Kəmwetə 2:10 - The New Testament in the Babanki language

¹⁰ Ghə̀ŋ zhʉtə a! Kə ghə̀ŋ à fàyn ə̀ ngəʼ yì a ghə̀ŋ diʼi ne kwen tsu. Deblə̀ ne nè la və ghaʼ ghə̀ŋ vətsenvə we a mfɨŋ ə ghə̀ŋ yenə ngəʼ tsu a mətsi wum, à dìʼ tò mwòmsə̀ a ghə̀ vì à ghə̀ŋ. Və ndiʼ zhwi ghə̀ŋ tè zhwi, ghə̀ŋ ə nchoʼsə̀ tò mò, mà nè ku ə̀bwòŋ yi a ghə̀ ko lu mè à ghə̀ŋ a diʼ kəfo kì a ghə̀ŋ ə soynə zhɨ.

Kəmwetə 2:10 ပူးပေါင်းရင်းမြစ်များ

Matìyò 10:22

Viʼi lu ə bàynə̀ ghə̀ŋ tò və tsèm byìʼì mò, alì mu à wensə no ndo ə zaʼa kəmwetə, ghə̀ a bwoŋ.

Matìyò 10:28

Kə ghə̀ŋ ə fàyn viʼi vyì a və zi ə və zhwì toʼ kətsoʼ kəwen ə wìʼ, alì mu və zi ko və zhwi kəzhwì kə wen. Ghə̀ŋ nə̀ bòŋsə fàyn tò Nyìngòŋ. Ghə̀ kiʼ kədyòʼ ə byɨsə kəzhwì kə wìʼ nə̀ kətsoʼ kə wen a zhìʼ.

Matìyò 24:13

No ndò a ghə̀ sətsèn lù wensə nyʉ̀ avenə əzaʼa kəmwètə lu bwoŋ.

Ŋwàʼlə̀ Mak 13:13

Viʼi vətsèm lu bàyn ghə̀ŋ tò byìʼì mò, alì no ndò a ghə̀ lu ghaʼ tyɨm əzaʼa fa kəmwètə, Nyìngòŋ lu bwòŋsə wen.”

Ŋwàʼlə̀ Mak 8:35

byìʼàndo no ndò a mwòmsə̀ ə bwòŋsə̀ ngə̀ŋ kətʉ wen ghə̀ a pfʉ alì mu à pfʉ̀ no ndò byìʼì mò nə̀ ntɨmə jùŋə ghom mu ghə̀ a bwòŋ.

Ŋwàʼlə̀ Luk 21:12

Nyʉ̀ a venə lu sə nchò mu və ghaʼtəli ghə̀ŋ a loʼ ntsentə və Jus ə be wye ghə̀ŋ a mpfɨŋ. Və lu kyè ghə̀ŋ ə dyʉ̀ nə̀ ghə̀ŋ a shɨ təfòyn tə bènə̀ viʼi a və soʼ tò byìʼì mò.

Joyn 12:25

A kòŋ no ndo ə tsi a mbyi ashə, a ghə̀ pfʉ, a ə baynə no ndò ə ntsi a mbyi ashə, a ghə̀ lù kiʼi ə ntsìnə̀ yì a ghə̀ ko lu mè.

Joyn 13:2

Və ne sə zhɨ̀ azhʉ̀ pfwomə, a diʼ ali mu Deblə̀ ku li əkwoʼtə a Judàs Iskalìyòt, ə wàyn Simùn, la ghə̀ baʼlə Yesò.

Joyn 13:27

Judàs ə sə shi vi nə̀ kəbayn a kì a alə, Satan kwen a wen ə tyɨm. Yesò ə gàʼ a wen la, “Zaŋsə nè kənyʉ̀ kì a wù kəŋ ə nè.”

Shwèʼ 20:24

A kòŋ à cho tè ghò nə̀ mò, mà diʼi myètə shwèʼ yi a Bobo Yesò tə kù la mà ə nè. Shyèʼ ayi diʼ la mà shə̀ʼtə̀ ntɨm jùŋ byìʼì boŋə tyɨmə a Nyìngòŋ kìʼ a viʼi.

Shwèʼ 21:13

alì Bol bwènsə̀ gàʼ la, “Ghə̀ŋ ə nè ghò lə̀? Byìʼì ghò a ghə̀ŋ ə ku ngəʼ à mò a tyɨm a? Mà ko kə̀ʼtə̀ ə və kwiʼ mò tò kwiʼi a Jelusalèm, mà kə̀ʼtə̀ əpfʉ tè pfʉ byìʼì Bobo Yesò.”

1 Kolìntyàns 9:25

Nò ndò nə̀ zhʉsə shəmə kənyʉ̀, ghə̀ sə ziʼi ə nè kənyʉ̀ na kì, shɨtə ghaʼa wèn ə wen to ji sətsèm. Vəwenə nə̀ ne və sə ne ali ndiʼ kiʼi əmòʼtə, ko ghə̀ ndiʼ ə lu faŋ, ali vəghəŋ diʼ lù kiʼi əmòʼtə, a ghə̀ diʼ ə tsì ə faŋ.

Efisyàns 2:2

Ghə̀ŋ ə ntsi to a mbyɨsə a sensə ando ghə̀ŋ mbo dzɨ̀mtə̀ nyʉ̀ ə mbyi, zhʉ to fa fòyn yi a ghə̀ soʼo əzhwì byɨvə vyi a və chò fa kàŋ, a diʼ kəzhwì kì a kə tisə viʼi vyi a və ko zhʉtə fa Nyìngòŋ.

Efisyàns 6:12

Ghə̀ŋ ne alə byìʼì ando vəghəŋ ko ə soynə tebè viʼi. Vəghəŋ ə boŋsə soynə əzhwì byɨvə vi a və diʼ a akàŋ nə̀ adyòʼ vi a və soʼo mbyi ghèn no ə tsèm nə̀ Vənyìngòŋ və mbyi a vəghəŋ diʼ tsu le, a və diʼ to nə̀ kəbəŋ kə fənəkə lə.

Jems 1:12

Mbwaʼmə̀ dìʼ à wìʼ yì a ghə̀ ghaʼa tyɨm a zhʉ a təmwòmsə̀ tə vì à wen. Byiʼàndo ghə̀ sətsèn ə̀ to chò təmwòmsə̀ a tèntə, ghə̀ a kiʼi əzhùʼtə̀ yi a Nyìngòŋ ə nghʉ li la ghə̀ a ku à viʼi a və kòŋə̀ wen.

1 Bità 5:4

Ghə̀ŋ ə nè alə, ndi wìʼ yi a ghə̀ diʼi to nə̀ kətʉ kə a ətsɨŋsə byisə lù bwenə vi no a tʉʼ ə ko ə ku əsòʼ ə təfòyn nə̀ əmòʼtə a ghə̀ŋ, ghə̀ baynə, ko ghə̀ lu musɨ.

1 Bità 5:8

Ghə̀ŋ ə nyʉ̀ʼ bvɨtə be ghaʼ təwen ətəŋtə byìʼì ando wù kəbàyn ghə̀ŋ a diʼ Deblə̀ nyoʼo kaʼa to nə̀ nyàm ə kəbo, bufə, kəŋ wìʼ ə mì.

Kəmwetə 13:14

Byìʼì ənyʉ̀ kanəvə avenə a Nyìngòŋ ə nghʉsə nyàm ətoʼ aghèn sə̀ nè a shɨ nyàm ətoʼ ə̀ mbì yì lì lobtə viʼi vətsèm a və̀ ntsi a nse ə̀ gàʼ la vəwenə shɨtə kənshyə̀ʼsə̀ kə nyàm ətoʼ kì a ghə̀ ə̀ nkìʼ əlyom ə toghə mu və bvàʼ nə̀ nyì ə ngwoləŋ alì ghə̀ bu sə diʼ tò to lì.

Kəmwetə 13:2

Nyàm ətoʼ ayì a mà ə̀ nyenə lì ə̀ mfʉsə̀ nyàm ə̀ kəbo, aghʉ ə wen diʼ to nə̀ aghʉ ə bi toʼ, əchʉ wen diʼ to nə̀ əchʉ abìkəŋ. Zhù ə byɨ yì ku kəfwon nə̀ kədyòʼ ə ghoʼoghə à wen.

Kəmwetə 13:7

Və nku li àdyoʼ à wen la ghə̀ soyn ə̀ zhɨ̀ viʼi Nyìngòŋ ə̀ bè ku àdyoʼ la ghə̀ soʼ viʼi ngwàʼsə sə̀tsèm, nə̀ viʼi təloʼ tə tsèm, bènə̀ viʼi a və gàʼà no əgàʼ kò ayi.

Kəmwetə 17:14

Vəwenə ne tsèntə̀ ə sə̀ʼ əsoyn a əwen wàyn bi ənjɨ̀ yì alì wàyn bi ənjɨ̀ soyn ə̀ zhɨ̀ vəwenə byìʼàndo ghə̀ dìʼ Bobo ə̀ vəbobo, be diʼ fòyn ə̀ təfòyn tətsèm, kiʼ viʼi wen a ghə̀ ə̀ ndzàŋə̀ li ə̀ bè tsuʼ vəwenə la və nzhʉmə̀ wen.”

Kəmwetə 2:13

Mà kɨ kəshi kì a ghə̀ŋ ə tsi tsu. Ghə̀ŋ ə tsi a kəshi a Satan ə soʼo əfòyn ə wen tsu. Ghə̀ŋ dìʼ no nkàyntə̀ viʼi ə vwomə, kènla ghə̀ŋ ə̀ ntɨmə̀ màʼà əbyɨmə à ghə̀ŋ ə kiʼì mò no kətsi kətsenkə. Ghə̀ŋ ə shɨ̀tə̀ ghaʼa əbyɨmə ghəŋə no tè ando və̀ nzhwì Antipàs ə ndzɨ̀mtə̀ bàm ə̀ mò afì à diʼ kəshi a Satan ə soʼo əfòyn ə wen tsu.

Kəmwetə 2:9

Mà kɨ ngəʼsə shìsə a ghə̀ŋ ə yenə. Mà kɨ la ghə̀ŋ ə femə alì diʼ viʼi vəghoʼ kəvə a kəzhwì. Mà kɨ ənyʉ̀ byɨvə a viʼi a və lyɨ̀ la vəwenə diʼ vəjew alì kèn la vəwenə ghʉ tə ziʼi tə viʼi Jus ə gàʼà byìʼì ghə̀ŋ. Vəwenə diʼ viʼi ə nòyn ə̀ Satan.