Kəmwetə 2:5 - The New Testament in the Babanki language

⁵ Ghə̀ŋ kwoʼtə jì a ghə̀ŋ ə̀ ndìʼ fa tsu a mbì mibu ə fəŋ, ə̀ kwitə tətyɨm ə təŋtə fà ghə̀ŋ ənyʉ̀ byɨvə nshyèʼè ando ghə̀ŋ ə̀ nshwèʼè a mbì. Ghə̀ŋ sətsèn ə̀ fàŋ ke kwitə tətyɨm ə təŋtə fà ghə̀ŋ ə mbyɨsə, mà à vì ə̀ lyèsə̀ kəfo kəŋkə̀ kì a və shɨtə̀ sə tomə kənkàʼtə̀ à yi kətʉ lì fà yi kəshi.

Kəmwetə 2:5 ပူးပေါင်းရင်းမြစ်များ

Matìyò 5:14

Ghə̀ŋ dìʼ tò nə̀ baynə à viʼi mbyì. Ntə̀ʼ a ghə̀ diʼi a kwi pfen zì kò ghə̀ lu lyòmtə̀.

Matìyò 5:15

Wìʼ zì kò ghə̀ lə dyàyn kənkàʼtə̀ ə pfʉsə a tyì nkyè. Ghə̀ diʼi dyàyn ə tom a kəshi kə ŋaŋtə kə ndi kə baynə a ngə̀ŋ no tsèm.

Ŋwàʼlə̀ Mak 12:9

Yesò mù bèm à vəwenə la, “kə lè yì chò a lì, tì sɨ̀m aghèn a nè ale?” Kə yi ndiʼ a lì, “Ghə̀ à vì zhwì viʼi a vyi ə̀ bwènsə̀ lyɨ̀ sɨ̀m wen kù à viʼi kədyàŋ.

Ŋwàʼlə̀ Luk 1:17

Ghə̀ nè dyʉ̀ a shɨ nə̀ Bobo nə̀ kədyòʼ kə Nyìngòŋ ndə̀ŋndəŋ tò nə̀ Elija; ndì nè la vətiʼi wenə vunə vəwenə tsi ntsìnə̀ muʼ, bè nè la viʼi a və to kətʉ bwenə bwaʼmə, bè tof to nə̀ viʼi kənyʉ̀ kə tɨmə kə. Ghə̀ ne gyàmtə̀ ənè la viʼi sə̀ mbaʼtə ndiʼ wen və Bobo ti a kayn a byɨmə.”

Ŋwàʼlə̀ Luk 20:16

Ghə̀ à vì ə zhwilə viʼi a vyi no vətsèm ə lyɨ̀ sɨm ayì ə ku a viʼi kədyàŋ.” Yesò ne myètə̀ ngàyn a ghèn, viʼi vyì zhʉtə alə̀ ə gàʼ la kə Nyìngòŋ lə̀ byɨmə wìʼ ne nki kənyʉ̀ kènkə a viʼi shyèʼ sɨm a vyì nlù mwòm lə̀.

Gàlesìyà 5:4

Ghə̀ŋ vyi a ghə̀ŋ kəŋ ə nti akayn ashɨ Nyìngòŋ ə byìʼì ando ghə̀ŋ ghʉ Əsoʼ ghenə, kɨ la ghə̀ŋ gə̀sə̀ li təwen ətəŋtə fa Klistò. Ghə̀ŋ tyenli ətyɨm ə jùŋə ghə̀ yi a Nyìngòŋ ə diʼi li a ghə̀ŋ.

Filìbàyns 2:15

Sətsen ghə̀ŋ ne alə ko wìʼ lù ghàm ghə̀ŋ a kənyʉ̀. Ghə̀ŋ be ə ndiʼ viʼi kənyʉ̀ kə tɨməkə bè kwʉ̀ʼ mè a nə vunə və juŋəvə Nyìngòŋ a və tsi a tyì mbyi mbyɨsə nə̀ viʼi mbyɨsə. Ghə̀ŋ diʼi ə ndiʼ à vəwenə ntìntìn alì diʼ əbayn à vəwenə to nə mədzɨ̀ŋ.

Hibùlù 10:32

Ghə̀ŋ bwensə li kwòʼtə ando əbayn ə nvi a ghə̀ŋ, ghə̀ŋ kɨ Nyìngòŋ. A ghə̀ŋ ə nyenə ngəʼ avù ə viʼi achʉʼ a yi no nànto ali wensə to wensə.

2 Bità 3:17

Ando ghə̀ŋ ə kɨ li nyʉ̀ a venə a doŋ shomsə jùŋsə, ghə̀ŋ ə tofə kə viʼi a venə a və kwitə kənyʉ̀ kə Nyìngòŋ lə a nè ghə̀ŋ kwen a ntìntìn dzɨŋsə ə vəwenə a sènsə ə fʉ̀ fa kənyʉ̀ yi a ghə̀ŋ tə tsuʼ li.

Ŋwàʼlə̀ Jud 1:24

Vəghəŋ ə nkuʼsə Nyìngòŋ yi a ghə̀ kiʼi kədyòʼ ə ghaʼ ghə̀ŋ la kə ghə̀ŋ fəŋ, kiʼi kədyòʼ ə nè la ghə̀ŋ layn ə kwʉʼ kò ghə̀ŋ lu kiʼ Mbyɨ no fa pfen, be kiʼ kədyòʼ ə ghʉ̀ ghə̀ŋ a ntìntìn əbayn ə ghoʼo ghə̀ ə Nyìngòŋ, la ə saŋlə ə ghoʼo ghə̀ ə ndiʼ a ghə̀ŋ.

Kəmwetə 1:20

Əvenə diʼ ənyʉ̀ lyomtəvə a və diʼì byìʼì mədzɨ̀ŋ mèn sòmbo a wù yenə à mo kəvu kəkwoŋ ə toghə bènə̀ əfo venə sòmbo a və tomtə̀ ə̀ nkàʼtə̀ tsu lə̀: Mədzɨ̀ŋ mèn sòmbo dìʼi ntsɨ̀ŋsə ngə̀ŋ Nyìngòŋ a aloʼ ntsèntə̀sə viʼi və byɨməvə yi sòmbo, ə̀fo venə sòmbo a və tomtə̀ ə̀ nkàʼtə̀ tsu diʼ aloʼ ntsèntə̀sə viʼi və byɨməvə yi sòmbo.”

Kəmwetə 16:9

Əlɨ̀m əchʉzhʉ a ghə̀ nyùʼù vəwenə mfànsə̀, vəwenə mù sə telə̀ Nyìngòŋ yì a ghə̀ ə kiʼì kədyòʼ əku ngəʼsə asènsə, kènla vəwenə kwitə li tətyɨm tə vəwenə fà vəwenə a mbyɨsə nghoʼsə̀ Nyìngòŋ.

Kəmwetə 2:16

Ghə̀ŋ kaʼsə tətyɨm ə təŋtə fà ghə̀ŋ ə mbyɨsə luwèn a bwen a lì, kò kəghaf kə à dyʉ̀ ke mà vi a kəshi yì a ghə̀ŋ ə diʼì tsu ə̀ sòyn viʼi a vyi nə̀ nyì ngwoləŋ a ghə̀ fʉ̀ fà mò a chʉ̀.

Kəmwetə 2:19

Mà kɨ ənyʉ̀ a ghə̀ŋ ə nè, kɨ ə̀kòŋ yi a ghə̀ŋ ə kiʼì be kɨ əbyɨmə ghəŋə, kɨ ando ghə̀ŋ ə shyèʼè à viʼi vətsenvə bènə̀ ə̀ ghaʼa ə tyɨm ghəŋə. Ghə̀ŋ ə shwèʼè luwèn chò ando ghə̀ŋ tə shyèʼè a mbì.

Kəmwetə 2:2

Mà kɨ əshyèʼ ə̀ ghəŋə. Mà kɨ li ando ghə̀ŋ ə shwèʼè nə̀ kədyoʼkə bènə̀ jì a ghə̀ŋ ə kə̀ʼtə̀ nə̀ tətyɨm tə zhʉtə fa tsu. Mà kɨ la ghə̀ŋ ə ko ghʉ̀sə viʼi tətyɨm tə byɨtə, be mwòmsə dìʼ laynsə viʼi vyi a vəwenə gàʼà la vəwenə diʼ viʼi ntɨm ə̀ Yesò alì kènla vəwenə diʼ ə yen la vəwenə diʼ viʼi ə ndzɨ̀ŋsə.

Kəmwetə 3:19

Mà kəŋkə̀ be ku ngəʼ à viʼi vi a mà ə kòŋə̀. Ghə̀ŋ ə nlɨ̀mtə̀ ə̀ bè kwitə tətyɨm ə təŋtə fà ghə̀ŋ ə mbyɨsə.