Kəmwetə 2:7 - The New Testament in the Babanki language

⁷ A ə ntofə tè ndò ghə̀ tùʼù zhʉ̀tə kənyʉ̀ kì a kəzhwì kə ŋwoʼəkə gàʼà à ntsèntə̀sə viʼi və byɨməvə! A sətsèn ə̀ soyn ə̀ zhɨ̀ tè ndò ə̀ zhɨ mbyɨ, mà à nè ghə̀ zhɨ əshɨ fəkòʼ fì a fə ku ə̀bwòŋ a fə kwi a tì sɨm ə̀ Nyìngòŋ.”

Kəmwetə 2:7 ပူးပေါင်းရင်းမြစ်များ

Matìyò 11:15

No ndò a ghə̀ kiʼi ə tiʼitiʼi, ghə̀ tùʼù zhʉtə.

Matìyò 13:43

Viʼi kənyʉ̀ kə tɨməkə lu mbaynə a tʉʼ ayì tò nə̀ chʉzhʉ a kəshi kə fòyn Tìʼ vəwenə. No ndò a ghə̀ kiʼi tiʼitiʼi ghə̀ tuʼù zhʉtə.”

Matìyò 13:9

Yesò mwètə̀ mò ngàyn a ghèn mù gàʼ la, “No ndò a ghə̀ kiʼi tiʼitiʼi ghə̀ tùʼù zhʉtə.”

Ŋwàʼlə̀ Mak 4:9

Yesò gàʼ a vəwenə la, “No ndò a ghə̀ tofə ghə̀ tùʼù zhʉtə.”

Ŋwàʼlə̀ Mak 7:15

kəfo kə ko diʼ a wìʼ zì ghə̀ zhɨ kə ne la ghə̀ ndiʼ nlaynə alì à dìʼ nyʉ̀ a və fʉ̀ fà wen à wèn a və nè ghə̀ sə diʼ ko ghə̀ lu laynə.

Ŋwàʼlə̀ Mak 7:16

No ndò a ghə̀ kiʼì tof ghə̀ tùʼù zhʉ̀tə kənyʉ̀ a kènkə.”

Ŋwàʼlə̀ Luk 23:43

Yesò bwènsə̀ gàʼ a wen la “Nəmwèʼè, nəmwèʼè, ma shə̀ʼtə̀ à wù la wù a ndiʼ yowù layn a kəshi kəbwòŋ Nyìngòŋ.”

Ŋwàʼlə̀ Luk 8:8

Ghətsen nfəŋkə a nse jùŋ, ə̀ fʉ̀ ə kuʼ ə fosə ə bi, və sə fʉ̀ pfì. No kətʉ kə asaŋ kə kò sə ku ashɨ asaŋ, ghə̀ ghoʼo zaʼa a ghɨ.” Yesò gàʼ alì ə be mù gàʼ no a gɨ̀ to la, “No məndo a ghə̀ tofə, ghə̀ tùʼù zhʉtə.”

Joyn 16:33

Mà shə̀ʼtə nyʉ̀ a venə a ghə̀ŋ alə̀ ndi ghə̀ŋ faŋ to mò, ə kiʼi mbwaʼmə. Ghə̀ŋ na kiʼi ngəʼ a mbyi ashə. Alì kə wìʼ na bwaʼ! Ma to li chò mbyi.”

1 Kolìntyàns 2:10

Alì mu Nyìngòŋ ə ne li kəzhwì kə wen kə diʼi làynsə nyʉ̀ ə lyomtəvə ə wen a vəghəŋ. Kəzhwì kə Nyìngòŋ kə nə̀ yenə to nyʉ̀ ə tsèm, yenə no tèbe ghò, no tèbe kì kə a Nyìngòŋ ə lyomtə lyomtə.

2 Kolìntyàns 12:4

Ghə̀ kuʼ ə zàʼa tsu ə zhʉ nyʉ̀ chʉ̀ ə wen ə zɨm a wìʼ ko zì ghə shə̀ʼtə nə̀ chʉ̀.

1 Joyn 2:13

Mà nyòʼò nyʉ̀ a venə à ghə̀ŋ a vətìʼ byìʼàndo ghə̀ŋ ə kɨ li wen yì a ghə̀ ndiʼi fa kənzìtə. Mà nyòʼò nyʉ̀ venə à ghə̀ŋ a mbvòʼò wìʼ byìʼàndo ghə̀ŋ ə to li ə ncho Deblə̀. Mà be nyòʼò nyʉ̀ avenə à ghə̀ŋ a vunə byìʼàndo ghə̀ŋ ə kɨ li Tìʼ.

Kəmwetə 13:9

No wu byɨmə ko a ghə̀ tofə ghə̀ tùʼù zhʉ̀tə:

Kəmwetə 14:13

Mà bè zhʉ̀ gɨ̀ ghə̀ fʉ vì fa kàŋ gàʼà la, “Nyoʼo kènkə: Əzìtə̀ fa luwèn ə dyʉ̀ nə̀ mbì, əsaŋlə diʼ à no ndò a ghə̀ pfʉ shyèʼè əshwèʼ ə Bobo.” Kəzhwì kəŋwoʼəkə bwènsə̀ gàʼ la, “Nəmwèʼè, əsaŋlə a lutə̀ diʼ à vəwenə. Vəwenə ne zhʉ̀tə̀ fà vəwenə ngəʼsə byìʼàndo əshyèʼ jùŋə ghə̀ vəwenə ne dzɨ̀mtə vəwenə gàʼ à vəwenə.”

Kəmwetə 15:2

Mà mbe ə̀ nyèn kəfo kə kə̀ʼə̀ to nə̀ ə̀mu mə ghoʼomə̀, baynə lyəŋsə̀ to nə̀ kənki kə ashɨ a və fə̀ŋə̀ nə̀ əzhiʼ. Mà mbe yèn viʼi a və soyn ə̀ nzhɨ nyàm ətoʼ yì a ghə̀ fʉ̀ ə̀ kuʼ ə̀ vì fa ə̀mu lì wenə̀ kənshyə̀ʼsə̀ kə wen əboʼsə nə̀ ətaŋ ə zhiʼ wen, və ti a mbyɨ̀ ə̀mu mə ghoʼomə̀ mì kiʼ təlyuŋ tə Nyìngòŋ à vəwenə avu.

Kəmwetə 2:11

No ndo a ghə̀ tofə ghə̀ tùʼù zhʉtə kənyʉ̀ kì a kəzhwì kə ŋwoʼəkə gàʼà à ntsèntə̀sə viʼi və byɨməvə. No ndò a ghə̀ ə soynə ə̀ zhɨ, kò ghə̀ bè lù pfʉ̀ kənkùmtə̀ kə pfʉ a tʉʼ a Nyìngòŋ ə lu soʼ viʼi”.

Kəmwetə 2:17

No ndò a ghə̀ kiʼi ətiʼitiʼi, ghə̀ tùʼù zhʉ̀tə kənyʉ̀ kì a kəzhwì kə ŋwoʼəkə gàʼà à ntsèntə̀sə viʼi və byɨməvə. No ndò a ghə̀ soyn ə̀ zhɨ mbyɨ, mà à kù ə̀fo zhɨvə lyomtəvə tsenəvə à wen a və dzàŋə̀ nə̀ manà. Mà be nè ku ngùʼ fəfə à no ndò mu və nyòʼò li əzhiʼ fighə tsu a no wìʼ ko kɨ əchò to wìʼ a ghə̀ shi ngùʼ ayì.

Kəmwetə 21:7

A sòyn zhɨ no ndo mbyɨ a mà ku mu na mèyn a wen ə ndiʼ Nyìngòŋ ə wen, ghə̀ diʼ wàyn a mò.

Kəmwetə 22:14

Njùŋ ne diʼ a viʼi vyi a və shʉ̀ ndisə vəwenə, sə laynə, vəwenə ə sə kiʼ kədyòʼ ə phiʼ ashɨ a fəkoʼ yi a ghə̀ kù bwoŋ, be kiʼ kədyòʼ ə chò fa chʉ̀ mbàyn ə kwen a ntə̀ʼ.

Kəmwetə 22:17

Kəzhwì kə Ŋwoʼkə wenə Wi We Njɨ̀ nə̀ gàʼa la, “Vi a Bobo Yesò.” Nò ndo yi a ghə̀ zhʉ kənyʉ̀ kènkə nə̀ diʼ to mə ə gàʼ la, “Vi a Bobo Yesò.” Ətoŋ a mu nə̀ zɨmtə no ndo, ghə̀ vi. Ghə̀ nə̀ koŋə, ghə̀ shi mu mì a mə nè viʼi tsi ko andiʼ la ghə̀ loʼ no kəfo.

Kəmwetə 22:2

Shiʼi to a ntìntìn ji a ntə̀ʼ ə ghoʼo na yi. A ndiʼ a benə mù na ghèn, nkoʼ mì a mə nə̀ nè viʼi tsi diʼ tsu kumə ashɨ. Fɨko fə mùʼ fə nə̀ kumə ashɨ aghayn njʉ̀sə̀ bò a ngʉ̀ʼ, kumə to zhʉ̀ ə mùʼ a sàŋ. Və nə̀ lyɨ təfʉ ti tə chʉʼʉ to viʼi təloʼ tə tsèm tsu.