo a ti vəŋwàʼlə̀ a vi.

Kəmwetə 20:12 ပူးပေါင်းရင်းမြစ်များ

Matìyò 11:22

Mà gàʼà à ghə̀ŋ la à lu ndiʼ a kətsi kə nsoʼ Nyìngòŋ, ngəʼ ndiʼ à ghə̀ŋ chò ando ghə̀ lu ndiʼ a viʼi Tayle bènə̀ Sidòn.

Matìyò 16:27

Mà gàʼ alə̀ byìʼàndo Wàyn Wìʼ sə̀ laʼtə bwènə̀ vì a tì baynə ghoʼ ghə̀ tìʼ wen wenə ntsɨ̀ŋsə wen ndi ku no moʼtə ndo ando ghə̀ tə nshwèʼè.

Ŋwàʼlə̀ Luk 10:20

Alì kə ghə̀ŋ à nsaŋlə̀ la zhwì byɨvə zhʉ fà ghə̀ŋ, ghə̀ŋ mbòŋsə saŋlə la və nyoʼli təzhiʼ təŋtə a ŋwàʼlə̀ Nyìngòŋ a kàŋ.”

Shwèʼ 24:15

Mà kìʼ tò ndə̀ŋndəŋ kwòʼtə̀ a vəwenə be kìʼ la Nyìngòŋ lu nè viʼi vəjùŋvə nə̀ vəbyɨvə lu fà pfʉ no vətsèm.

Lumans 2:6

Ghə̀ lu ku əmoʼtə əshwèʼè no ndò a wen.

1 Kolìntyàns 4:5

Ali, kə ghə̀ŋ tyinə nsòʼ ko ndiʼ la zhʉ̀ yi kʉʼʉ li. Ghə̀ŋ kəʼtə, Bobo vi. Ghə̀ a vi ə diʼ làynsə nyʉ̀ ə lyomtəvə vyi a və nyoʼtə ne a kəbəŋ kə fenəkə, ə shə̀ʼtə nyʉ̀ vyi a viʼi əkwoʼtə lyomtə a və wenə a tətyɨm. Nyìngòŋ ə mu bwomsə no ndò to ji a ghə̀ əshyèʼè.

2 Kolìntyàns 5:10

Kə diʼ alə̀ byìʼì ando no vəghəŋ vətsèm lu tɨmə ashɨ ə Yesò ə ghə̀ soʼ vəghəŋ. Ghə̀ lu loʼ no ndò to nyʉ̀ yi a ghə̀ tə nè a nse, kò à tə ndiʼ nyʉ̀ ə byɨvə, kò à tə ndiʼ ə jùŋə və.

Filìbàyns 4:3

Mà gaʼa à wù a ma ghʉ ə tyɨmə ghomə a wù a yowù tsentə̀ ə̀ shyèʼ a muʼu, Mà kəŋ la wù gyamtə ki venə byìʼe yo vəwenə nshə̀ʼtə̀ ntɨm ə jùŋ amuʼ əboʼsə nə̀ Clemèn bènə̀ viʼi vətsenvə a təzhiʼ tə vəwenə sə̀ diʼ a ŋwàʼlə̀ əbwòŋ.

Kəmwetə 11:18

Tinsə viʼi vyi a və ko kɨ̀ wù tə mfwi, alì əzhʉ kwʉʼ li ə wù diʼ ətoŋ fwi ghə̀ wù, əzhʉ mbè nkwʉʼ ə soʼ viʼi vəpfʉkəvə. Zhʉ be nkwʉʼ ə wù taʼ viʼi shyèʼ ə̀ wù, andiʼ nshə̀ʼtə̀sə sə̀ ghoʼokəsə wù, nə̀ viʼi vyə no vətsèm a və ghoʼsə̀ əzhiʼ ə̀ wu, vətovə nə̀ vəbwaʼvə tò ndə̀ŋndəŋ. Əzhʉ̀ be kwʉ̀ʼ ə wù byɨsə viʼi vyi a və byɨsə viʼi ə nse.”

Kəmwetə 13:8

No viʼi vətsèm vi a və̀ntsi a nse ə̀ ndiʼi nghoʼsə̀ wen, andiʼ viʼi vyi a və nko ə̀ nyòʼ təzhiʼ tə vəwenə mibu mbi sə zìtə̀, a ŋwàʼlə̀ ə̀bwòŋ ə̀ wàyn bi ənjɨ̀ yì a və̀ nshyə lì.

Kəmwetə 17:8

Nyàm ghèn a wù ə yenə lə̀ ə̀ ndìʼ to alì ghə̀ sə̀ diʼ mu ghə̀ pfʉ li. Ghə̀ diʼ ne fʉ̀ ə kuʼ fa nkwòŋ yì a ghə̀ ə shwemə shiʼi dyʉ̀ tò dyʉ̀ lì ə dyʉ̀ ə və byɨsə wen. Viʼi vi a və nko nyòʼ təzhiʼ tə vəwenə a ŋwàʼlə̀ ə̀bwòŋ mibu və sə shɨ̀tə mbi ne yen nyàm aghèn ə ndiʼ nə̀ əkaynə byìʼàndo ghə̀ tə̀ ndiʼ, ə̀ pfʉ ə be sə diʼ lu bwènə̀ vì.”

Kəmwetə 19:5

Fà yi bàm, mà zhʉ əgɨ̀ ghə̀ gàʼ fʉ̀ ə̀ vì fa kəshi kə kəfwoyn kì la, “Vəghəŋ ghoʼsə Nyìngòŋ vəghəŋ! vəghəŋ vətsèm a və diʼì viʼi shyèʼ ə wen, vəghəŋ vətsèm a və fàynə̀ wen ko wù dìʼ wuto ko wù dìʼ wubwaʼ.”

Kəmwetə 2:23

Mà ne zhwilə viʼi vì a və dzɨ̀mtə̀ ntsìnə̀ wen ə ntsèntə̀sə viʼi və byɨməvə no sətsèm ə kɨ la mà dìʼ wìʼ yì a ghə̀ kɨ təkwòʼtə̀ tə viʼi bènə̀ ənyʉ̀ a vəwenə kòŋə̀ ənè. Mà ne lòʼ no ndò fà ghə̀ŋ ə ntìntìn to a jì a ghə̀ tə nshyèʼè fa tʉ.

Kəmwetə 20:11

Luwen ma mu yen Nyìngòŋ ghə̀ ŋwʉʼ a kəfwoyn kəfəfəkə. Ando ghə̀ fʉ a dayn, əkaŋ wenə nsə ə nsoməli dyʉ̀ to ghayn əmuʼ.

Kəmwetə 20:13

Luwen, viʼi a və npfʉkə li a mù ə fʉli ə tɨmə Nyìngòŋ be soʼo vəwenə, ndə̀ŋndəŋ ando əpfʉ nə̀ loʼ vəmpfʉvə nse mbe ku viʼi a və npfʉkə li la Nyìngòŋ soʼo vəwenə a nyʉ̀ a vəwenə ə nè.

Kəmwetə 20:15

Və ə maʼ li no ndo a zhiʼ wen nko diʼ a ti ŋwàʼlə̀ bwoŋ a nkwoŋ zhìʼ.

Kəmwetə 21:27

Kəfo kə ko lu kwen tebè ati ntə̀ʼ na ghèn, ko kə laynə. Wìʼ la ghə̀ nè nyʉ̀ kəməŋ kò wìʼ dzɨŋ lu kwen tebè tsu. A lu nə̀ kwen to viʼi vyi a və nyoʼo li təzhiʼ tə vəwenə a ŋwàʼlə̀ əbwòŋ nə̀ We Njɨ̀.

Kəmwetə 22:12

Yesò gàʼ la, “Ghə̀ŋ zhʉtə, ma vi to luwen nə̀ əmoʼtə a ghə̀ŋ, diʼ ə ku no tèbè a ndò to ndə̀ŋndəŋ ndo ghə̀ tə nə̀ shyèʼ.

Kəmwetə 3:5

Və lu lafsə no ndò yì a ghə̀ lu soyn ə̀ zhɨ mbyɨ nə̀ ndisə fəfəsə, ko ndiʼ la mà lu tsəʼsə̀ zhiʼ ə wen fa ŋwàʼlə̀ ə̀bwòŋ. Mà lu tɨmə gàʼ to ndayn la mà kɨ wen a shɨ Tìʼ ə ghom wenə̀ ntsɨ̀ŋsə wen.