Kəmwetə 13:7 - The New Testament in the Babanki language

⁷ Və nku li àdyoʼ à wen la ghə̀ soyn ə̀ zhɨ̀ viʼi Nyìngòŋ ə̀ bè ku àdyoʼ la ghə̀ soʼ viʼi ngwàʼsə sə̀tsèm, nə̀ viʼi təloʼ tə tsèm, bènə̀ viʼi a və gàʼà no əgàʼ kò ayi.

Kəmwetə 13:7 ပူးပေါင်းရင်းမြစ်များ

Ŋwàʼlə̀ Luk 4:6

mù gàʼ a wen la “Ma a ku adyòʼ a wù la wù nsoʼo shi a vènə no tsèm nə̀ ghoʼo yi a ghə̀ diʼ tsu byiʼ ando və nku li à mò no tsèm mu mà kòŋ mà ku à no məndò.

Joyn 19:11

Yesò ə bwensə ə gàʼ la, “Nò tèbe kədyòʼ a wù kiʼi a mo a kətʉ diʼ mu à ku to Nyìngòŋ a wù. Kə diʼi la mbyɨ ə ghoʼo diʼ mu à nè wìʼ ə yi a ghə̀ ku mo a wù.”

Kəmwetə 10:11

Ntsɨ̀ŋ ngə̀ŋ ə̀ Nyìngòŋ bè gàʼ à mò la mà diʼi ə shə̀ʼtə̀ ətɨm ə̀ Nyìngòŋ à viʼi no vəghoʼo, nə̀ a təloʼ no tə ghoʼo, nə̀ à viʼi a və gàʼà təgàʼ no təghoʼo bènə̀ à təfòyn no tə ghoʼo.

Kəmwetə 11:18

Tinsə viʼi vyi a və ko kɨ̀ wù tə mfwi, alì əzhʉ kwʉʼ li ə wù diʼ ətoŋ fwi ghə̀ wù, əzhʉ mbè nkwʉʼ ə soʼ viʼi vəpfʉkəvə. Zhʉ be nkwʉʼ ə wù taʼ viʼi shyèʼ ə̀ wù, andiʼ nshə̀ʼtə̀sə sə̀ ghoʼokəsə wù, nə̀ viʼi vyə no vətsèm a və ghoʼsə̀ əzhiʼ ə̀ wu, vətovə nə̀ vəbwaʼvə tò ndə̀ŋndəŋ. Əzhʉ̀ be kwʉ̀ʼ ə wù byɨsə viʼi vyi a və byɨsə viʼi ə nse.”

Kəmwetə 11:7

A ne ə ndiʼ a zhʉ a vəwenə shəʼtə̀ li ntɨm ayì ə mwetə nyàm ə fànsə yì ghə̀ fʉ̀ fa nkwòŋ yì a ghə̀ shwemə shiʼi dyʉ̀ tò dyʉ̀ lì ə soyn ə zhɨ vəwenə be a zhwilə vəwenə.

Kəmwetə 12:17

Nyàm ə fànsə ayì fwisə tin à wùwì yì ə̀ lù ə̀ dyʉ̀ əzìtə̀ əghoŋ à viʼi ngwàʼa ngə̀ŋ wùwì ayì, andiʼ viʼi vətsèm vi a və ghʉ təsoʼ tə Nyìngòŋ be shə̀ʼtə̀ ənyʉ̀ a Yesò ə̀ ndiʼi a ndayn.

Kəmwetə 17:15

Ntsɨ̀ŋ ngə̀ŋ ə̀ Nyìngòŋ bè gàʼ à mò la ə̀mu mì a mà ə yenə njèʼtə̀ yì ŋwʉʼ tsu lì dìʼ viʼi təloʼ tətsèm, a və kə̀ʼə̀ tò təkə̀ʼ tətsèm, be gàʼà tò təgàʼ tətsèm.

Kəmwetə 5:9

Vəwenə sə̀ zhɨmə ndzàŋ ə fi la, “Wàyn njɨ̀, wù ə kwʉʼ li ə̀ me əshi əbʉʼ ə ŋwàʼlə̀ ghenə ə bə̀ytə mɨ̀ŋ yi ə bòʼ byìʼe və nzhwi li wù, wù pfʉ ə̀ zèn kətʉ kə viʼi ə ngwàʼsə̀ tsèm nə̀ viʼi təgàʼ tə tsèm bènə̀ viʼi təloʼ tə tsèm a mbi. Wù ə̀ nzèn kətʉ kə vəwenə ne mənlyuŋ ə̀ bwènsə̀ ku à Nyìngòŋ.