Kəmwetə 18:10 - The New Testament in the Babanki language

¹⁰ Vəwenə lu tɨmə no kəghaf ando vəwenə lu mfànə̀ la kə ngəʼ wen à kwe vəwenə ngàʼà la, “Kə fànsə̀, kə fànsə̀ à Babilòyn ə ntə̀ʼ ə ghoʼo ghèn! Ghə̀ tə̀ nkiʼ kədyòʼ kə ghoʼkə alì və̀ nlyɨ tò fəshinə fəzhʉ əku ngəʼ fànsə à wen.”

Kəmwetə 18:10 ပူးပေါင်းရင်းမြစ်များ

Kəmwetə 11:8

Təbven tə vəwenə tə ne faŋ tò a ji ə to a ntə̀ʼ ghoʼo yì a və̀ mbantə Bobo ə̀ vəwenə tsu a kəntò. Viʼi vətsenvə toŋtə̀ ntə̀ʼ ayì nə̀ Sodòm ko nə̀ Ijìb.

Kəmwetə 14:8

Kənkùmtə̀ kə ntsɨ̀ŋ ngə̀ŋ ə̀ Nyìngòŋ ə tsen bè dzɨ̀mtə̀ ə̀ fʉ̀ sə̀ gàʼà la, “Babilòyn ə ntə̀ʼ ə ghoʼo yì ə fəŋ li, ghə̀ ə fəŋ li. Andiʼ wen a ghə̀ nè la təloʼ tətsèm tə nyʉ məlyʉ̀ʼ mì a mə nè la vəwenə nkòŋə̀ əntsi ntsìnə̀sə kəmɨ̀ŋ.”

Kəmwetə 16:19

Və gə̀tə̀ ntə̀ʼ Babilòyn məshyə̀ ntaʼ, ə̀ byɨ̀sə ntə̀ʼsə sə̀ ghoʼkəsə no sətsèm a sə ndìʼ tsu. A le ji a Nyìngòŋ ə̀ nkwòʼtə̀ viʼi Babilòyn fa tsu ə̀ nè vəwenə nyʉ məlyʉ̀ʼ fa ndoŋ yì a ghə̀ dìʼì tin ə fwi wen.

Kəmwetə 17:12

“Ndoŋsə shìsə̀ wum a wù yì yen lì dìʼ təfòyn əwùm alì tə ko təmə̀ ə nkiʼ kədyòʼ ə nsoʼo. Və ne ku kədyòʼ ə tə soʼ to kətemə kə zhʉ kə̀ mùʼ, ə sə nsoʼo, ə nyàm yì be nsoʼo tò a zhʉ ayì.

Kəmwetə 18:18

zɨmə dì ando vəwenə yenə ando Babilòyn ə bolə̀ fələʼ fi kuʼu. “No ntə̀ʼ ə ghoʼo tsen nko təmə diʼ a nə̀ ntə̀ʼ ghèn!”

Kəmwetə 18:19

Vəwenə lu ə mpfʉ̀ʼʉ̀ kəbìʼ à vəwenə a tʉ be dì kwòʼə̀ mbi gàʼà la, “Kə fànsə̀, kə fànsə̀ à ntə̀ʼ ghoʼo ghèn a viʼi a və shyèʼè a ə̀mu ə̀ nlù ghoʼkə tò byìʼ wen lə̀. Ə̀fo vi tsentə̀ li ə̀ le tò kətemə kə zhʉ.”

Kəmwetə 18:21

Ntsɨ̀ŋ ngə̀ŋ ə̀ Nyìngòŋ ghoʼo tsen mù lyɨ̀ ə ngùʼ ghoʼo tsen ə̀ tem a tì ə̀mu ə̀ gàʼ la, “A lè ando və lu lyɨ̀ Babilòyn ə ntə̀ʼ ə ghoʼo ghèn ə tem ə shiʼsə no nə̀ kədyoʼkə kèn la və be lu yenə wen.

Kəmwetə 18:8

Kə lè dìʼì la ngəʼsə wen asènsə lu kwe wen tò kətsi kə mùʼ. Təkwaʼa tə byɨtə nə̀ ə kwòʼə mbi nə̀ əjɨ̀ŋ ə fànsə lu tsèntə̀ ə vì à wen tò ghayn ə̀ mùʼ. Və lu nyùʼ wen nə̀ əzhiʼ byìʼàndo Bobo Nyìngòŋ a ghə̀ ə soʼo wen kìʼ kədyòʼ no kə ghoʼo.”