Kəmwetə 2:16 - The New Testament in the Babanki language

¹⁶ Ghə̀ŋ kaʼsə tətyɨm ə təŋtə fà ghə̀ŋ ə mbyɨsə luwèn a bwen a lì, kò kəghaf kə à dyʉ̀ ke mà vi a kəshi yì a ghə̀ŋ ə diʼì tsu ə̀ sòyn viʼi a vyi nə̀ nyì ngwoləŋ a ghə̀ fʉ̀ fà mò a chʉ̀.

Kəmwetə 2:16 ပူးပေါင်းရင်းမြစ်များ

Efisyàns 6:17

Ghə̀ŋ lyɨ̀ əbwoŋə yì a Nyìngòŋ ə bwoŋsə ghə̀ŋ a nə̀ əsòʼ ghòŋ ə lyɨ̀ fənyì fifə a kəzhwì kə əku. Fənyì a fifə diʼ to ə̀ əgaʼa Nyìngòŋ.

2 Tèsàlonyà 2:8

Və lyisə wìʼ na ghèn fa ji, wù ətyɨm ə byɨghə na ghèn fʉ. Bobo Yesò lu vi no tèbe achʉʼ ə ko ə zhwi wen nə̀ kəzhwì mu kə fʉ fa wen a chʉ̀, benə əbayn ə ghoʼoghə ə wen.

Kəmwetə 1:16

Ghə̀ ə̀ ndìʼ mu ghə̀ ghàʼa mədzɨ̀ŋ la sòmbo a wen ə kəvu kə kwoŋ ə toghə, nyì ngwoləŋ diʼ a ghə̀ fʉ fà wen ə chʉ̀. Əkə̀ʼ ə wen ə baynə to nə̀ əchʉ zhʉ a zhʉ a chwìchwì ə bayn li ntò.

Kəmwetə 16:9

Əlɨ̀m əchʉzhʉ a ghə̀ nyùʼù vəwenə mfànsə̀, vəwenə mù sə telə̀ Nyìngòŋ yì a ghə̀ ə kiʼì kədyòʼ əku ngəʼsə asènsə, kènla vəwenə kwitə li tətyɨm tə vəwenə fà vəwenə a mbyɨsə nghoʼsə̀ Nyìngòŋ.

Kəmwetə 19:15

Ə nyì ngwələŋ tsen fʉ̀ fa wen əchʉ̀, lyɨmə no nànto, ghə̀ diʼ ə soyn ə zhɨ təloʼ tətsèm nə̀ wen. Ghə̀ ne ə̀ nsoʼo vəwenə kədyoʼkə, ghə̀ ne jèʼ ə tùʼlə vəwenə dìʼ tin ə fwi ə̀ Nyìngòŋ ə Tìʼ àdyoʼ ətsèm.

Kəmwetə 19:21

Wìʼ yì a ghə̀ ə̀ ŋwʉʼ a kwi əlyəŋ yì shyələ̀ zhwilə viʼi a və̀ mfaŋə̀ nə̀ nyì ngwələŋ yì a ghə̀ mfʉ fà wen əchʉ̀ lì. Mənyin no ntsèm ə pfiʼ njòsə̀wèn ə̀ vəwenə kwʉ̀ʼ tò ando mə̀ nkòŋə̀.

Kəmwetə 2:12

Ghə̀ bè gàʼ à mò la, Nyoʼo à ntsɨ̀ŋ ngə̀ŋ Nyìngòŋ yì a ghə̀ diʼì a ntsèntə̀ viʼi və byɨməvə a Belgamum la: Ntɨm ghèn lù fà wìʼ yì a ghə̀ ə kiʼì nyì ngwoləŋ ə lyɨmə lì.

Kəmwetə 2:5

Ghə̀ŋ kwoʼtə jì a ghə̀ŋ ə̀ ndìʼ fa tsu a mbì mibu ə fəŋ, ə̀ kwitə tətyɨm ə təŋtə fà ghə̀ŋ ənyʉ̀ byɨvə nshyèʼè ando ghə̀ŋ ə̀ nshwèʼè a mbì. Ghə̀ŋ sətsèn ə̀ fàŋ ke kwitə tətyɨm ə təŋtə fà ghə̀ŋ ə mbyɨsə, mà à vì ə̀ lyèsə̀ kəfo kəŋkə̀ kì a və shɨtə̀ sə tomə kənkàʼtə̀ à yi kətʉ lì fà yi kəshi.

Kəmwetə 22:20

Yi a ghə̀ shə̀ʼtə nyʉ̀ na venə gàʼ la, “Kə diʼ nəmwèʼè. Ma vi to luwen!” Amèyn. Vi a Bobo Yesò!

Kəmwetə 22:7

Yesò gàʼ la, “Ghə̀ŋ zhʉtə, ma vi to luwen. Njùŋ nə̀ diʼ a viʼi vyi a və zhʉ ə wʉ̀ nyʉ̀ vyi a və diʼi a ŋwàʼlə̀ ntɨm Nyìngòŋ ə ashə.”

Kəmwetə 3:19

Mà kəŋkə̀ be ku ngəʼ à viʼi vi a mà ə kòŋə̀. Ghə̀ŋ ə nlɨ̀mtə̀ ə̀ bè kwitə tətyɨm ə təŋtə fà ghə̀ŋ ə mbyɨsə.