Kəmwetə 16:14 - The New Testament in the Babanki language

¹⁴ Əzhwi byɨvə avenə ndìʼ vədeblə̀ a və̀ njèʼè dìʼì əchwitə kanəvə. Əzhwi a vyi ə̀ njèʼè dyʉ̀ no à təfòyn tə tsèm a mbi ə tsèntə vəwenə a kəshi kə mùʼ ə vəwenə baʼtə̀ soyn a kətsi kə ghoʼokə Nyìngòŋ ə Tìʼ àdyoʼ ə̀ tsèm.

Kəmwetə 16:14 ပူးပေါင်းရင်းမြစ်များ

Matìyò 24:14

Və lu shə̀ʼtə̀ ntɨm jùŋə byìʼì soʼ Fòyn Nyìngòŋ a mbi ghèn no tsèm ndi viʼi təloʼ no tətsèm kɨ nəmwèʼè fa yi a bàm zhʉ mu kwʉ̀ʼ ə mbi me.

Matìyò 24:24

byìʼàndo viʼi vi a Nyìngòŋ ntsuʼ li ə̀ ghʉ və kənlobtə nə̀ nshə̀ʼtə̀sə kənlobtə lu fʉ̀ a tʉʼ ayì, ə nè chwitə fàynsə və be mwòmə̀ nyʉ̀ kaynəvə mwòmsə tò la vəwenə lè zì və lobtə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lì lo.

Ŋwàʼlə̀ Mak 13:22

Və Klistò və kənlobtə̀ bènə̀ nshyə̀ʼtə̀ sə kənlobtə̀ lu fʉ̀ a tʉʼ ayì ə ndìʼì chwitə be mwòmə̀ nyʉ̀ kanəvə ndi mwòmsə̀ əyen la vəwenə zì və dzɨŋsə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lo.

Ŋwàʼlə̀ Luk 2:1

A bè ndiʼ a tʉʼ ayì mu fòyn Augustus kuli soʼ la və nyoʼ təzhiʼ tə viʼi no vətsèm a tə̀loʼ tə̀tsèm a ti nə̀ Lum.

Joyn 8:44

Ghə̀ŋ diʼ vunə tìʼ ghə̀ŋ, ə Deblə̀, kəŋ ə nè to kənyʉ̀ ki a tìʼ ghèn ə kòŋ la ghə̀ŋ ə nè. Ghə̀ ə nzhwi viʼi no fa kənzìtə̀ kə mbi, ko andiʼ la ghə̀ kòŋ nəmwèʼè byìʼàndo ghə̀ diʼ wu ndzɨŋ. A diʼ a zhʉ a ghə̀ zhò ndzɨŋ ghə̀ diʼi ntsìnə̀ wen byìʼàndo ghə̀ diʼ wù ndzɨŋ, be diʼ to no tìʼ ndzɨŋ.

Lumans 1:8

Ma cho mbi, əku kəzòŋ a Nyìngòŋ yi a ma kùʼsə̀ be shyèʼ a wen əchò fa a Yesò Klistò ando ghə̀ ne viʼi sə gaʼa kumə əbyɨmə ə ghəŋə to mbyi ə tsèm.

2 Tèsàlonyà 2:9

Wù nyʉ̀ ə byɨvə na ghèn lu vi nə̀ kədyoʼkə, mu a ku Satan ə kumə nè nyʉ̀ ə kaynə və ə tsenəvə, diʼi nchwisə ndzɨŋ sə tsensə a viʼi.

1 Timotì 4:1

Kəzhwì kə Ŋwòʼəkə ə diʼi laynsə la, à lu ə dìʼ a mətsi mə kəmwetə, ə viʼi vətsenvə tensə ko və mbe byɨmə əziʼi yi a ghə̀ diʼ nəmwèʼè byìʼì Yesò Klistò ə nə̀ bòŋsə byɨmə əziʼi ə ndzɨŋsə yi a əzhwì ə byɨvə ə ku.

Jems 3:15

Nki tof aghenə ko lù fà kàŋ. Ghə̀ lù fa nse ashə̀, kenla àdìʼ ə tof ə kəzhwì kəŋwoʼəkə, adìʼ tof ə Deblə̀.

1 Joyn 5:19

Vəghəŋ ə kɨ la vəghəŋ dìʼ vunə Nyìngòŋ no tè ando mbi tsèm dìʼ a ti soʼ Deblə̀.

Kəmwetə 12:9

Və mòʼ shìʼsə nyàm ə fànsə ayì a nse, zhù ə mu yì a və ndzàŋə̀ nə̀ Deblə̀ bènə̀ Satan. Adiʼ wen yì a ghə̀ lobtə̀ viʼi mbyi no vətsèm. Və mòʼ shìʼsə wen a nse wenə̀ ntsɨ̀ŋsə wen tò sətsèm.

Kəmwetə 13:3

Kətʉ kə nyàm akì kətsenkə nkə̀ʼə̀ tò sə kənkiʼi li əlyom ə fansəghə alì mu və nchʉʼ li, viʼi vətsèm a nse sə̀ diʼ nə̀ kaynə mù sə̀ dzɨ̀mtə̀ dyʉ̀ tò nə̀ nyàm ayì.

Kəmwetə 16:16

Əzhwi byɨvə avenə ntsèntə̀ təfòyn a tèntə a kəshi kətsenkə a və dzàŋə̀ a əgàʼ Hibùlù nə̀ Almagedòn.

Kəmwetə 16:7

Mà bè zhʉ ando gɨ̀ ə dì fʉ vì fa əshyə kəchiʼ kə kəku la, “No nəmwèʼè, a Bobo Nyìngòŋ ə̀ Tìʼ àdyoʼ ə̀ tsèm, wù soʼo nsoʼsə shyə̀sə tò nəmwèʼè, be soʼo tò a ji ə tɨmə!”

Kəmwetə 17:14

Vəwenə ne tsèntə̀ ə sə̀ʼ əsoyn a əwen wàyn bi ənjɨ̀ yì alì wàyn bi ənjɨ̀ soyn ə̀ zhɨ̀ vəwenə byìʼàndo ghə̀ dìʼ Bobo ə̀ vəbobo, be diʼ fòyn ə̀ təfòyn tətsèm, kiʼ viʼi wen a ghə̀ ə̀ ndzàŋə̀ li ə̀ bè tsuʼ vəwenə la və nzhʉmə̀ wen.”

Kəmwetə 20:8

ghə̀ fʉ ə̀ vì ə̀ dyʉ̀ ə lobtə təloʼ tə təshyə tə mbi tèn təkàʼ andiʼ Gog wenə̀ Magog la vəwenə tsentə a kəshi kə mùʼ ə̀ soyn. Viʼi təloʼ avenə lu ghoʼo to nə̀ kəsese kə̀ a mu mə nghoʼomə̀.

Kəmwetə 3:10

Mà ne bwòŋsə ghə̀ŋ fa zhʉ ə ngəʼ yì a ghə̀ vì à mbi ə̀ tsèm ə mwòmsə viʼi vyi a və tsi a kwi nse byìʼàndo ghə̀ŋ ə zhʉ li kənyʉ̀ kì a mà ə gàʼà la, ghə̀ŋ ə wensə.

Kəmwetə 6:17

Kə diʼ a lə̀ byìʼe kətsi kə ghoʼkə vəwenə diʼ tin ə fwi ə̀ vəwenə vi li a no wìʼ muʼ ko zì ghə̀ nyɨŋ.”