Kəmwetə 2:14 - The New Testament in the Babanki language

¹⁴ Alì, ənyʉ̀ ə diʼ ə̀ shyə̀ʼ alə̀ a mà ghàmə̀ ghə̀ŋ tsu: Ghə̀ŋ vətsenvə dzɨ̀mtə̀ əziʼi Balàm a ghə̀ ə̀ ndìʼsə̀ Balak, ghə̀ sə nè la viʼi Islel ə nzhɨ ə̀fo a və moʼò à vənyìngòŋ be tsi nə̀ ki ko wenə̀ lʉmə a ko kiʼ vəwenə.

Kəmwetə 2:14 ပူးပေါင်းရင်းမြစ်များ

Matìyò 18:7

Ngəʼ ghoʼo diʼ a mbi byìʼì nyʉ̀ vyi a və nè la viʼi ə nè mbyɨ. Nyʉ̀ avenə diʼ ne nlyɨ̀ kəshi alì ngəʼ ghoʼo diʼ à wìʼ yì a ghə̀ nè la nyʉ̀ avenə nlyɨ̀ kəshi.

Shwèʼ 15:29

Kə ghə̀ŋ à zhɨ̀ fozhɨvə a və moʼò li a nə̀ kəku à vənyìngòŋ; kə ghə̀ŋ a nyʉ mənlyuŋ kò pfiʼ nyàm a və sɨŋsə̀ sɨŋsə; kə ghə̀ŋ a tsi nə̀ ki ko nə̀ lʉmə, a ko kiʼ ghə̀ŋ. Ghə̀ŋ a ndiʼ tò a nkàyn a zhʉ a ghə̀ŋ sətsèn ghʉ̀ nyʉ̀ venə a yès ə gàʼà lə̀. Ghə̀ŋ faŋ lì.

Shwèʼ 21:25

Yes ntɨm li ŋwàʼlə̀ à viʼi tɨm vi a və sə diʼ viʼi vəbyɨməvə la, yès ghʉ li la kə wìʼ fà tsu a nzhɨ kəfo a kə sə diʼ mu və moʼò li a nə̀ kəku à vənyìngòŋ, bè gàʼ la kə vəwenə a nlo mənlyuŋ kò pfiʼ nyàm a və sɨŋsə̀ sɨŋsə, bènə̀ la kə wìʼ fa tsu lù tsì nə̀ wùwì kò nə̀ wulɨm a ko diʼ ghə̀ wen.”

Lumans 11:9

Devìt ə gaʼa ə gàʼ la ghə̀ jɨ̀mə̀ la, “Əfo ə zhɨvə ə vəwenə kaʼkə a ələ ə ne vəwenə fəŋ, Nyìngòŋ ə be ku ngəʼ a vəwenə.”

Lumans 14:13

Kə vəghəŋ be soʼo vəlemə və vəghəŋ vətsenvə. Kə bòŋ la vəghəŋ ə boŋsə ghʉ̀ la vəghəŋ ko lu be nè tebè kənyʉ̀ ə taʼsə lèmə̀ ə tsen la ghə̀ nè mbyɨ.

Lumans 14:21

Kə bòŋ la kə wìʼ a pfiʼ nyàm kò nyʉ məlyʉ̀ʼ kò nè no tèbe ghò azhʉ̀ a kə zizi kə nè la lèmə̀ wen fəŋ fa wen a byɨmə.

Lumans 9:32

Vəwenə ə gho ə ghaʼ byìʼì ando vəwenə ko tə ə kiʼi əbyɨmə a Nyìngòŋ, boŋsə kwoʼtə la vəwenə zizi və ndiʼ ti a nkàyn ashɨ Nyìngòŋ byìʼì shwèʼ. A lə kənyʉ̀ ki a vəwenə tə kòyntə a kwi ngùʼ yi a viʼi nə̀ kòyntə tsu;

1 Kolìntyàns 1:23

ali fa yès, yès boŋsə shə̀ʼtə̀ to kənyʉ̀ kumə Yesò a və mbayntə. Kənyʉ̀ na kènkə zàfə viʼi Jus, a diʼ kənyʉ̀ kə kəkoyn a viʼi ətɨm.

1 Kolìntyàns 7:2

Alì byìʼì ando mwòmsə ə zizi ghə̀ vi, a wìʼ ghə̀ kwen a ntsìnə̀ kəfwaʼlə, ma sə gàʼa la no tèbe wulɨm ə kò diʼ ə lam wi wen, no tèbe wùwì ə kò be diʼ lam lɨmə wen.

Hibùlù 13:4

Ghə̀ŋ ə̀ nshɨtə ghaʼa kənyʉ̀ ki a Nyìngòŋ ə gàʼa kumə làm. Kə wìʼ ə lu əwʉ̀sə lɨmə wen kò wùwì wen ə dyʉ̀ ntsì wenə wù kədyàŋ. Ghə̀ŋ kɨli la Nyìngòŋ ə lu soʼ no ndò yi a ghə̀ tsi a ji na ghèn ə soʼo no tèbe ndò ə tsen yi a ghə̀ tsi ntsìnə̀ kənfwàʼlə̀ wenə və ki ko lʉmə.

1 Bità 2:8

Və be ə nyòʼo a Ŋwàʼlə̀ Nyìngòŋ la: “A diʼi ngùʼ, viʼi kaŋtə tsu, a diʼ təwu, diʼ ə nè la viʼi ə foŋkə”. Viʼi ə kaŋtə tsu byìʼì ando vəwenə ko zhʉ tebè ntɨmə Nyìngòŋ, a diʼ kənyʉ̀ ki a Nyìngòŋ ə ghʉ̀ li la vəwenə nè.

2 Bità 2:15

Vəwenə moʼtə li ji ə jùŋ sə jèʼe fa ji ə̀ Balàm, ə wàyn Beyò yi a ghə̀ ə kòŋ əko yi a ghə̀ ə nkiʼ, fa nyʉ̀ ə byɨvə vyi a ghə̀ nè.

Ŋwàʼlə̀ Jud 1:11

Ngəʼ ə ghoʼo ə diʼ a vəwenə a kətʉ! Vəwenə ə tsi tò ntsìnə̀ yì a Keyn ə ntsi ə zhwi lèmə̀ wen. Vəwenə ə nyɨŋə to fa bàm əko ando Balàm ə nyɨŋə. Vəwenə nto kətʉ ə tyen ə zhʉ Nyìngòŋ to nə̀ Kolà, ghə̀ sə diʼ ə byɨbsə vəwenə to ando ghə̀ ə mbyibsə Kolà.

Kəmwetə 2:20

Alì mà ghàmə̀ ghə̀ŋ to kənyʉ̀ kènkə kə mùʼ: la ghə̀ŋ ə ghʉsə li wùwì ghèn ə Jezebel a ghə̀ gàʼà la yì dìʼ ə nshə̀ʼtə̀ ghoʼo, ghə̀ sə lobtə̀ viʼi shyèʼ mò la vəwenə ntsi nə̀ ki ko nə̀ lʉmə à ko kiʼ vəwenə. Ghə̀ be nè la vəwenə nzhɨ ə̀fo zhɨvə a və moʼò vənyìngòŋ tsu.

Kəmwetə 2:4

alì mà ghàmə̀ ghə̀ŋ a kənyʉ̀ kènkə kə mùʼ lə, la ghə̀ŋ ko bè kòŋə̀ mò ando ghə̀ŋ tə nkòŋə̀ fa mbì.

Kəmwetə 21:8

A viʼi vyi a və əfwanə nə̀ viʼi vyi a və ko byɨmə a mò, nə̀ viʼi vyi a və nè nyʉ̀ vyi a və ko diʼ nə̀ laynə ə, nə̀ viʼi a və zhwilə viʼi nə̀ viʼi a və tsi nə̀ ki kò wenə lʉ̀mə, a kokiʼ vəwenə, nə̀ viʼi fənyoʼ nə̀ viʼi a və gumlə nshəʼsə nə̀ viʼi ə zho dzɨŋ no və tsèm, vəwenə nə̀ kiʼ kəshi kə ə vəwenə a nkwòŋ yi a əzhiʼ nə̀ bole tsu li mu və mòʼo li mɨ̀kayn tsu. Kəshi na kènkə le diʼ kənkùmtə̀ kə pfʉ.”

Kəmwetə 22:15

Alì viʼi vyi a və fàŋ abàm ə mbàyn nə̀ diʼ viʼi vyi a və nè nyʉ̀ kəməŋ nə̀ viʼi fənyoʼ nə̀ viʼi vyi a və tsi nə̀ ki kò lʉ̀mə, a ko kiʼi vəwenə nə̀ viʼi vyi a və zhwilə viʼi vətsenvə ne viʼi a və gumlə nshəʼsə nə̀ viʼi vyi a və zhodzɨ̀ŋ be nè nyʉ̀ ə dzɨŋ.