Kəmwetə 13:4 - The New Testament in the Babanki language

⁴ Viʼi vətsèm ə sə̀ ghoʼsə̀ zhù ə byɨ yì fambwo ghə̀ ə nku li àdyoʼ ə wen à nyàm ətoʼ yì la ghə̀ ə nsoʼo. Vəwenə mbe ghoʼsə̀ nyàm ətoʼ yì gàʼà la, “A lè dìʼ ndo a nə̀ nyàm ghèn a? A lè zì à soyn ndo əsoyn ə wen a?”

Kəmwetə 13:4 ပူးပေါင်းရင်းမြစ်များ

2 Kolìntyàns 4:4

Viʼi a və ko byɨmə ko zhʉ̀ kɨ kənyʉ̀ byìʼì ando Satan a ghə̀ soʼo mbyi ghèn kəŋtə li tətof tə vəwenə la kə vəwenə byɨmə. Ghə̀ nè alə̀ la kə vəwenə yen əbayn yì a ntɨm ə jùŋ Klistò a ghə̀ diʼ kənfɨsə kə Nyìngòŋ ə vi nə̀ wenə ghə̀.

2 Tèsàlonyà 2:4

Wù byɨ na ghèn lu fʉ ə soyn Vənyìngòŋ və tsenəvə no tèbè nə̀ gho ə tsen yi a viʼi ə gumlə, ə diʼ la ghə̀ to chò Vənyìngòŋ na vi. Ghə̀ lu dyʉ̀ kwen nyʉ̀ʼmə a ngə̀ŋ Nyìngòŋ ə ghoʼo ə gàʼa la à diʼ to no wen diʼ Nyìngòŋ.

Kəmwetə 12:3

Kəchwitə kə kanəkə kətsenkə bè fʉ̀ a kàŋ, nyàm ə fàynsə ghoʼo tsen fʉ̀ kə̀ʼə̀ bàŋə̀baŋə, kiʼ ətʉ sòmbo nə̀ ndoŋsə wum. No kətʉ kə kò kə kiʼ ə̀sòʼ ə təfòyn.

Kəmwetə 12:4

Əkwen ə wen ə zhès əshyə mədzɨ̀ŋ ə̀ mùʼ fa tì təshyə tə taʼ ə̀ mòʼ shìsə a nse. Nyàm ə fànsə ayì tɨmə a shɨ ə̀ wùwì yì a ghə̀ sə̀ diʼ a məbwi lì sə̀ bvʉ̀tə̀ ə pfiʼ wàyn ayì a ghə̀ a bwi lì.

Kəmwetə 13:11

Mà bè yèn nyàm ə toʼ ə tsen ghə̀ fʉ̀ kuʼ ə̀ vì fa nse, kiʼ əndoŋsə sə bò to nə̀ wàyn bi ənjɨ̀. Ghə̀ ə̀ ngàʼà tò nə̀ əzhù ə byɨ.

Kəmwetə 13:15

Və ku kədyòʼ à kənkùmtə̀ kə nyàm ətoʼ kì la ghə̀ fwof kəzhwì a əchʉ̀ kənshyə̀ʼsə̀ kə nyàm ətoʼ ə lyomə yì ndi kənshyə̀ʼsə̀ kə nyàm akì gàʼ ə̀ nè və shyə no ndò yì a ghə̀ ə tyenə ghoʼsə kəwenkə.

Kəmwetə 13:2

Nyàm ətoʼ ayì a mà ə̀ nyenə lì ə̀ mfʉsə̀ nyàm ə̀ kəbo, aghʉ ə wen diʼ to nə̀ aghʉ ə bi toʼ, əchʉ wen diʼ to nə̀ əchʉ abìkəŋ. Zhù ə byɨ yì ku kəfwon nə̀ kədyòʼ ə ghoʼoghə à wen.

Kəmwetə 17:14

Vəwenə ne tsèntə̀ ə sə̀ʼ əsoyn a əwen wàyn bi ənjɨ̀ yì alì wàyn bi ənjɨ̀ soyn ə̀ zhɨ̀ vəwenə byìʼàndo ghə̀ dìʼ Bobo ə̀ vəbobo, be diʼ fòyn ə̀ təfòyn tətsèm, kiʼ viʼi wen a ghə̀ ə̀ ndzàŋə̀ li ə̀ bè tsuʼ vəwenə la və nzhʉmə̀ wen.”

Kəmwetə 18:18

zɨmə dì ando vəwenə yenə ando Babilòyn ə bolə̀ fələʼ fi kuʼu. “No ntə̀ʼ ə ghoʼo tsen nko təmə diʼ a nə̀ ntə̀ʼ ghèn!”

Kəmwetə 9:20

Viʼi vətsenvə vi a ngəʼsə asènsə nko zhwì vəwenə lì, tyen la vəwenə ko a kwitə fà vəwenə mbyɨsə. Vəwenə mfaŋ li sə ghoʼsə̀ tò vədeblə̀ bènə̀ mənyo mì a və shɨtə̀ nə̀ gul nə̀ silva bènə̀ kəkas kətsen a kə bàŋə̀ baŋə, ə̀ shɨ̀tə̀ mətsenə nə̀ ngùʼ, bè shɨ̀tə̀ mətsenə nə̀ nkòʼ, à diʼ ə̀fo və ko yenə shi, ko ə nzhʉ ənyʉ̀ kènla və jèʼè.