Kəmwetə 18:2 - The New Testament in the Babanki language

² Ghə̀ zɨmə̀ gàʼ no əgɨ̀ ə to la, “Ghə̀ ə fəŋ li, Babilòyn ntə̀ʼ ə ghoʼo yì ə fəŋ li! A sə̀ diʼ kəshi a vədeblə̀ nə̀ zhwì byɨvə nə̀ mənyin mə kəmɨ̀ŋ mə mbyɨ ə tsi tsu no ntsèm.

Kəmwetə 18:2 ပူးပေါင်းရင်းမြစ်များ

Kəmwetə 1:15

Aghʉ ə wen ə so to nə̀ kəkas a və nyuʼu a chɨ kə̀ mbuŋ. Gɨ̀ wen kù to nə̀ ə̀fəŋ ə mù mə nghoʼomə̀.

Kəmwetə 10:3

Ntsɨ̀ŋ ngə̀ŋ ə̀ Nyìngòŋ ayì dzàŋ no əgɨ̀ ə to ghə̀ kù tò nə̀ gɨ̀ abìkəŋ a zhʉ a ghə̀ dì. Ghə̀ ə̀ ndzàŋə̀ no əzhʉ ə̀ kò, əghʉ bwènsə̀ bwankə̀ aghayn sòmbo.

Kəmwetə 11:8

Təbven tə vəwenə tə ne faŋ tò a ji ə to a ntə̀ʼ ghoʼo yì a və̀ mbantə Bobo ə̀ vəwenə tsu a kəntò. Viʼi vətsenvə toŋtə̀ ntə̀ʼ ayì nə̀ Sodòm ko nə̀ Ijìb.

Kəmwetə 14:15

Ntsɨ̀ŋ ngə̀ŋ ə̀ Nyìngòŋ tsen bè fʉ̀ vì fa tì ngə̀ŋ ə̀ Nyìngòŋ ə ghoʼo, dzàŋə̀ no a gɨ̀ ə to gàʼà à wìʼ yì a ghə̀ ə̀ ŋwʉʼ a kwi mbòʼ yì la, “Lyɨ fənyì fə sɨm ə̀ wu ə mpfì ə̀fo tsu byìʼàndo əzhʉ məpfì ə kwʉʼ li, ə̀fo ə nse to li ə nkwʉʼ a məpfì.”

Kəmwetə 14:8

Kənkùmtə̀ kə ntsɨ̀ŋ ngə̀ŋ ə̀ Nyìngòŋ ə tsen bè dzɨ̀mtə̀ ə̀ fʉ̀ sə̀ gàʼà la, “Babilòyn ə ntə̀ʼ ə ghoʼo yì ə fəŋ li, ghə̀ ə fəŋ li. Andiʼ wen a ghə̀ nè la təloʼ tətsèm tə nyʉ məlyʉ̀ʼ mì a mə nè la vəwenə nkòŋə̀ əntsi ntsìnə̀sə kəmɨ̀ŋ.”

Kəmwetə 16:13

Mà yen əzhwi byɨvə tsenəvə taʼ a və kə̀ʼə̀ to nə̀ təsenətə fʉ̀ ə̀ vì fa əchʉ ə̀ əzhù ə byɨ nə̀ fa əchʉ ə nyàm ətoʼ bènə̀ fa əchʉ nshə̀ʼtə̀ kənlobtə.

Kəmwetə 16:19

Və gə̀tə̀ ntə̀ʼ Babilòyn məshyə̀ ntaʼ, ə̀ byɨ̀sə ntə̀ʼsə sə̀ ghoʼkəsə no sətsèm a sə ndìʼ tsu. A le ji a Nyìngòŋ ə̀ nkwòʼtə̀ viʼi Babilòyn fa tsu ə̀ nè vəwenə nyʉ məlyʉ̀ʼ fa ndoŋ yì a ghə̀ dìʼì tin ə fwi wen.

Kəmwetə 17:18

Ghə̀ mbe gàʼ la wùwì yì a mà yen lì dìʼ ntə̀ʼ ghoʼo yì a ghə̀ soʼo təfòyn tə mbi.

Kəmwetə 17:5

Və̀ nyòʼò li əzhiʼ ə̀ kanəghə tsenghə à wen əchʉ kətʉ la, “Babilòyn, ntə̀ʼ ə ghoʼo. Wù dìʼ əmpfì njèʼtə̀sə sə̀tsèm be diʼ əmpfì ənyʉ̀ byɨvə fansəvə a nse.”

Kəmwetə 18:10

Vəwenə lu tɨmə no kəghaf ando vəwenə lu mfànə̀ la kə ngəʼ wen à kwe vəwenə ngàʼà la, “Kə fànsə̀, kə fànsə̀ à Babilòyn ə ntə̀ʼ ə ghoʼo ghèn! Ghə̀ tə̀ nkiʼ kədyòʼ kə ghoʼkə alì və̀ nlyɨ tò fəshinə fəzhʉ əku ngəʼ fànsə à wen.”

Kəmwetə 18:21

Ntsɨ̀ŋ ngə̀ŋ ə̀ Nyìngòŋ ghoʼo tsen mù lyɨ̀ ə ngùʼ ghoʼo tsen ə̀ tem a tì ə̀mu ə̀ gàʼ la, “A lè ando və lu lyɨ̀ Babilòyn ə ntə̀ʼ ə ghoʼo ghèn ə tem ə shiʼsə no nə̀ kədyoʼkə kèn la və be lu yenə wen.

Kəmwetə 5:2

Mà yen ə ntsɨ̀ŋ ə̀ ngə̀ŋ Nyìngòŋ ə ghoʼo tsen ghə̀ kiʼ àdyoʼ no ghoʼo, ghə̀ zɨmə̀ gàʼà la, “A kwʉ̀ʼ ndò ə me əbə̀ytə mɨ̀ŋ ghèn ə bòʼ ŋwàʼlə̀ ghèn a?”