Kəmwetə 15:1 - The New Testament in the Babanki language

¹ Mà bè yèn kəchwitə kə ghoʼokə kə fànsəkə kətsenkə a kàŋ. Mà ə̀ nyen li ntsɨ̀ŋsə ngə̀ŋ ə̀ Nyìngòŋ la sòmbo, sə kiʼ ngəʼsə sòmbo, andiʼ ngəʼsə shì a sə dìʼì kəmyètə̀ kə tin ə fwi ə̀ Nyìngòŋ.

Kəmwetə 15:1 ပူးပေါင်းရင်းမြစ်များ

Kəmwetə 10:3

Ntsɨ̀ŋ ngə̀ŋ ə̀ Nyìngòŋ ayì dzàŋ no əgɨ̀ ə to ghə̀ kù tò nə̀ gɨ̀ abìkəŋ a zhʉ a ghə̀ dì. Ghə̀ ə̀ ndzàŋə̀ no əzhʉ ə̀ kò, əghʉ bwènsə̀ bwankə̀ aghayn sòmbo.

Kəmwetə 11:14

Ghə̀ŋ zhʉtə a! kənkùmtə̀ kə ngəʼ kə cho li, ghətsen bè dìʼ a məvì tò luwèn.

Kəmwetə 14:10

ne be nyʉ məlyʉ̀ʼ mə ntomə̀ a və ko ə̀ fɨ̀ŋ a diʼ tin ə fwi ə̀ Nyìngòŋ. No ndò fa vəwenə ne yen ə ngəʼ a zhìʼ nə̀ məkàyn mə nyʉ̀ʼlə mə a shɨ ntsɨ̀ŋsə ngə̀ŋ ə̀ Nyìngòŋ sə ŋwoʼəsə wenə̀ wàyn bi ənjɨ̀.

Kəmwetə 14:19

Ntsɨ̀ŋ ngə̀ŋ ə̀ Nyìngòŋ ayì mù və̀ŋ ə̀ kaʼsə nə̀ fənyì fə sɨm ə wen a nse ə̀ kwòŋ ashɨ lamsə̀ lwi nə̀ fəwenfə we shìʼsə a nkwòŋ yì ndi və tùʼlə to a ji a Nyìngòŋ dìʼ tin ə fwi wen à viʼi.

Kəmwetə 16:1

Mà mù bè zhʉ̀ gɨ̀ to ghə̀ gàʼà fʉ̀ fa tì ngə̀ŋ Nyìngòŋ ə ghoʼo yì à ntsɨ̀ŋsə ngə̀ŋ Nyìngòŋ shì sòmbo la, “Ghə̀ŋ dyʉ̀ ə̀ shʉ̀ʼ ə̀ shìʼsə ngəʼsə shì fa əkaŋ vi sòmbo a nse a sə dìʼì tin ə fwi ə̀ Nyìngòŋ.”

Kəmwetə 17:1

Fa tsu, ntsɨ̀ŋ ngə̀ŋ ə̀ Nyìngòŋ tsen fa tì ntsɨ̀ŋsə ngə̀ŋ Nyìngòŋ shì sòmbo sə nkiʼ əkaŋ vi sòmbo vì ə̀ gàʼ à mò la, “Vi mà diʼ jì à wù a və ne ku ngəʼ à fòyn njèʼtə̀sə yì a diʼì loʼ yi a və bwomə̀ a mbyɨ̀ təfwan tə a mù no tə ghoʼo.

Kəmwetə 19:15

Ə nyì ngwələŋ tsen fʉ̀ fa wen əchʉ̀, lyɨmə no nànto, ghə̀ diʼ ə soyn ə zhɨ təloʼ tətsèm nə̀ wen. Ghə̀ ne ə̀ nsoʼo vəwenə kədyoʼkə, ghə̀ ne jèʼ ə tùʼlə vəwenə dìʼ tin ə fwi ə̀ Nyìngòŋ ə Tìʼ àdyoʼ ətsèm.

Kəmwetə 21:9

Ntsɨŋ Nyìngòŋ ə tsen fa ti ətsɨŋsə Nyìngòŋ shì sòmbo a sə nkiʼi əkaŋ vi sòmbo mu və lwinsə li nə̀ ngəʼ sə kəmwetə sisə tsu sòmbo li ə vi gàʼ a mò la “Vi, mà diʼ wùwì We Njɨ̀ a wù a diʼ ntsèntə̀sə viʼi vəbyɨmə və”

Kəmwetə 8:13

Mà mù sə ki ə̀ yèn bole ghə̀ tànə̀ chò fa kàŋ dì no a gɨ̀ to gàʼà la, “Ndòyn, ndòyn, ndòyn dìʼ à viʼi vyi a və diʼì a nse a zhʉ a təsoŋ tə gàʼà a ntsɨ̀ŋsə sènsə sətaʼ sə̀ diʼ a mətoŋ lə̀.”

Kəmwetə 8:2

Mà mù yèn ntsɨ̀ŋsə ngə̀ŋ Nyìngòŋ shìsə sòmbo a sə nti a shɨ Nyìngòŋ lì mu və ku li təsoŋ sòmbo à vəwenə.

Kəmwetə 8:6

Ntɨ̀ŋsə ngə̀ŋ ə̀ Nyìngòŋ shì sòmbo a və kìʼ təsoŋ tì sòmbo mù sə̀ bvʉ̀tə̀ ə toŋ.

Kəmwetə 9:20

Viʼi vətsenvə vi a ngəʼsə asènsə nko zhwì vəwenə lì, tyen la vəwenə ko a kwitə fà vəwenə mbyɨsə. Vəwenə mfaŋ li sə ghoʼsə̀ tò vədeblə̀ bènə̀ mənyo mì a və shɨtə̀ nə̀ gul nə̀ silva bènə̀ kəkas kətsen a kə bàŋə̀ baŋə, ə̀ shɨ̀tə̀ mətsenə nə̀ ngùʼ, bè shɨ̀tə̀ mətsenə nə̀ nkòʼ, à diʼ ə̀fo və ko yenə shi, ko ə nzhʉ ənyʉ̀ kènla və jèʼè.