Kəmwetə 18:11 - The New Testament in the Babanki language

¹¹ Viʼi mbàʼànkùm a nse ə ndì kwòʼə̀ mbi byìʼì wen byìʼàndo no wìʼ ə̀ nko bè ndiʼ əzen kəfo fà vəwenə.

Kəmwetə 18:11 ပူးပေါင်းရင်းမြစ်များ

Matìyò 22:5

Vəwenə dyʉ̀ làʼà, kò wìʼ lù ghʉ̀ kətʉ a kənyʉ̀ a yì. No ndò bòŋsə̀ sə̀ dyʉ̀ tò a wen a kəshi. Wutsen lù fʉ̀ à wen a sɨm, wutsen bòŋsə̀ lù dyʉ̀ à wen a mbàʼànkùm.

Joyn 2:16

ə dyʉ̀ a viʼi a və ə mbaʼlə̀ lato ə kàyn a vəwenə la, “Ghə̀ŋ lyɨ̀ fʉ̀ nə̀ məwenə fa ashə̀. Kə Ghə̀ŋ kaʼsə ngə̀ŋ Tìʼ ghom a wòŋ.”

2 Bità 2:3

Ndìʼsə̀sə sə ndzɨŋ a sensə ə bàŋbàŋ a ko, diʼ ne ə mò mətitì mə zɨmə, lobtə to ghə̀ŋ, shi əfo ə vəŋə. Ali Nyìngòŋ ə nzìtə̀ li sə baʼtə̀ ə byɨbsə vəwenə no fa kəghaf kədyəkə. Nyìngòŋ ko bʉnə!

Kəmwetə 18:15

Viʼi mbàʼànkùm no vətsèm a və̀ nè mbàʼànkùm wenə̀ wen lu tɨmə no kəghaf byìʼàndo vəwenə fànə̀ la kə ngəʼ wen be à kwe vəwenə. Vəwenə lu ndì be kwòʼə̀ mbi a əgɨ̀ to la,

Kəmwetə 18:20

“Ghə̀ŋ vi a ghə̀ŋ ə tsi a kàŋ, ghə̀ŋ ə nsaŋlə̀. Ghə̀ŋ ə nsaŋlə̀ a viʼi Nyìngòŋ nə̀ viʼi ə ntɨm nə̀ nshə̀ʼtə̀sə sə̀ ghoʼkəsə byìʼàndo Nyìngòŋ ə sisə li kənyʉ̀ a ghə̀ ə̀ ne à ghə̀ŋ.”

Kəmwetə 18:23

Wìʼ ko lu be yen əbayn ə kənkàʼtə̀ ghə̀ baynə a ntə̀ʼ ghèn. Wìʼ ko lu be zhʉ gɨsə viʼi və laməvə a shyə̀. Viʼi mbàʼànkùm ə̀ ndìʼ no viʼi vəghoʼkəvə a nse, wù be lobtə̀ viʼi nə̀ əshəŋə fənyoʼ.

Kəmwetə 18:3

Kə diʼ alə̀ byìʼàndo viʼi mbyi no vətsèm ə nyʉ li məlyʉ̀ʼ mə wen, mə ntomə̀ mì a mə nè viʼi və tsi ntsìnə̀ kəmɨ̀ŋ wenə̀ ki. Təfòyn tə mbi tə tsi li nə̀ wen tò tətsèm, viʼi mbàʼànkùm ə mbe ghoʼkə tò byìʼ ntsìnə̀ njèʼtə̀ wen aghèn.”

Kəmwetə 18:9

Təfòyn tə mbi tì a tə̀ mbè ə̀ ntsi a tì əghoʼ be tsi ntsìnə̀ kəmɨ̀ŋ wenə̀ wen lu ndì a zhʉ a vəwenə yenə ando ghə̀ fwi fələʼ fə kuʼu.