Kəmwetə 17:17 - The New Testament in the Babanki language

¹⁷ Kə diʼ alə̀ byìʼàndo Nyìngòŋ ə ghʉ li à vəwenə tətyɨm la vəwenə tsentə̀ nè tò kənyʉ̀ a ghə̀ kəŋə. Vəwenə ku kədyòʼ à nyàm yì la ghə̀ ə nsoʼo əzaʼa fa zhʉ a ənyʉ̀ no tsèm a Nyìngòŋ ə̀ ngaʼà ə kwʉʼ li.

Kəmwetə 17:17 ပူးပေါင်းရင်းမြစ်များ

Ŋwàʼlə̀ Luk 22:22

Wàyn wìʼ ne a pfʉ ando Nyìngòŋ yi ghʉ alì ngəʼ byɨ ne ndiʼ a wìʼ a ghə̀ baʼlə wen.”

Ŋwàʼlə̀ Luk 22:3

A zhʉ a ghèn Satan kwen a tyɨm Judàs a və ndzàŋ nə̀ Iskalìyòt a ndiʼi wu muʼ fa ntìntìn ndzɨ̀mtə̀sə bàm Yesò shìʼsə njʉ̀sə̀ bò,

Ŋwàʼlə̀ Luk 22:37

Ma gàʼ à ghə̀ŋ alə̀ la kənyʉ̀ a və nyoʼo li a ŋwàʼlə̀ Nyìngòŋ la ‘Və nghʉ wen a kənyʉ̀ kə mùʼ wenə̀ viʼi nè nyʉ̀ byɨvə.’ Diʼi lyɨ̀ kəshi a mò luwèn, byìʼì la nyʉ̀ tsèm a və nyoʼo byìʼì mò sə̀ lyɨ̀ kəshi luwèn.”

Joyn 10:35

Nyìngòŋ ə sətsen ə toŋtə viʼi vyi a kənyʉ̀ kə Nyìngòŋ kə ə vì a vəwenə la, ‘Vənyìngòŋ,’ vəghəŋ ə kɨ la və zizi ko və lu kwitə kənyʉ̀ kə Nyìngòŋ,

Joyn 13:18

“Ma ko gàʼa tebè a ghə̀ŋ və tsèm. Ma kɨli ghə̀ŋ vyi a mà tsuʼ li. Alì, kənyʉ̀ kì a və nyoʼ a Ŋwàʼlə̀ Nyìngòŋ la, ‘Wìʼ ne zhɨ̀ to yo wen, sə diʼ mù ghə̀ bwenə li dzèm əwen a mò’.

Joyn 13:2

Və ne sə zhɨ̀ azhʉ̀ pfwomə, a diʼ ali mu Deblə̀ ku li əkwoʼtə a Judàs Iskalìyòt, ə wàyn Simùn, la ghə̀ baʼlə Yesò.

Joyn 19:24

Vəsugyèʼ na vyi ə gàʼ to fa vəwenə ngeŋsə la, “kə vəghəŋ a bàytə̀ ndisə na sensə. Vəghəŋ tem baʼ ə yen la a zhɨ ndò lo.” Kənyʉ̀ na kènkə ə fʉ̀ alə ndiʼ kənyʉ̀ ki a və nyoʼ a Ŋwàʼlə̀ Nyìngòŋ kwʉʼ la: “Və gətə li ndisə shomsə ə se tem baʼ, ə zhɨ̀ ndisə shomsə.” Vəsugyèʼ na vi nè to kənyʉ̀ na kèn.

Joyn 19:28

Əzhʉ ə kwʉʼ li, Yesò ə yen la no tèbe ghò ə mè li, ghə̀ sə be kəŋ ə lwinsə kənyʉ̀ kì a və nyoʼ a Ŋwàʼlə̀ Nyìngòŋ ə mu gàʼ la, “Toŋ ə mu zɨmə mò.”

2 Kolìntyàns 8:16

Ma ku Kəzòŋ kə Nyìngòŋ ando ghə̀ ne Taytùs sə kiʼi əkòŋ a ghə̀ŋ ando ma kiʼi.

Kəmwetə 10:7

byìʼì a ne ndiʼ a mətsi a yì a ntsɨ̀ŋ ngə̀ŋ ə̀ Nyìngòŋ kəmwetə fa tì ntsɨ̀ŋsə shì sòmbo ə toŋ əsoŋ wen ə Nyìngòŋ ne kənyʉ̀ kə lyomtəkə wen kì a ghə̀ ə̀ nghʉ ando ghə̀ ə̀ nshə̀ʼtə̀ à viʼi ə shyèʼ ə wen a ə̀ ndìʼ nshə̀ʼtə̀sə sə̀ghoʼkəsə.

Kəmwetə 15:1

Mà bè yèn kəchwitə kə ghoʼokə kə fànsəkə kətsenkə a kàŋ. Mà ə̀ nyen li ntsɨ̀ŋsə ngə̀ŋ ə̀ Nyìngòŋ la sòmbo, sə kiʼ ngəʼsə sòmbo, andiʼ ngəʼsə shì a sə dìʼì kəmyètə̀ kə tin ə fwi ə̀ Nyìngòŋ.

Kəmwetə 17:13

Vəwenə vi əwùm tsèntə̀ kìʼ tò əkwòʼtə̀ mùʼ diʼ ne ku kədyòʼ kə vəwenə à nyàm yì ə ghə̀ ə nsoʼo.

Kəmwetə 19:9

Ntsɨ̀ŋ ngə̀ŋ Nyìngòŋ mù gàʼ à mò la, “Nyoʼo kənyʉ̀ kènkə la, ‘Njùŋ dìʼ à viʼi vyi a və laʼà la vəwenə vi ə̀ zhɨ əlam ə wàyn bi ənjɨ̀.’” Ghə̀ bè gàʼ à mò la, “əgàʼ ghenə lù fà Nyìngòŋ, diʼ nəmwèʼè.”

Kəmwetə 6:11

Və mù kù vədàlə və fəfəvə à vəwenə no vətsèm ə̀ gàʼ à vəwenə la vəwenə be zhʉ̀tə̀ fəshitə̀ ə zaʼa a zhʉ a viʼi a vyi ne be zhwilə vəlèmə̀ vəŋə vi a wenə̀ vəwenə tə̀ ndiʼ ghə̀ŋ və wenə mu kuʼ a muʼu kuʼ ə̀ kwʉ̀ʼ.