Kəmwetə 13:6 - The New Testament in the Babanki language

⁶ Ghə̀ zìtə̀ sə̀ telə̀ Nyìngòŋ, telə̀ əzhiʼ ə wen be telə̀ viʼi a və̀ntsi a kàŋ.

Kəmwetə 13:6 ပူးပေါင်းရင်းမြစ်များ

Matìyò 12:34

Ghə̀ŋ zhusə byɨsə sènsə, kənyʉ̀ kə jùŋkə ko zì kə fʉ̀ fà ghə̀ŋ a chʉ̀ byìʼàndo ghə̀ŋ dìʼ viʼi və byɨvə. Gɨ̀ chʉ̀ dìʼ alə̀ gàʼà tò kənyʉ̀ a kə fʉ̀ fa tyɨm mu ghə̀ lwin li nə̀ nki nyʉ̀ a vyi.

Matìyò 15:19

Kwòʼtə byɨghə fʉ̀ tò fà wìʼ a tyɨm nə̀ nyʉ̀ byɨvə tsenəvə anə̀ ə zhwi, ə ntsi nə̀ wùwì ko wùlɨm a ko diʼ yə̀ nə̀ dzɨ̀mtə̀ ki, nə̀ tsoŋə, ə ndiʼ wùkəwam à wìʼ a kətʉ be gàʼà nyʉ̀ byɨvə tsenəvə byìʼì wìʼ.

Joyn 1:14

Ntɨm Nyìngòŋ na ghèn ə kaʼkə li sə diʼ wìʼ, ə vi tsitə a vəghəŋ a ntìntìn. Yès ə yen li kədyòʼ kə kaynəkə ə wen, kədyòʼ a ghə̀ kiʼi to nə̀ wàyn Nyìngòŋ a ghə̀ diʼ to əmùʼ li. Ghə̀ nlù fa ben ə Bobo ə vi kiʼi kusə nshinsə no mwènmwèn nə̀ no tèbe a ghò yi a ghə̀ diʼ nəmwèʼè kumə Nyìngòŋ.

Lumans 3:13

Təchʉ̀ tə vəwenə nə̀ lyɨmə to nə̀ əsè azhʉ̀ a və faŋ ke tsèn. Təchʉ̀ tə vəwenə diʼ mu tə lwin li nə̀ ndzɨ̀ŋsə. Kəlyɨmə kə vəwenə ə kiʼi ələʼ, ghə̀ zhwi to nə̀ ə su ə zhù.

Kòlòsyàns 1:19

Kə diʼ alə̀ byìʼì ando Nyìngòŋ ə nkòŋ ə ghʉ̀ wen la ghə̀ ndiʼ to nə̀ wen.

Kòlòsyàns 2:9

Nyìngòŋ ndiʼ li wenə wen no tsèm əcho fa Klistò a wenə wìʼ.

Hibùlù 9:2

Və bwòm li fəngə̀ŋ ə sə toŋtə lùmə ə ngə̀ŋ mbì la Kəshi kə Laynə kə. A ndiʼ a lùm na ghèn mu və ghʉ̀ li kəfo kì a və tomə kənkàʼtə̀ a yi kətʉ̀, be ntom kəbaŋ tsu a və nghʉ̀ kəbayn kì a və ku a Nyìngòŋ ə ayi kətʉ.

Hibùlù 9:24

Yesò nko ə kwen a kəshi kə ŋwoʼkə mu à bwòm viʼi. Ngə̀ŋ yì a bwomə viʼi ə ndiʼ to kədèmdèm kə ngə̀ŋ Nyìngòŋ a yì akàŋ. Yesò nkwen to no akàŋ a ben ə Nyìngòŋ, luwen sə diʼ ghə̀ sensə Nyìngòŋ a vəghəŋ akəshi.

Kəmwetə 11:12

Nshə̀ʼtə̀sə sə̀ ghoʼkəsə asènsə sə̀ bò bwènsə̀ lù fa pfʉ ə̀ zhʉ gɨ̀ ə to tsen a ghə̀ gàʼà fʉ̀ fa kàŋ la, “Ghə̀ŋ kuʼ ə̀ vì ashə̀!” Vəwenə kuʼ ə̀ shwe a tì mbòʼsə viʼi kəbàyn ə̀ vəwenə ti ki.

Kəmwetə 12:12

No ghə̀ŋ vətsèm a ghə̀ŋ ə tsi a kàŋ, ghə̀ŋ ə nsaŋlə̀! Kə ne mfàynsə̀ à ghə̀ŋ vi a ghə̀ŋ ə tsi a nse nə̀ a mù məghoʼomə̀ byìʼàndo Deblə̀ shiʼi li ə̀ mvi à ghə̀ŋ, tin ə̀ wen ə fwi byìʼàndo ghə̀ kɨ la əzhʉ temsə̀ li ə shwèʼ ə wen ə me.”

Kəmwetə 15:5

Fà yi ə bàm mà sə ki ə̀ yèn mu və bòʼò li kəshi kə ŋwoʼəkə a tì fəngə̀ŋ ati ngə̀ŋ ə̀ Nyìngòŋ ə ghoʼo a kàŋ.

Kəmwetə 18:20

“Ghə̀ŋ vi a ghə̀ŋ ə tsi a kàŋ, ghə̀ŋ ə nsaŋlə̀. Ghə̀ŋ ə nsaŋlə̀ a viʼi Nyìngòŋ nə̀ viʼi ə ntɨm nə̀ nshə̀ʼtə̀sə sə̀ ghoʼkəsə byìʼàndo Nyìngòŋ ə sisə li kənyʉ̀ a ghə̀ ə̀ ne à ghə̀ŋ.”

Kəmwetə 21:3

Ma be zhʉ ghɨ ə to ə tsen ando ghə̀ fʉ̀ vi fa kəkɨ təfòyn ayi, ghə̀ gàʼ a mò la, “Yen a, Nyìngòŋ ə na ntsi wenə viʼi luwen. Ghə̀ na diʼ wenə vəwenə, vəwenə diʼ viʼi wen. Nyìngòŋ no fa wen a ngeŋ na diʼ wenə vəwenə.

Kəmwetə 4:1

A ndìʼ ando ənyʉ̀ venə̀ ncho, kənyʉ̀ kə bè fʉ̀ à mò a kə̀ʼ a nə̀ jòm. Mà yen əchʉ ə ngə̀ŋ ə̀ kàŋ ə̀ boʼo. Gɨ̀ ə̀ mbì yì a mà yì zhʉ ndiʼ gɨ Yesò Klistò ghə̀ gàʼà à mò kù to nə̀ ə̀soŋ bè gàʼ a mò la, “Kuʼ ə̀ vì ashyə̀ mà diʼ kənyʉ̀ kì à wù a kə diʼ ə lyɨ̀ kəshi fa bàm ənyʉ̀ venə.”

Kəmwetə 4:4

Əfwoyn ə tsenəvə ndìʼ njʉ̀sə̀ kàʼ a məwum ə̀ mbò mu və nyɨŋ li ə̀ nkaʼ kəfwon kì, vəchəʼ njʉ̀sə̀ kàʼ a məwum ə̀ mbò ŋwʉʼ tsu mu vəwenə mòʼ vədàlə və fəfəvə nchiʼ təsòʼ mu və shɨ̀tə̀ nə̀ gul à vəwenə tʉ.

Kəmwetə 5:13

Mà zhʉ no tè ghò a ghə̀ diʼì a kàŋ nə̀ a nse nə̀ a loʼ ə̀ vəmpfʉ və nse nə̀ a mù mə nghoʼomə̀ bènə̀ a mbi ə̀ tsèm zhɨmə la, “Ə wen yì a ghə̀ ŋwʉʼ a kəfwon bènə̀ wàyn bi ənjɨ̀, və diʼ əbwaʼsə̀ ghə̀ŋ, gumlə̀ ghə̀ŋ, ghoʼsə̀ ghə̀ŋ nə̀ kədyòʼ no məzhʉ ə̀ ntsèm.”

Kəmwetə 7:15

A lə̀ kənyʉ̀ a vəwenə ti a shɨ kəfwoyn kə Nyìngòŋ, shyèʼè à wen nə̀nchwì bènə̀ nəntʉʼʉ à wen ə tì ngə̀ŋ. Wìʼ yì a ghə̀ ŋwʉʼ a kəfwoyn ne ndiʼ wenə̀ vəwenə, kɨ̀ŋtə̀ vəwenə.

Kəmwetə 7:9

Fà yì a bàm, mà kɨ̀blə̀ ə̀ yen ənòyn ə viʼi və tsenə və taŋə lè mu vəwenə mòʼ vədàlə və fəfəvə nə̀ əzaŋ à vəwenə avu və ti a shɨ ə̀ kəfwoyn kì bènə̀ wàyn bi njɨ̀ yì. Viʼi a vyi ə̀ ndìʼ tənkì tə viʼi no tətsèm, mu və fʉ̀ fa təshyə tə loʼ tətsèm, be gàʼà tò təgàʼ tətsèm.