Kəmwetə 17:2 - The New Testament in the Babanki language

² Təfòyn tə tsi li nə̀ wen fa mbi tò tətsèm. Viʼi a və tsi a nse ə nyʉ li məlyʉ̀ʼ mə kəmɨ̀ŋ ə wen mə̀ nghaʼ vəwenə.”

Kəmwetə 17:2 ပူးပေါင်းရင်းမြစ်များ

Joyn 2:10

ə gàʼ a wen la, “Viʼi nə̀ diʼ la wù boŋsə ku məlyʉ̀ʼ mì a mə bòŋ la və nyʉ̀ ambì, viʼi nyʉ̀ sə dyuʼlə, və mu vi nə̀ myimə a mə ko tuʼ ə bòŋ, wù jeʼ ale ə ghʉ̀ məlyʉ̀ʼ mə jùŋə mèn ə sə vi nə̀ məwenə luwen a?”

Kəmwetə 14:8

Kənkùmtə̀ kə ntsɨ̀ŋ ngə̀ŋ ə̀ Nyìngòŋ ə tsen bè dzɨ̀mtə̀ ə̀ fʉ̀ sə̀ gàʼà la, “Babilòyn ə ntə̀ʼ ə ghoʼo yì ə fəŋ li, ghə̀ ə fəŋ li. Andiʼ wen a ghə̀ nè la təloʼ tətsèm tə nyʉ məlyʉ̀ʼ mì a mə nè la vəwenə nkòŋə̀ əntsi ntsìnə̀sə kəmɨ̀ŋ.”

Kəmwetə 17:13

Vəwenə vi əwùm tsèntə̀ kìʼ tò əkwòʼtə̀ mùʼ diʼ ne ku kədyòʼ kə vəwenə à nyàm yì ə ghə̀ ə nsoʼo.

Kəmwetə 17:17

Kə diʼ alə̀ byìʼàndo Nyìngòŋ ə ghʉ li à vəwenə tətyɨm la vəwenə tsentə̀ nè tò kənyʉ̀ a ghə̀ kəŋə. Vəwenə ku kədyòʼ à nyàm yì la ghə̀ ə nsoʼo əzaʼa fa zhʉ a ənyʉ̀ no tsèm a Nyìngòŋ ə̀ ngaʼà ə kwʉʼ li.

Kəmwetə 17:5

Və̀ nyòʼò li əzhiʼ ə̀ kanəghə tsenghə à wen əchʉ kətʉ la, “Babilòyn, ntə̀ʼ ə ghoʼo. Wù dìʼ əmpfì njèʼtə̀sə sə̀tsèm be diʼ əmpfì ənyʉ̀ byɨvə fansəvə a nse.”

Kəmwetə 17:8

Nyàm ghèn a wù ə yenə lə̀ ə̀ ndìʼ to alì ghə̀ sə̀ diʼ mu ghə̀ pfʉ li. Ghə̀ diʼ ne fʉ̀ ə kuʼ fa nkwòŋ yì a ghə̀ ə shwemə shiʼi dyʉ̀ tò dyʉ̀ lì ə dyʉ̀ ə və byɨsə wen. Viʼi vi a və nko nyòʼ təzhiʼ tə vəwenə a ŋwàʼlə̀ ə̀bwòŋ mibu və sə shɨ̀tə mbi ne yen nyàm aghèn ə ndiʼ nə̀ əkaynə byìʼàndo ghə̀ tə̀ ndiʼ, ə̀ pfʉ ə be sə diʼ lu bwènə̀ vì.”

Kəmwetə 18:23

Wìʼ ko lu be yen əbayn ə kənkàʼtə̀ ghə̀ baynə a ntə̀ʼ ghèn. Wìʼ ko lu be zhʉ gɨsə viʼi və laməvə a shyə̀. Viʼi mbàʼànkùm ə̀ ndìʼ no viʼi vəghoʼkəvə a nse, wù be lobtə̀ viʼi nə̀ əshəŋə fənyoʼ.

Kəmwetə 18:3

Kə diʼ alə̀ byìʼàndo viʼi mbyi no vətsèm ə nyʉ li məlyʉ̀ʼ mə wen, mə ntomə̀ mì a mə nè viʼi və tsi ntsìnə̀ kəmɨ̀ŋ wenə̀ ki. Təfòyn tə mbi tə tsi li nə̀ wen tò tətsèm, viʼi mbàʼànkùm ə mbe ghoʼkə tò byìʼ ntsìnə̀ njèʼtə̀ wen aghèn.”

Kəmwetə 18:9

Təfòyn tə mbi tì a tə̀ mbè ə̀ ntsi a tì əghoʼ be tsi ntsìnə̀ kəmɨ̀ŋ wenə̀ wen lu ndì a zhʉ a vəwenə yenə ando ghə̀ fwi fələʼ fə kuʼu.

Kəmwetə 2:22

Mà a ne ghə̀ kwaʼa ə̀ nyə̀ŋmə̀ fàŋ a kukwen. Mà a ku ngəʼ ghoʼo à viʼi vyi a və tə ntsi nə̀ wen a zhʉ a vəwenə fàŋ ke kwitə tətyɨm tə vəwenə fa ənyʉ̀ byɨvə avenə a wenə̀ vəwenə nè lə̀.

Kəmwetə 3:10

Mà ne bwòŋsə ghə̀ŋ fa zhʉ ə ngəʼ yì a ghə̀ vì à mbi ə̀ tsèm ə mwòmsə viʼi vyi a və tsi a kwi nse byìʼàndo ghə̀ŋ ə zhʉ li kənyʉ̀ kì a mà ə gàʼà la, ghə̀ŋ ə wensə.

Kəmwetə 9:21

Vəwenə bè tyèn la vəwenə ko a kwitə fà əzhwi viʼi, ko fà vəwenə nyʉ̀ luʼ viʼi, ko fà vəwenə nyʉ̀ ə ku sensə, ko fà vəwenə tsoŋ.