Kəmwetə 18:23 - The New Testament in the Babanki language

²³ Wìʼ ko lu be yen əbayn ə kənkàʼtə̀ ghə̀ baynə a ntə̀ʼ ghèn. Wìʼ ko lu be zhʉ gɨsə viʼi və laməvə a shyə̀. Viʼi mbàʼànkùm ə̀ ndìʼ no viʼi vəghoʼkəvə a nse, wù be lobtə̀ viʼi nə̀ əshəŋə fənyoʼ.

Kəmwetə 18:23 ပူးပေါင်းရင်းမြစ်များ

Shwèʼ 8:11

Vəwenə sə zhʉ tò fa wen byìʼàndo tʉʼ bwen a ghə̀ nzi shəŋə fənyoʼ be nè nyʉ̀ kanəvə à vəwenə a ntìntìn.

Kəmwetə 12:9

Və mòʼ shìʼsə nyàm ə fànsə ayì a nse, zhù ə mu yì a və ndzàŋə̀ nə̀ Deblə̀ bènə̀ Satan. Adiʼ wen yì a ghə̀ lobtə̀ viʼi mbyi no vətsèm. Və mòʼ shìʼsə wen a nse wenə̀ ntsɨ̀ŋsə wen tò sətsèm.

Kəmwetə 17:2

Təfòyn tə tsi li nə̀ wen fa mbi tò tətsèm. Viʼi a və tsi a nse ə nyʉ li məlyʉ̀ʼ mə kəmɨ̀ŋ ə wen mə̀ nghaʼ vəwenə.”

Kəmwetə 17:5

Və̀ nyòʼò li əzhiʼ ə̀ kanəghə tsenghə à wen əchʉ kətʉ la, “Babilòyn, ntə̀ʼ ə ghoʼo. Wù dìʼ əmpfì njèʼtə̀sə sə̀tsèm be diʼ əmpfì ənyʉ̀ byɨvə fansəvə a nse.”

Kəmwetə 18:22

Wìʼ ko lu be zhʉ ando və bʉʼʉ təlyuŋ ko əzhʉ ando və toŋə fəndoŋ nə̀ təsoŋ fà ntə̀ʼ ghèn. No wìʼ muʼ a ghə̀ shwèʼè ə̀fo nə̀ avu ko lu be ndiʼ wenə̀ wen. Və ko lu be zhʉ ando wìʼ ə bvʉ̀ kəbayn ashyə̀.

Kəmwetə 18:3

Kə diʼ alə̀ byìʼàndo viʼi mbyi no vətsèm ə nyʉ li məlyʉ̀ʼ mə wen, mə ntomə̀ mì a mə nè viʼi və tsi ntsìnə̀ kəmɨ̀ŋ wenə̀ ki. Təfòyn tə mbi tə tsi li nə̀ wen tò tətsèm, viʼi mbàʼànkùm ə mbe ghoʼkə tò byìʼ ntsìnə̀ njèʼtə̀ wen aghèn.”

Kəmwetə 18:9

Təfòyn tə mbi tì a tə̀ mbè ə̀ ntsi a tì əghoʼ be tsi ntsìnə̀ kəmɨ̀ŋ wenə̀ wen lu ndì a zhʉ a vəwenə yenə ando ghə̀ fwi fələʼ fə kuʼu.

Kəmwetə 21:8

A viʼi vyi a və əfwanə nə̀ viʼi vyi a və ko byɨmə a mò, nə̀ viʼi vyi a və nè nyʉ̀ vyi a və ko diʼ nə̀ laynə ə, nə̀ viʼi a və zhwilə viʼi nə̀ viʼi a və tsi nə̀ ki kò wenə lʉ̀mə, a kokiʼ vəwenə, nə̀ viʼi fənyoʼ nə̀ viʼi a və gumlə nshəʼsə nə̀ viʼi ə zho dzɨŋ no və tsèm, vəwenə nə̀ kiʼ kəshi kə ə vəwenə a nkwòŋ yi a əzhiʼ nə̀ bole tsu li mu və mòʼo li mɨ̀kayn tsu. Kəshi na kènkə le diʼ kənkùmtə̀ kə pfʉ.”

Kəmwetə 22:15

Alì viʼi vyi a və fàŋ abàm ə mbàyn nə̀ diʼ viʼi vyi a və nè nyʉ̀ kəməŋ nə̀ viʼi fənyoʼ nə̀ viʼi vyi a və tsi nə̀ ki kò lʉ̀mə, a ko kiʼi vəwenə nə̀ viʼi vyi a və zhwilə viʼi vətsenvə ne viʼi a və gumlə nshəʼsə nə̀ viʼi vyi a və zhodzɨ̀ŋ be nè nyʉ̀ ə dzɨŋ.

Kəmwetə 22:5

Əchʉʼ ə jɨghə ko bè lu diʼ. Vəwenə ko bè lu kəŋ tebè vəlamə kò chwìchwì byìʼì ando Bo Nyìngòŋ lu ndiʼ əbayn a vəwenə, a wenə vəwenə nə̀ soʼo əfòyn to məzhʉ̀ ə tsèm.

Kəmwetə 6:15

Təfòn tə mbi, nə̀ viʼi vəghoʼkəvə, nə̀ ə tʉtʉ vəsugyèʼ, nə̀ viʼi ə ko, nə̀ viʼi kədyòʼ, no viʼi vətsèm, əkòs nə̀ viʼi vyi a və ko diʼ əkòs ə nyɨŋkə lyòmtə̀ a təfyə̀ nə̀ a ti təghu a pfensə,

Kəmwetə 9:21

Vəwenə bè tyèn la vəwenə ko a kwitə fà əzhwi viʼi, ko fà vəwenə nyʉ̀ luʼ viʼi, ko fà vəwenə nyʉ̀ ə ku sensə, ko fà vəwenə tsoŋ.