Kəmwetə 14:7 - The New Testament in the Babanki language

⁷ Ntsɨ̀ŋ ngə̀ŋ ə̀ Nyìngòŋ ayì ə̀ nzɨmə̀ gàʼà no a gɨ̀ to la, “Ghə̀ŋ ə̀ nghoʼsə̀ Nyìngòŋ byìʼe əzhʉ kwʉʼ li ə ghə̀ soʼ viʼi. Ghə̀ŋ ghoʼsə̀ wen yì a ghə̀ ə̀ nshɨ̀tə̀ kaŋ nə̀ nse nə̀ ə̀mu mə ghoʼomə̀ bènə̀ ashɨ a mu nfʉ fa tsu.”

Kəmwetə 14:7 ပူးပေါင်းရင်းမြစ်များ

Matìyò 25:13

Yesò gàʼ a lì mù gàʼ la, Ghə̀ŋ sə ŋwʉʼ lì, ghə̀ŋ ntsi kə̀ʼə̀ byìʼàndo ghə̀ŋ ko kɨ̀ kətsi ko zhʉ yi a Wàyn Wìʼ lu bwènə̀ vì.”

Ŋwàʼlə̀ Luk 17:18

Kə lè dìʼ la no wìʼ fà vəwenə ntìntìn ko yi kwòʼtə̀ əbwenə vyi ku kəzòŋ be kuʼsə Nyìngòŋ, a bwen tò wù kətɨm ghèn mu lo?”

Shwèʼ 14:15

“Viʼi ndoŋsə yès, ghə̀ŋ ə nè ghò lə̀? Yès dìʼ viʼi tò nə̀ ghə̀ŋ. Yès ə vì nə̀ ntɨm ə jùŋ à ghə̀ŋ ənè la ghə̀ŋ ghʉsə vənyìngòŋ və ndzɨ̀ŋsə venə ə̀ bwènə̀ vì à Nyìngòŋ a ghə̀ faŋə̀ to ghan ə̀ mùʼ, àdìʼ Nyìngòŋ ghèn a ghə̀ bwomə kàŋ wenə̀ nse, nə̀ mu mə nghoʼo mə̀, bènə̀ no ghò a ghə̀ diʼì a shi avenə.

1 Bità 4:7

Ghə̀ŋ ə shɨtə ghaʼa təwen ətəŋtə be bvɨtə ə njɨ̀mə̀ byìʼì ando kəmwetəkə mbi kə boʼsə li.

Kəmwetə 11:13

Nse shen no mwèʼè mwèʼè, tò a zhʉ ayì ə̀ bə̀ytə̀ əshyə ntə̀ʼ muʼ fa tì təshyə wum ə̀ zhwilə viʼi nkamsə sòmbo. Əfàyn ə vì a tətyɨm ə̀ viʼi vyi a və mfaŋə̀ tsu lì no nànto vəwenə mù sə ku əghoʼsə à Nyìngòŋ yì a ghə̀ diʼì a kàŋ.

Kəmwetə 11:18

Tinsə viʼi vyi a və ko kɨ̀ wù tə mfwi, alì əzhʉ kwʉʼ li ə wù diʼ ətoŋ fwi ghə̀ wù, əzhʉ mbè nkwʉʼ ə soʼ viʼi vəpfʉkəvə. Zhʉ be nkwʉʼ ə wù taʼ viʼi shyèʼ ə̀ wù, andiʼ nshə̀ʼtə̀sə sə̀ ghoʼokəsə wù, nə̀ viʼi vyə no vətsèm a və ghoʼsə̀ əzhiʼ ə̀ wu, vətovə nə̀ vəbwaʼvə tò ndə̀ŋndəŋ. Əzhʉ̀ be kwʉ̀ʼ ə wù byɨsə viʼi vyi a və byɨsə viʼi ə nse.”

Kəmwetə 15:4

Tìʼ, a lè à faŋ ndo ke mfànə̀ be ghoʼsə̀ əzhiʼ ə̀ wu a? Adìʼ tò wunyɨŋ diʼ wu ŋwòʼə. Viʼi təloʼ tə tsèm ə lù vi ghoʼsə̀ wù byìʼàndo viʼi vətsèm ə yen li a ndayn la əshyèʼ wu diʼ əshwèʼ ə tɨməghə.”

Kəmwetə 16:9

Əlɨ̀m əchʉzhʉ a ghə̀ nyùʼù vəwenə mfànsə̀, vəwenə mù sə telə̀ Nyìngòŋ yì a ghə̀ ə kiʼì kədyòʼ əku ngəʼsə asènsə, kènla vəwenə kwitə li tətyɨm tə vəwenə fà vəwenə a mbyɨsə nghoʼsə̀ Nyìngòŋ.

Kəmwetə 18:10

Vəwenə lu tɨmə no kəghaf ando vəwenə lu mfànə̀ la kə ngəʼ wen à kwe vəwenə ngàʼà la, “Kə fànsə̀, kə fànsə̀ à Babilòyn ə ntə̀ʼ ə ghoʼo ghèn! Ghə̀ tə̀ nkiʼ kədyòʼ kə ghoʼkə alì və̀ nlyɨ tò fəshinə fəzhʉ əku ngəʼ fànsə à wen.”

Kəmwetə 18:17

Əghoʼ ghenə no tsèm ə somə li tò kətemə kə zhʉ kə mùʼ.” Vətì və vənkanuʼ nə̀ viʼi a və jèʼè a vənkanuʼ avenə viʼi a və shwèʼè tsu nə̀ ə̀vi a və zhɨ tò fa ə̀mu lu nti tò kəghaf,

Kəmwetə 18:19

Vəwenə lu ə mpfʉ̀ʼʉ̀ kəbìʼ à vəwenə a tʉ be dì kwòʼə̀ mbi gàʼà la, “Kə fànsə̀, kə fànsə̀ à ntə̀ʼ ghoʼo ghèn a viʼi a və shyèʼè a ə̀mu ə̀ nlù ghoʼkə tò byìʼ wen lə̀. Ə̀fo vi tsentə̀ li ə̀ le tò kətemə kə zhʉ.”

Kəmwetə 19:5

Fà yi bàm, mà zhʉ əgɨ̀ ghə̀ gàʼ fʉ̀ ə̀ vì fa kəshi kə kəfwoyn kì la, “Vəghəŋ ghoʼsə Nyìngòŋ vəghəŋ! vəghəŋ vətsèm a və diʼì viʼi shyèʼ ə wen, vəghəŋ vətsèm a və fàynə̀ wen ko wù dìʼ wuto ko wù dìʼ wubwaʼ.”

Kəmwetə 4:11

“Bobo ə Nyìngòŋ ə̀ yes, wù kwʉʼ li ə və əghoʼsə nə̀ gumlə be bwomsə̀ wù a kədyòʼ a wu kiʼì, byìʼàndo wù ə̀ nshɨtə fò tsèm ə̀ bè ə̀ nè la və ndiʼ ə̀ to.”

Kəmwetə 4:9

Ə̀fo zhwisəvə avenə nzhɨmə ndzàŋsə ku əghoʼsə, nə̀ gumlə bènə̀ kəzòŋ à wìʼ yì a ghə̀ ŋwʉʼ a kəfwoyn yì, ə̀wen yì a ghə̀ diʼì no məzhʉ ə̀ ntsèm.

Kəmwetə 8:10

Ntsɨ̀ŋ ngə̀ŋ ə̀ Nyìngòŋ tsen bè tòŋ əsoŋ ə wen, vəwenə ndiʼ vətaʼ, fədzɨ̀ŋ fə ghoʼo fə lù fa kàŋ ə̀ fə̀ŋ a nse baynə tò nə̀ kənkàʼtə̀. Fə fəŋ a lì ə̀ chìʼ təshyə mù mə nchomə̀ əmùʼ, fa tì təshyə tətaʼ nə̀ a kə shi a mu nfʉ.